Arkivji mensili: Novembru 2012

19-25 ta’ Novembru

18/11/2012
It-Tnejn

9.15 a.m. L-Arċisqof jippresiedi laqgħa tal-uffiċjali prinċipali tal-Kurja, fir-residenza tiegħu, Ħ’Attard.

6.00 p.m. L-Arċisqof jippresiedi laqgħa tad-Delegati tiegħu, fir-residenza tiegħu.

It-Tlieta

9.30 a.m. L-Arċisqof jippresiedi laqgħa tal-Konferenza Episkopali Flimkien mal-Kunsill tas-Superjuri Maġġuri Reliġjużi fil-Kurja.

6.00 p.m. L-Arċisqof jiltaqa’ mal-Kummissjoni Liturġika ta’ Guardamangia fis-Sala Yvonne, bħala parti miż-Żjara Pastorali.

7.15 p.m. L-Arċisqof jiltaqa’ mal-Kunsill Pastorali Parrokkjali u mal-Kummissjoni Implimentazzjoni Sinodu ta’ Guardamangia fis-Sala Yvonne… Kompli aqra »

Il-Vanġelu tat-18 ta’ Novembru

18/11/2012

It-33 Hadd ta’ Matul is-Sena

Mark 13,24-32

“Imma f’dawk il-jiem, wara dawk id-dwejjaq, ix-xemx tiddallam, il-qamar jitlef id-dija tiegħu, il-kwiekeb jibdew jaqgħu mis-sema, Mbagħad jaraw lil Bin il-bniedem ġej fis-sħab b’qawwa kbira u bi glorja. U mbagħad jibgħat l-anġli biex jiġbor flimkien il-maħturin tiegħu mill-erbat irjieħ, minn tarf l-art sa tarf is-sema. “Mis-siġra tat-tin tgħallmu din il-parabbola. Meta l-fergħa tagħha tirtab u tarmi l-weraq, intom tintebħu li s-sajf fil-qrib… Kompli aqra »

Ċelebrazzjonijiet bi tħejjija għall-ordinazzjoni episkopali tal-E.T. Mons. Charles J. Scicluna

17/11/2012

Il-Kurja tal-Arċisqof qed tippublika l-programm ta’ ċelebrazzjonijiet bi tħejjija għall-Ordinazzjon Episkopali tal-E.T. Mons. Charles J. Scicluna, Isqof Titulari Elett ta’ San Leone u Isqof Awziljari Elett ta’ Malta. Kulħadd hu mistieden li jattendi. It-Tlieta 20 ta’ Novembru 2012 – Parroċċa San Sebastjan, Ħal Qormi

Tifkira tas-Sagramenti tal-Bidu tal-Ħajja Nisranija

5.30 p.m. Laqgħa mat-tfal tal-parroċċa. Ċelebrazzjoni li fiha jsir it-tiġdid tal-wegħdiet tal-Magħmudija… Kompli aqra »

Il-Vanġelu tas-17 ta’ Novembru

17/11/2012

Luqa 18,1-8

Mbagħad qalilhom parabbola biex jurihom li għandhom dejjem jitolbu bla ma jaqtgħu. Qalilhom: “Kien hemm f’belt wieħed imħallef, li la kien jibża’ minn Alla u lanqas iħabbel rasu minn ħadd. F’dik il-belt kien hemm waħda armla, u kienet tmur għandu u tgħidlu, ‘Agħmilli ħaqq kontra l-għadu tiegħi.’ Hu ma riedx, u dam ħafna hekk; iżda mbagħad bejnu u bejn ruħu qal, ‘Mhux għax nibża’ minn Alla jew għax se nħabbel rasi min-nies, imma għallinqas għax din l-armla dejjqitni; ħa nagħmlilha ħaqq, biex ma tibqax ġejja u sejra sa ma tifnini.’ ” U l-Mulej qal: “Isimgħu ftit x’jgħid  l-imħallef il-ħażin… Kompli aqra »

Il-Vanġelu tas-16 ta’ Novembru

16/11/2012

Luqa 17, 26-37

“U bħalma ġara fi żmien Noè, hekk ukoll jiġri fi żmien Bin il-bniedem. Kienu jieklu, jixorbu, jiżżewwġu u jżewwġu, sa dakinhar li Noè daħal fl-arka; mbagħad ġie d-dilluvju u qeridhom ilkoll. L-istess bħalma ġara fi żmien Lot; kienu jieklu, jixorbu, jixtru, ibigħu, iħawwlu, jibnu, imma dak in-nhar li Lot ħareġ minn Sodoma, Alla bagħat xita ta’ nar u kubrit mis-sema u qeridhom ilkoll… Kompli aqra »

