“Ma nistgħux ma nagħmlux riflessjoni fuq il-weġgħa kbira li għaddejna minnha ftit ilu. Qed nirreferi għall-abbużi fuq numru ta’ tfal u żgħażagħ minn xi saċerdoti snin ilu.”

Hekk sostna Mons Arċisqof Pawlu Cremona OP, fil-messaġġ tiegħu fil-ħarġa ta’ Settembru ta’ “Flimkien”, ir-rivista ta’ kull xahar maħruġa mill-Kulleġġ tal-Kappillan. L-Arċisqof fakkar li hu diġà kien talab maħfra lill-vittmi ta’ dawn l-abbużi.

Kien fil-bidu t’Awwissu li għadda li żewġ patrijiet tas-Soċjetà Missjunarja ta’ San Pawl instabu ħatja ta’ abbużi fuq minorenni, meta dawn kienu taħt il-kura tagħhom f’Dar tal-Knisja… Kompli aqra »

L-intenzjoni ġenerali tat-talb tal-Papa għal dan ix-xahar ta’ Settembru hija sabiex l-għalliema kollha jkollhom l-għarfien ta’ kif jikkomunikaw l-imħabba tal-verita lit-tfal afdati f’idejhom. Barra minn hekkinisslu fihom valuri morali u spiritwali awtentiċi.

L-Appostolatura tat-talb tal-Papa,bħal kull ftuħ ta’ xahar ġdid, ħabbret ukoll l-intenzjoni appostolika tal-Kap tal-Knisja. Qalet li l-Papa Benedittu XVI, matul dan ix-xahar ta’ Settembru, se jkun qed jitlob  sabiex il-komunitajiet insara tal-Asja jipproklamaw il-Vanġelu b’entużjażmu, b’xiehda għas-sbuħija tiegħu u bil-ferħ ġej mill-fidi… Kompli aqra »