Yearly Archives: 2012

Il-Papa jenfasizza l-importanza tal-edukazzjoni fil-kuntest ta’ żmienna

13/12/2012

Il-Papa Benedittu XVI laqa’ f’udjenza sitt ambaxxaturi ġodda u non-residenti akkreditati għas-Santa Sede miż-Żambja, mit-Tajlandja, mis-Sri Lanka, minn St. Vincent u l-Hgrenadines, min-Niġer u l-Guinea. Fl-indirizz tiegħu lid-diplomatiċi, il-Papa ffoka fuq it-tema tal-edukazzjoni, waħda mill-isfidi ewlenin fiż-żminijiet tal-lum.

Waqt li semma l-evoluzzjoni tal-istili differenti tal-ħajja tal-lum, li qal li toħloq qasmiet kulturali, soċjali u spiritwali fl-istorja umana, Benedittu XVI semma wkoll in-networks soċjali li qal li “spiċċaw jieħdu post l-ispazji soċjali u komunikattivi, biex saru kważi l-uniku punt ta’ referenza għall-kisba tal-informazzjoni u l-għarfien… Kompli aqra »

Il-Kummissjoni Nazzjonali għal Persuni b’Diżabilita’ ippremjata l-Premju Dun Mikiel Azzoppardi għall-2012

12/12/2012

On Tuesday 11th December 2012, the Archbishop presided over a Christmas concert and presented an Award in aid of Id-Dar tal-Providenza, at St. John’s Co-Cathedral, Valletta.

This year’s Dun Mikiel Azzopardi Award went to the National Commission for Persons with Disability as id-Dar tal-Providenza’s sign of recognition and appreciation of the Commission’s work and commitment since its inception twenty-five years ago as well as for its vision to continue building on its achievements… Kompli aqra »

L-Isqfijiet fir-Renju Unit jgħid li t-tifsira taż-żwieġ għadha importanti

12/12/2012

Il-Gvern fir-Renju Unit qal li s-sena d-dieħla se jkun qed jintroduċi abbozz ta’ liġi biex jillegalizza dak li qed jissejjaħ żwieġ bejn koppji tal-istess sess.

Dawk li huma kontra l-pjan qalu li d-deċiżjoni dwar dan saret mingħajr konsultazzjoni.

Kemm il-Knisja Kattolika u l-Knisja Anglikana ħabbru li huma kontra l-liġi proposta. B’reazzjoni għall-aħbar, iż-żewġ Arċisqfijiet kattoliċi f’Londra, Vincent Nichols ta’ Westminister u Peter Smith ta’ Southwark, ħarġu stqarrija  biex joppona bl-iktar mod qawwi l-proposta… Kompli aqra »

Quddiesa fi tmiem il-missjoni diplomatika tan-Nunzju Appostoliku

11/12/2012

Fi tmiem il-missjoni diplomatika tiegħu f’Malta bħala Nunzju Appostoliku tas-Santa Sede, l-Eċċellenza Tiegħu l-Arċisqof Tommaso Caputo se jiċċelebra Quddiesa ta’ radd il-ħajr nhar il-Ħadd 16 ta’ Diċembru, fil-Konkatidral ta’ San Ġwann, il-Belt Valletta, fil-5.30pm.

Fl-10 ta’ Novembru li għadda, il-Qdusija Tiegħu il-Papa Benedittu XVI ħatar lil Mons. Caputo bħala Arċisqof tal-belt ta’ Pompei u Delegat Pontifiċju għas-Santwarju tal-Imqaddsa Verġni Marija tar-Rużarju ta’ Pompei… Kompli aqra »

Il-Kardinal Ouellet jippresiedi ftuħ il-kungress internazzjonali dwar il-Knisja fl-Amerka

11/12/2012

Cardinal Ouellet

Ilbieraħ ngħata bidu għal kungress internazzjonali ta’ tliet ijiem dwar il-Knisja fl-Amerka. Dan sar b’ċelebrazzjoni ewkaristika fil-Bażilika ta’ San Pietru fil-Vatikan. Il-kungress qed jaħbat mal-15-il anniversarju tas-Sinodu tal-Isqfijiet fl-Amerka. Beatu Ġwanni Pawlu II ħareġ l-eżortazzjoni appostolika Ecclesia in America fl-1999.