‘L-għan tal-ekumeniżmu huwa l-għaqda tal-insara mifrudin’

15/11/2012

Pope Benedict XVI

Ir-rabtiet mill-qrib tax-xogħol tal-evanġelizzazzjoni u l-ħtieġa li jkunu solvuti l-qasmiet li għadhom jeżistu bejn l-insara, kienu jikkostitwixxu t-tema ċentrali tal-indirizz li l-Papa Benedittu XVI għamel lill-membri u konsulturi tal-Kunsill Pontifiċju għall-Għaqda Nisranija fl-okkażjoni tal-Assemblea Plenarja ddedikata lill-‘Importanza tal-ekumeniżmu fl-evanġelizzazzjoni l-ġdida’.

Il-Papa qal li wieħed ma jistax jimxi fit-triq ekumenika waqt li jinjora l-kriżi tal-fidi li qed tolqot partijiet kbar tad-dinja… Kompli aqra »

Proġett għaż-Żgħażagħ fil-Films Qosra

15/11/2012

Nhar il-Ħamis 15 ta’ Novembru 2012, is-Segretarjat għall-Mezzi tal-Komunikazzjoni Soċjali tal-Knisja f’Malta, f’kollaborazzjoni mas-Sależjani ta’ Don Bosco, nieda proġett ġdid bl-isem ‘FilmE’.

Din hija inizjattiva oħra fil-qasam tal-Media Education. L-għan ta’ dan il-proġett hu li jlaqqgħa żgħażagħ adoloxxenti biex jipproduċu films qosra, u fil-proċess jitgħallmu jaħdmu flimkien u joħolqu sens komunitarju. Dan il-proġett joffri mhux biss l-opportunità li huma jkunu l-protagonisti tal-media, imma wkoll li jrawmu fihom sens ta’ evalwazzjoni kritika tal-media u jitgħallmu dawk il-valuri umani li huma ta’ ġid għalihom… Kompli aqra »

L-Arċisqof jiċċelebra Quddiesa għal gradwati tal-Universita’ ta’ Malta

15/11/2012

Nhar l-Erbgħa 14 ta’ Novembru 2012, l-Arċisqof Pawlu Cremona O.P. iċċelebra quddiesa ta’ radd il-ħajr bis-sehem tal-istudenti li se jiggradwaw mill-Università ta’ Malta. Din saret fil-Kon-Katidral ta’ San Ġwann.

L-Arċisqof feraħ lil gradwati kollha, u qallhom li Ġesu jifrah magħhom ukoll tas-suċċess li għamlu fl-edukazzjoni tagħhom. Hu ħeġġeġ lil gradwati biex jagħmlu riflessjoni biex fil-karriera tagħhom jaġixxu etikament tajjeb fir-responsabiltajiet tagħhom… Kompli aqra »

Il-Vanġelu tal-15 ta’ Novembru

15/11/2012

Luqa 17, 20-25

Il-Fariżej staqsewh meta kienet se tiġi s-Saltna ta’ Alla, u hu weġibhom: “Is-Saltna ta’ Alla ma tiġix b’sinjali li jidhru; lanqas ħadd ma hu se jgħid, ‘Arawha, hawn,’ jew, ‘Hemm’, għax araw, is-Saltna ta’ Alla fostkom qiegħda.” Lid-dixxipli tiegħu qalilhom: “Għad jiġi żmien meta tkunu tixtiequ taraw jum wieħed minn żmien Bin  il-bniedem u ma tarawhx… Kompli aqra »

Tliet modi kif issir taf ‘l Alla: Id-dinja, il-bniedem u l-fidi

14/11/2012

Pope during weekly General Audience

Tliet modi kif issir taf ‘l Alla – id-dinja, il-bniedem u l-fidi – kienu t-tema li l-Papa Benedittu XVI għażel għall-katekeżi tal-udjenza ġenerali ta’ din il-ġimgħa, li saret fil-Vatikan l-Erbgħa filgħodu.

Il-Papa beda biex spjega li l-“inizjattiva t’Alla dejjem tiġi qabel kwalunkwe inizjattiva li jieħu l-bnieem, u anki fi triqitna lejh, huwa Hu li jilluminana u jiggwidana, waqt li dejjem jirrispetta l-liberta tagħna… Kompli aqra »