Arkivji mensili: Frar 2012

IL-PAPA JITKELLEM DWAR IR-RIEDA T’ALLA LI JFEJJAQNA

13/02/2012

Pope in Sunday's audience

Il-fejqan kien it-tema tal-indirizz li l-Papa għamel fl-udjenza ta’ nhar il-Ħadd fi Pjazza San Pietru fil-Vatikan. Il-Papa rrefera għal-liturġija tal-ġurnata fejn bniedem marid bil-ġdiem jersaq lejn Ġesu u jgħidlu: “Jekk trid tista’ tfejjaqni” u Ġesu jwieġbu: “Irrid. Kun imfejjaq”.

Benedittu XVI ifisser li “f’dak il-ġest u fil-kliem ta’ Ġesu, hi miġbura l-istorja kollha tas-salvazzjoni – ir-rieda ta’ Alla li jfejjaq u li jnaddaf il-ħażen li jeqred ir-relazzjonijiet tagħna”… Kompli aqra »

MESSAĠĠ TAL-ARĊISQOF WAQT IL-QUDDIESA GĦALL-GĦARAJJES LI SE JIŻŻEWĠU FL-2012

12/02/2012

KonKatidral ta’ San Ġwann

12 ta’ Frar 2012

Ħuti,

Ovvjament kull wieħed u waħda minnkom jista’ jirrakkonta  l-esperjenza tiegħu tul l-għerusija.  Intkom ilkoll qed tħejju lilkom infuskom għaż-żwieġ tagħkom u qegħdin hawnhekk fil-Knisja illum għax iż-żwieġ tagħkom għażiltu li jkun żwieġ sagrament jiġifieri li joħroġ mill-fidi tagħkom bħala nsara u li jkun ukoll sinjal tal-fidi tagħkom nisranija… Kompli aqra »

ĠIMGĦAŻWIEĠ

12/02/2012

ProġettImpenn ser jorganizza għal darb’oħra ‘ĠimgħaŻwieġ’, li qed tiġi ċċelebrata f’aktar minn 20 pajjiż, fost oħrajn fl-Ewropa u fl-Istati Uniti. Għall-ewwel darba, ĠimgħaŻwieġ ser tiġi ċċelebrata wkoll fil-Parlament Ewropew b’diskussjoni taħt il-patrunaġġ tal-Membru Parlamentari Ewropew Slovakka, Anna Zaborska.

F’Malta, ĠimgħaŻwieġ tiftah illum il-Ħadd 12 ta’ Frar. Illejla, fis-6.30 p.m., l-Arċisqof Pawlu Cremona O.P. ser jiltaqa’ mal-għarajjes kollha li ser jiżżewġu matul din is-sena, għal ċelebrazzjoni tal-Quddiesa fil-Konkatidral ta’ San Ġwann, il-Belt Valletta… Kompli aqra »

13 – 19 ta’ Frar

12/02/2012

It-Tnejn

9.15 a.m. L-Arċisqof jippresiedi laqgħa tal-uffiċċjali prinċipali tal-Kurja.

4.30 p.m. L-Arċisqof jiltaqa’ mas-seminaristi ndividwali u wara jiċċelebra Quddiesa u jiekol magħhom fis-Seminarju tal-Virtu’.

It-Tlieta

4.30 p.m. L-Arċisqof jippresiedi laqgħa tal-Bord tas-Seminarju, is-Seminarju, tal-Virtú.

L-Erbgħa

9.00 a.m. L-Arċisqof jieħu sehem f’seminar tat-Taqsima Pastorali Dinja tax-Xogħol, il-Kurja.

12.30 p.m… Kompli aqra »

FTUĦ TAŻ-ŻJARA PASTORALI F’SAN ĠILJAN

11/02/2012

Nhar il-Ħadd 5 ta’ Frar 2012, l-Arċisqof iċċelebra Quddiesa fil-Knisja Parrokkjali ta’ San Ġiljan fil-ftuħ taż-żjara pastorali tiegħu fil-parroċċa.

AGĦFAS HAWN għal aktar informazzjoni dwar iż-Żjara Pastorali tal-Arċisqof fil-parroċċa tiegħek.

Agħfas fuq ir-ritratti biex tkabbar… Kompli aqra »

PAWLU U PROSPERO

11/02/2012

Għadna kemm iċċelebrajna l-festa tan-nawfraġju ta’ San Pawl, jum it-tifkira tal-magħmudija ta’ Malta. Kif din it-tifkira għadha friska, daqstant ieħor għadha friska l-Ordinazzjoni Episkopali tal-Agostinjan Malti, Patri Prospero Grech, li l-ġimgħa d-dieħla jinħatar Kardinal mill-Papa Benedittu XVI.

