Arkivji mensili: Marzu 2013

Jibda l-Konklavi

11/03/2013

Fil-Kappella Sistina fil-Vatikan għaddejjin l-aħħar tħejjijiet għall-Konklavi biex jintgħażel Papa ġdid. Il-Konklavi jibda għada wara nofsinhar. F’dan l-avveniment storiku, 115-il kardinal taħt it-80 sena huma mistennija li jidħlu fil-Kappella Sistina sabiex jivvutaw. Huma se jivvutaw għada filgħaxija u sa erba’ darbiet kuljum, jekk il-Papa ġdid ma jkunx elett għada. Sabiex jiġi elett Papa, irid ikollu maġġoranza ta’ żewġ terzi jew 77 vot… Kompli aqra »

11-17 ta’ Marzu

10/03/2013
It-Tnejn

9.15 a.m. L-Arċisqof jippresiedi laqgħa tal-uffiċċjali prinċipali tal-Kurja, fir-residenza tiegħu Ħ’Attard.

4.30 p.m. L-Arċisqof jiltaqa’ mas-seminaristi ndividwali u wara jiċċelebra magħhom quddiesa u jiekol magħhom, fis-Seminarju Tal-Virtu’.

It-Tlieta

4.30 p.m. L-Arċisqof jippresiedi laqgħa tal-Bord tas-Seminarju, Tal-Virtù.

L-Erbgħa

10.00 a.m. L-Arċisqof jippresiedi laqgħa tal-Kulleġġ tal-Kappillani, fid-Dar tal-Kleru, Birkirkara.

5.00 p.m. L-Arċisqof jiltaqa’ mal-Kummissjoni Djakonija fl-Uffiċċju Parrokkjali, bħala parti miż-Żjara Pastorali fil-Parroċċa tal-Immakulata Kunċizzjoni l-Ħamrun… Kompli aqra »

L-elezzjoni għal Papa ġdid tibda t-Tlieta li ġej. Il-Kardinal Malti se jwassal il-meditazzjoni li jmiss

08/03/2013

The most awaited white smoke from Vatican chimney

Waqt it-tmien Kongregazzjoni Ġenerali tal-Kulleġġ tal-Karinali ġie deċiż li l-Konklavi biex jinħatar Papa ġdid se jibdew nhar it-Tlieta, 12 ta’ Marzu.

It-Tlieta filgħodu ser tiġi ċċelebrata quddiesa fil-Bażilika ta’ San Pietru. Il-Kardinali se jidħlu għall-Konklavi wara nofsinhar.

Dan ser ikun il-75 konklavi fl-istorja tal-Knisja Kattolika.

Iktar kmieni, waqt press briefing indirizzat mill-Kelliem għall-Uffiċċju Stampa tas-Santa Sede, Patri Federico Lombardi, tħabbar li se jkun il-Kardinal Malti Prospero Grech li jmexxi l-meditazzjoni fil-bidu tal-Konklavi… Kompli aqra »

Data eqreb għall-konklavi?

08/03/2013

Cardinal Napier's tweet

Hekk kif jibdew il-Konklavi, il-kardinali mhux se jkunu jistgħu jużaw l-ebda social network, lanqas Twitter, imma sakemm tiġi deċiża d-data, il-kardinali se jibqgħu jaġġornaw is-segwaċi tagħhom b’dak kollu li għaddej waqt il-Kongregazzjoni tal-Kardinali fil-Vatikan.

Wieħed mill-kardinali li qed juża twitter, hu l-eks Arċisqof ta’ Los Angeles, il-kardinal Roger Mahony. Fi kliemu, daqt se tiġi deċiża d-data għall-elezzjoni tal-Papa l-ġdid… Kompli aqra »

Il-Kulleġġ Santu Wistin jerġa’ jibda jilqa’ tfal fil-livell Primarju

07/03/2013

Intlaħaq ftehim bejn il-Gvern ta’ Malta u l-Kulleġġ Santu Wistin sabiex skola statali fil-Marsa tibda tintuża mill-Kulleġġ Santu Wistin sakemm jitlestew ix-xogħlijiet fuq l-iskola l-ġdida f’Tal-Pietà. Permezz ta’ dan il-ftehim, il-Kulleġġ Santu Wistin se jaċċetta 75 tifel fl-ewwel sena primarja u 75 tifel fir-raba’ sena primarja. It-tfal li qegħdin temporanjament fis-Seminarju tal-Arċisqof, fit-tieni u l-ħames sena, is-sena skolastika li jmiss jibdew imorru ukoll f’din l-iskola statali fil-Marsa… Kompli aqra »

Quddiesa ta’ ringrazzjament għall-Papa Benedittu XVI u talb għall-Konklavi

07/03/2013

Nhar l-Erbgħa 6 ta’ Marzu 2013, l-Arċisqof Mons. Pawlu Cremona O.P., l-Isqof Awżiljarju Mons. Charles J. Scicluna u l-Arċisqof Emeritus Mons. Ġużeppi Mercieca ikkonċelebraw Quddiesa ta’ ringrazzjament tal-Q.T. Benedittu XVI u talb għall-Konklavi, fil-Kon-Katidral ta’ San Ġwann.

Ir-ritratti tal-attivitajiet tal-Arċisqof jistgħu jinxtraw mill-ħanut PHOTOCITY, il-Belt… Kompli aqra »