Yearly Archives: 2013

Il-Papa jgħid li l-gwerra hi suwiċidju tal-umanita

03/06/2013

Pope during mass

Il-Papa Franġisku qal li “l-gwerra hi s-suwiċidju tal-umanita għax toqtol il-qalb u l-imħabba”. F’omelija waqt ċelebrazzjoni ewkaristika f’Casa Santa Marta, li għaliha kienu preżenti qraba ta’ suldati Taljani li nqatlu f’missjonijiet għaż-żamma tal-paċi fl-aħħar erbgħa jew ħames snin, partikolarment fl-Afganistan, l-Arċisqof li kkonċelebra mal-Papa, Vincenzo Pelvi, qal li t-2 ta’ Ġunju jfakkar Jum ir-Repubblika fl-Italja, pajjiż li qal li għandu dejn kbir ta’ mħabba mal-familji ta’ dawk fil-militar… Kompli aqra »

Il-Vanġelu tat-3 ta’ Ġunju

03/06/2013

Mark 12, 1-12

U beda jkellimhom bil-parabboli: “Kien hemm raġel li ħawwel għalqa bid-dwieli; tella’ ħajt tas-sejjieħ madwarha, ħaffer magħsar fiha, bnielha torri, u qabbilha lil xi bdiewa. U siefer f’art oħra.’ Meta wasal iż-żmien, bagħat qaddej għand dawk il-bdiewa biex jiġborlu mingħandhom is-sehem li kien imiss lilu mill-frott ta’ l-għalqa. Iżda huma qabduh, sawwtuh, u bagħtuh lura idu f’idu… Kompli aqra »

3 – 9 ta’ Ġunju

02/06/2013
It-Tnejn

9.15 a.m. L-Arċisqof jippresiedi laqgħa tal-uffiċċjali prinċipali tal-Kurja, fir-residenza tiegħu, Ħ’Attard.

6.30 p.m. L-Arċisqof jiltaqa’ mal-Kummissjoni Liturġika tal-Parroċċa ta’ Ġesù Nazzarenu, Tas-Sliema, bħala parti miż-Żjara Pastorali.

7.30 p.m. L-Arċisqof jippresiedi l-Assemblea Parrokkjali, Tas-Sliema (Parroċċa Ġesù Nazzarenu).

It-Tlieta

4.00 p.m. L-Arċisqof jipparteċipa f’programm ‘live’ fuq Radju Marija.

7.00 p.m. L-Arċisqof jattendi l-ewwel konferenza fl-okkażjoni tal-ewwel ċentinarju tal–Kungress Ewkaristiku Internazzjonali, fil- Kurja… Kompli aqra »

Il-Vanġelu tat-2 ta’ Ġunju

02/06/2013

Il-Gisem u d-Demm ta’ Kristu

Lk 9, 11-17

L-folol saru jafu u marru warajh. Hu laqagħhom u qagħad ikellimhom fuq is-Saltna ta’ Alla, u fejjaq lil dawk li kienu jeħtieġu l-fejqan. Il-jum kien wasal biex jintemm. Resqu lejh it-Tnax u qalulu: “Ibgħathom in-nies ħa jmorru fl-irħula u r-rziezet  tal-qrib biex isibu fejn jistrieħu u jieklu xi ħaġa, għax hawnhekk qegħdin f’post imwarrab.” Iżda hu qalilhom: “Agħtuhom intom x’jieklu.” Qalulu: “Ma għandniex aktar minn ħames ħobżiet u żewġ ħutiet, jekk għallinqas ma mmorrux aħna stess nixtru l-ikel għal dawn in-nies kollha!” Għax kien hemm madwar il-ħamest elef raġel… Kompli aqra »

Il-Vanġelu tal-1 ta’ Ġunju

01/06/2013

Mark 11, 27-33

Mill-ġdid marru Ġerusalemm. Kif kien qiegħed idur fit-tempju, resqu fuqu l-qassisin il-kbar u l-kittieba u x-xjuħ u staqsewh: “Int b’liema setgħa qiegħed tagħmlu dan kollu? U min tahielek din is-setgħa biex tagħmlu?” “Ħa nagħmlilkom mistoqsija waħda jien” qalilhom Ġesù, “weġbuni għaliha, u ngħidilkom b’liema setgħa qiegħed nagħmel dan kollu. Il-magħmudija ta’ Ġwanni kienet ħaġa ġejja mis-sema jew mill-bnedmin? … Kompli aqra »