Żewġ okkażjonijiet li meta jitwaħħdu, jidhrilna li tkun ferm f’lokha riflessjoni dwar il-fidi tagħna l-Maltin bħala poplu, speċjalment quddiem l-isfidi li tpoġġi quddiemna d-dinja tal-lum.

Quddiemna l-kliem tal-Patri Kapuċċin Martin Mamo waqt il-paniġierku li niseġ fil-quddiesa pontifikali fil-knisja ta’ San Pawl Nawfraġu l-Belt ilbieraħ: “Jeħtieġ li nagħrblu u nifhmu verament x’inhi l-fidi tal-lum, waqt li nħallu lil Kristu jagħtina l-formazzjoni tal-qalb”… Kompli aqra »

SIMPOŻJU JINTEMM BIT-TNEDIJA TA’ PORTAL T’GĦAJNUNA GĦAL IKTAR PROTEZZJONI TAT-TFAL

11/02/2012

Simpożju t’erbat ijiem fl-Universita Gregorjana f’Ruma bit-tema “Lejn Fejqan u Tiġdid” intemm bit-tnedija ta’ portal ġdid tal-internet b’informazzjoni u taħriġ lil kull min hu nvolut fil-protezzjoni tat-tfal fi ħdan il-Knisja.

Il-portal, aċċessibbli bl-Ingliż, bl-Ispanjol, bit-Taljan u bil-Ġermaniż, huwa inizjattiva li qed tiġi deskritta bħala pass ‘il quddiem fil-ħidma lejn approċ aħjar tal-Knisja quddiem il-problema tal-abbużi sesswali mwettqa minn membri tal-kleru… Kompli aqra »

IPPREŻENTAT IL-MESSAĠĠ TAL-PAPA GĦAR-RANDAN 2012

10/02/2012

Lent

F’konferenza tal-aħbarijiet fil-Vatikan, kien ippreżentat il-messaġġ tal-Kap tal-Knisja Kattolika għal Żmien ir-Randan, bit-tema “Let us be concerned for each other, to stir a response in love and good works”.

Il-messaġġ tal-Papa Benedittu XVI għar-Randan ta’ din is-sena jiffoka fuq il-bżonn li l-bnedmin jieħdu ħsieb xulxin u sabiex f’kull għemil tintwera l-imħabba. Iż-żmien tar-Randan joffri l-opportunita għar-riflessjoni dwar waħda mill-iktar aspetti importanti fil-ħajja Nisranija: il-Karita’… Kompli aqra »

L-ARĊISQOF JILTAQA’ MAL-E.T. IL-KARDINAL AGOSTINO VALLINI FIL-KNISJA TAL-MOSTA

09/02/2012

Nhar il-Ħamis 9 ta’ Frar 2012, l-Arċisqof Pawlu Cremona O.P. indirizza lill-Eminenza Tiegħu il-Kardinal Agostino Vallini, Vigarju ta’ Ruma, u grupp ta’ saċerdoti fil-Knisja Parrokkjali tal-Mosta qabel it-talb tal-Lawdi. Il-Kardinal Vallini wasal Malta nhar it-Tlieta 7 ta’ Frar flimkien ma’ erba’ isqfijiet u 150 saċerdot mid-Djoċesi ta’ Ruma għal pellegrinaġġ Pawlin f’Malta

Agħfas fuq ir-ritratti biex tkabbar… Kompli aqra »

L-ORDINAZZJONI EPISKOPALI TA’ MONS. PROSPERO GRECH – ARĊISQOF TITULARI TA’ SAN LEONE

09/02/2012


Nhar l-Erbgħa 8 ta’ Frar 2012, Mons. Prospero Grech O.S.A., Kardinal Elett, ġie ordnat Isqof fil-Kon-Katidral ta’ San Ġwann, il-Belt Valletta. Mons. Grech ġie kkonsagrat Isqof mill-Arċisqof Pawlu Cremona O.P. u ngħata t-titlu personali ta’ Arċisqof Titulari ta’ San Leone fil-Basilicata (Italja). L-Isqfijiet ko-konsagranti fiċ-ċelebrazzjoni tal-ordinazzjoni episkopali kienu Monsinjur Giuseppe Versaldi, Arċisqof u President tal-Prefettura tal-Affarijiet Ekonomiċi tas-Santa Sede, u l-Isqof t’Għawdex, Monsinjur Mario Grech… Kompli aqra »