Arkivji mensili: Lulju 2013

Laqgħa għall-missjunarji Maltin

08/07/2013

Is-Segretarjat għall-Appostolat tal-Emigranti, li fergħa minnu hija responsabbli mis-Saċerdoti, Reliġjużi u Lajċi Maltin li qed jaħdmu għall-Knisja bogħod minn artna (Secretariat for Maltese Priests Overseas, SMPO) ser jorganizza laqgħa għall-missjunarji reliġjużi u lajċi li jkunu Malta għall-ġranet ta’ mistrieħ. Hija xewqa ta’ Mons. Arċisqof Pawlu Cremona O.P. li jistiedinhom bħal kull sena, għal laqgħa li ser ssir nhar l-Erbgħa 10 ta’ Lulju 2013, fil-5:00 p.m… Kompli aqra »

8-14 ta’ Lulju

07/07/2013
It-Tnejn

9.15 a.m. L-Arċisqof jippresiedi laqgħa tal-uffiċċjali prinċipali tal-Kurja, fir-residenza tiegħu, Ħ’Attard.

It-Tlieta

3.30 p.m. L-Arċisqof jipparteċipa f’programm ‘live’ fuq RTK.

L-Erbgħa

10.00 a.m. L-Arċisqof jippresiedi laqgħa tal-Kulleġġ tal-Kappillani, fid-Dar tal-Kleru, Birkirkara.

5.00 p.m. L-Arċisqof jiltaqa’mal-Missjunarji Maltin, f’Dar l-Emigrant, il-Belt Valletta.

Il-Ħamis

5.30 p.m. L-Arċisqof jiċċelebra quddiesa fl-okkażjoni tal-Festa ta’ San Benedittu fil-Monasteru ta’ Santa Skolastika, il-Birgu… Kompli aqra »

Ordinazzjoni Presbiterali ta’ disa’ qassisin ġodda

05/07/2013

Nhar l-Erbgha, 3 ta’ Lulju 2013, fis-6.30 p.m., l-Arcisqof Pawlu Cremona O.P. ċċelebra quddiesa fil-Konkatidral ta’ San Ġwann, il-Belt Valletta, li matulha ġew ordnati disa’ saċerdoti (tlieta djoċesani u sitta reliġjużi). Is-saċerdoti ġodda huma Patri Glen Attard O.Carm, Patri Stephen Borg O.F.M. Conv, Patri Bernard Falzon M.S.S.P., Dun Leonard Mintoff mill-parroċċa ta’ Santa Elena, Birkirkara, Dun Charlon Muscat mill-parroċċa ta’ Marija Mtellgħa s-Sema, il-Mosta, Patri Josef Pace O.F.M… Kompli aqra »

Messaġġ tal-Arċisqof waqt l-ordinazzjoni saċerdotali ta’ disa’ djakni

05/07/2013

Konkatidral ta’ San Ġwann, il-Belt Valletta

3 ta’ Lulju 2013

Ħuti,

Alla l-Imbierek ipprovdilna li l-grazzji li huwa jagħtina aħna nifhmuhom u narawhom aħjar permezz tas-sagramenti. Fis-sagramenti tal-Ordni Sagri wkoll, il-grazzji li jiġu ġo fina aħna nisimgħuhom u nħossuhom li qeghdin ġewwa fina. Alla l-Imbierek għamel l-Ordni tal-presbiterat; Sidna Ġesù Kristu għamel l-ewwel presbiteri, biex ngħidu hekk, li huma l-Appostli… Kompli aqra »

Messaġġ tal-Arċisqof fl-okkażjoni tat-tberik tal-ħobż ta’ San Nikola

03/07/2013

San Nikola, is-Siġġiewi

29 ta’ Ġunju 2013

Ħuti, f’dawn il-ġranet li qegħdin iħejjuna għall-festa ta’ San Nikola, imma llum ir-riflessjoni tagħna trid iddur madwar tradizzjoni antika ħafna tal-ħobż ta’ San Nikola.

San Nikola twieled fir-raba’ seklu u sar Isqof ta’ Mira. U diġa, erbgħa mitt sena wara mewtu, kien hemm wieħed jismu Mikiel Archimandrita u dan kiteb li kienu qeghdin jsiru ħafna pellegrinaġġi lejn il-qabar ta’ San Nikola għaliex skond Mikiel Archimandrita kienet toħroġ, jgħidilha manna, forma ta’ żejt ifuħ, mit-tebut ta’ San Nikola… Kompli aqra »

L-Arċisqof jiltaqa’ mal-membri tal-kumitat ‘Vot 16’

02/07/2013

Nhar it-Tlieta, 2 ta’ Lulju 2013, l-Arcisqof Pawlu Cremona O.P. laqa’ lill-Onor Josè Herrera, Segretarju Parlamentari għall-Kultura u l-Kunsilli Lokali, flimkien ma’ uħud mill-membri tal-kumitat responsabbli mill-kampanja ‘Vot 16’. Il-laqgħa saret fil-Kurja tal-Arċisqof, il-Furjana.

Matul il-laqgħa, l-Onor. Herrera spjega li din l-inizjattiva għandha twassal biex żgħażagħ ta’ 16-il sena ikollhom dritt bil-liġi li jivvutaw fl-elezzjonijiet tal-Kunsilli Lokali.

L-Arċisqof Pawlu Cremona O.P., filwaqt li wera l-apprezzament tiegħu għax-xogħol li qed isir, saħaq fuq l-importanza li kampanja bħal din tinkludi wkoll inizjattivi li joħolqu għarfien fost l-adoloxxenti, dwar ir-responsabbilta’ li deħlin għaliha… Kompli aqra »

L-Arċisqof ġewwa Sky Club

02/07/2013

Nhar il-Ħadd 30 ta’ Ġunju 2013, l-Arċisqof Pawl Cremona attenda 2X2, attività tal-bidu tas-sajf ġewwa SKY Club, Paceville. Is-serata ġabet flimkien sitt bands insara lokali kif ukoll il-laqgħa annwali tal-voluntiera tas-sajf. Din is-sena, aktar minn 500 żagħżugħ u żagħżugħa ser iqattgħù il-btajjal tagħhom f’ħidma voluntarja, kemm Malta u kemm f’pajjiżi oħra madwar id-dinja. Il-lejla kienet ippreżentata minn Frank Zammit u l-kunċert kien imtella’ minn Ablaze, The Pilgrimage, Footprints, Temple, Connections, Y4J Band, kif ukoll kanzunetta speċjali mill-kantanti tal-Jum DInji taż-Żgħażagħ… Kompli aqra »

Papa Franġisku se jivjaġġa lejn il-gżira ta’ Lampedusa

02/07/2013

Pope Francis will travel on the morning of the 8th of July to the Italian island of Lampedusa. According to a communiqué released from the Holy See Press Office, the Holy Father has been deeply touched by the recent sinking of a boat carrying migrants from Africa, the latest in a series of similar tragedies.

While on the island the Pope will pray for those who lost their lives at sea, he will also visit survivors and refugees, encourage inhabitants of the island and appeal to the responsibility of all to ensure that proper care is taken of these brothers and sisters in great need… Kompli aqra »