Il-Prefett tal-Kongregazzjoni tal-Isqfijiet  u President tal-Kunsill Pontifiċju għall-Amerika Latina, il-Kardinal marc Ouellet kien iċ-ċelebrant ewlieni għall-quddiesa tal-ftuħ tal-kungress internazzjonali ta’ din is-sena… Kompli aqra »

Il-Papa jappella għal segwitu fuq il-passi tal-Battista

11/12/2012

“Dmirna llum huwa li nisimgħu l-vuċi ta’ Ġwanni l-Battista li tagħti spazju u tħejjina għal Ġesu biex inkunu nistgħu nilqgħuh, hu li hu l-Kelma li ssalvana ġewwinament. F’dan iż-żmien tal-Avvent, ejja nitħejjew biex naraw, naraw bl-għajnejn tal-fidi s-salvazzjoni t’Alla fil-grotta umli u sempliċi ta’ Betlehem”.

Fil-messaġġ tiegħu fl-aħħar reċita tal-Angelus, il-Papa Benedittu XVI stieden lil dawk kollha li jemmnu u lill-pellegrini miġbura fil-Vatikan sabiex isegwu l-passi ta’ San Ġwann il-Battista li jistedinna lkoll ngħixu ‘b’mod essenzjali’… Kompli aqra »

10-16 ta’ Diċembru

09/12/2012
It-Tnejn

9.15 a.m. L-Arċisqof jippresiedi laqgħa tal-uffiċjali prinċipali tal-Kurja, fir-residenza tiegħu, Ħ’Attard.

4.30 p.m. L-Arċisqof jiltaqa’ mas-seminaristi individwalment u wara jiċċelebra magħhom Quddiesa u jiekol magħhom fis-Seminarju tal-Virtu’, r-Rabat.

It-Tlieta

09.30 a.m. L-Arċisqof jaqsam l-awguri tiegħu tal-Milied mal-kapijiet tal-Iskejjel tal-Knisja, l-Kurja.

11.00 a.m. L-Arċisqof iżur il-komunita’ terapewtika ta’ San Blas u wara jiekol mar-residenti, f’Ħaż-Żebbuġ… Kompli aqra »

Is-Santa Sede u l-Ġermanja jiddiskutu l-kriżi ekonomika

06/12/2012

Joachim Gauck

Dalgħodu fil-Palazz Appostoliku fil-Vatikan il-Papa laqa’ f’udjenza lill-President tar-Repubblika Federali tal-Ġermanja, Joachim Gauck, li sussegwentement iltaqa’ mas-Segretarju tal-Istat tal-Vatikan, il-Kardinal Tarcisio Bertone, akkumpanjat mis-Sotto Segretarju għar-relazzjonijiet bejn il-pajjiżi differenti, Mons Ettore Balastrero.

Id-diskussjonijiet enfasizzaw in-natura kordjali tar-relazzjonijiet bilaterali. Ngħatat attenzjoni dwar l-aspett nisrani tal-persuna, kif ukoll l-isfidi li qed tpoġġi l-globalizzazzjoni u s-sekularizzazzjoni tas-soċjeta.

Dan kien segwit minn bdil ta’ opinjonijiet dwar is-sitwazzjoni internazzjonali u l-kriżi ekonomika kurrenti, speċjalment f’relazzjoni mal-konsegwenzi tagħha fl-Ewropa u l-kontribut li l-Knisja Kattolika tista’ toffri… Kompli aqra »

L-Avvent: att ta’ fidi fil-pjan t’Alla għall-umanita

06/12/2012

Fl-udjenza ġenerali ta’ kull nhar t’Erbgħa, din il-ġimgħa l-Papa Benedittu XVI fakkar il-bidu tal-Avvent u ftuħ is-sena liturġika l-ġdida u ddedika l-katekeżi tal-udjenza ġenerali biex iħeġġeġ l-għejxien ta’ dan l-istaġun bħala att ta’ fidi fil-pjan benevolenti t’Alla għall-umanita.

Intant, fl-udjenza tal-Erbgħa l-Papa esprima wkoll it-tħassib tiegħu dwar il-kriżi umanitarja fir-Repubblika Domenikana tal-Kongo. Huwa appella sabiex tingħata għajnuna lill-poplu ta’ dan il-pajjiż, li hu kkaratterizzat minn ġlied armat u vjolenza… Kompli aqra »