Applikazzjonijiet għal xi postijiet vakanti fi Skejjel tal-Knisja

31/05/2013

Se jintlaqgħu applikazzjonijiet għall-żewġ postijiet fl-ewwel sena sekondarja tal-bniet fi skola tal-Knisja u għall-ħames postijiet għas-subien fir-raba’ sena primarja f’xi skejjel tal-Knisja. L-applikazzjonijiet isiru nhar il-Ħamis, 6 ta’ Ġunju fil-Kurja tal-Arċisqof il-Floriana bejn id-9:00 u nofsinhar. L-istudenti għall-ewwel sena sekondarja jridu jkunu twieldu fis-sena 2002 u għar-raba sena jridu jkunu twieldu fl-2005. Min se japplika għandu jippreżenta dawn id-dokumenti: Il-Kattoliċi jippreżentaw ċertifikat tal-Magħmudija (oriġinali, u mhux fotokopja); ċertifikat tat-twelid (tal-Insinwa) tat-tifel / tifla (oriġinali, u mhux fotokopja); tintwera l-Karta tal-Identità ta’ missier jew omm it-tifel / tifla, ma hemmx bżonn ta’ fotokopja; ritratt tat-tifel / tifla (daqs ta’ passaport)… Kompli aqra »

Seminar għall-għalliema dwar il-Media Education

31/05/2013

Nhar il-Ġimgħa 31 ta’ Mejju 2013, l-Arċisqof Pawlu Cremona O.P. attenda għal Seminar fil-media education, organizzat mis-Segretarjat tal-Mezzi ta’ Komunikazzjoni Soċjali u s-Segretarjat għall-Edukazzjoni Nisranija. Dan is-seminar sar għall-għalliema mill-iskejjel tal-Knisja jew tal-Istat, li jgħallmu l-Media Studies, il-PSD u suġġetti oħra relatati, sabiex ikollhom iktar għarfien dwar l-importanza li għandha l-media fil-ħajja tal-istudenti… Kompli aqra »

Uffiċjali tal-Vatikan jiddisapprovaw bil-qawwa l-persekuzzjoni tal-insara madwar id-dinja

31/05/2013

Christian persecution

L-Osservatur Permanenti tal-Vatikan għall-Aġenziji Amerikani f’Ġinevra, l-Arċisqof Silvano Tomasi, qal li iktar minn 100,000 nisrani jinqatlu kull sena minħabba l-fidi tagħhom, miljuni oħra jiffaċċjaw inġustizzji, intolleranzi u emarġinazzjoni minħabba l-fidi tagħhom.

Quddiem il-Kunsill tad-Drittijiet Umani huwa fisser li riċerka kredibbli minn Massimo Introvigne, li kien rappreżentant tal-Organizzazzjoni għas-Sigurta u l-Koperazzjoni fl-Ewropa kontra l-intolleranza u d-diskriminazzjoni kontra l-insara, wasslet għal konklużjoni xokkanti li iktar minn 100,000 nisrani qed jinqatlu bi vjolenza kull sena minħabba t-twemmin tagħhom… Kompli aqra »

Il-Vanġelu tal-31 ta’ Mejju

31/05/2013

Iz-Zjara ta’ Marija Vergni lil Elizabetta

Luqa 1, 39-56

F’dawk il-ġranet Marija qamet u marret tħaffef lejn l-għoljiet, f’belt tal-Lhudija. Daħlet għand Żakkarija u sellmet lil Eliżabetta. Malli Eliżabetta semgħet lil Marija ssellmilha, it-tarbija qabżet fil-ġuf tagħha u Eliżabetta mtliet bl-Ispirtu s-Santu;  u nfexxet f’għajta kbira u qalet: “Mbierka inti fost  in-nisa, u mbierek il-frott tal-ġuf tiegħek! … Kompli aqra »