Nhar is-Sibt, 27 ta’ April 2013, l-Arċisqof ltaqa’ mat-tfal li jattendu l-katekeżi fiċ-Ċentru tad-Duttrina bl-Ingliż, fil-parroċċa ta’ San Girgor, tas-Sliema. Nhar it-Tnejn, 29 ta’ April 2013, l-Arċisqof ltaqa’ wkoll mat-tfal li jattendu l-katekeżi fiċ-Ċentru tad-Duttrina bil-Malti, tas-Sliema.

Agħfas fuq ir-ritratt biex tkabbar… Kompli aqra »

Nhar il-Ħadd, 28 ta’ April 2013, l-Arċisqof ċċelebra quddiesa fil-Knisja Parrokkjali ta’ San Girgor tas-Sliema, bħala ftuħ tal-Viżta u wara ltaqa’ man-nies.

Agħfas fuq ir-ritratt biex tkabbar… Kompli aqra »

Il-Kummissjoni Djoċesana Tfal għal darba oħra tixtieq tistieden it-tfal kollha ta’ Malta biex jingħaqdu magħha għall-attivtà li ser issir nhar il-Ħadd 5 ta’ Mejju ġewwa l-park ta’ Ta Qali faċċata tal-Adventure Park. L-attività tibda fl-4.30pm u tispiċċa għall-ħabta ta’ 6.00pm. Flimkien se nagħmlu esperjenza sabiħa mal-mama’ tagħna tas-sema Marija. Din l-attività ser tkun imtella mit-tfal għat-tfal u għalhekk flimkien mal-Kummissjoni Djoċesana Tfal ser jipparteċipaw diversi Kummissjonijiet tat-tfal li twaqqfu f’Malta matul din is-sena… Kompli aqra »

Meta kien għadu Kardinal, Jorge Mario Bergoglio, illum Papa Franġisku, kien qal li l-korruzzjoni hi agħar minn kull dnub ieħor minħabba li twebbes il-qalb kontra s-sens ta’ mistħija jew is-sens ta’ ħtija u twebbes il-qalb għas-sejħa ta’ Alla għall-konverżjoni. Qal li s-sitwazzjonijiet tad-dnub u l-istat tal-korruzzjoni huma żewġ realtajiet distinti, anki jekk intimament marbutin. Dawn il-kummenti tal-Papa Bergoglio sabu posthom f’fuljett oriġinalment ippubblikat fl-2005.

Bit-titlu “Corruption and Sin: Reflections on the Theme of Corruption”, il-fuljett kien ibbażat fuq artiklu li hu stess kien kiteb fl-1991 quddiem l-iskandlu tal-awtoritajiet lokali fl-Arġentina li kienu pruvaw jgħattu l-mewt ta’ tfajla minħabba li l-missirijiet ta’ dawk li qatluha kellhom rabtiet mal-politiċi u l-gvernatur lokali… Kompli aqra »

Dawn kienu l-kliem tan-nies li saru jafu mill-qrib lil Fr. Eric Overend, l-Arċipriet taż-Żejtun, waqt il-quddiesa tal-funeral tiegħu, ilbieraħ l-1 ta’ Mejju 2013, fil-Knisja Parrokkjali. It-tebut tiegħu kien akkumpanjat minn ommu Carmen, li ħalliet din il-ħajja jumejn qablu.

Knisja mimlija bin-nies, siekta, u mingħajr kliem, irriflettiet fuq il-ħidma ta’ Fr Eric fl-appostolat tiegħu: maż-żgħażagħ, mal-familji, mal-koppji, mas-semmiegħa tar-Radju, u ma’ dawk kollha li kellhom bżonn… Kompli aqra »

Archbishop Francis Chullikatt

In-Nunzju Appostoliku għall-missjoni ta’ osservatur permanenti fi ħdan is-Santa Sede għall-Ġnus Maqgħuda, l-Arċisqof Francis Chullikatt, indirizza grupp ta’ ħidma ad hoc dwar l-iżvilupp sostenibbli. Il-grupp ta’ ħidma iffoka fuq l-implimentazjoni tal-miri għall-iżvilupp sostenibbli li tfasslu fil-Konferenza Rio+20, fil-Brażil fuq firxa ta’ disat ijiem.

L-Arċisqof li fl-indirizz tiegħu iffoka fuq l-iskambju interattiv ta’ ideat dwar l-eradikazzjoni tal-faqar, qal li ċ-ċentralita tal-qerda tal-faqar hi essenzjalment ‘imperattiv morali’ fl-indirizz ta’ kull xorta ta’ faqar preżenti fil-familja umana… Kompli aqra »

Syria conflict

L-Arċisqof Kattoliku ta’ Westminister, Vincent Nichols, u l-mexxej tal-komunita Anglikana, l-Arċisqof Justin Welby ta’ Canterbury, irreferew għall-vjolenza fis-Sirja u qalu li sa mill-ewwel jiem tal-kunflitt fil-pajjiż f’Marzu 2011, ma waqfux jitolbu quddiem eskalazzjoni ta’ vjolenza u mwiet. B’referenza għall-ħtif ta’ żewġ isqfijiet metropolitani f’Aleppo u l-qtil ta’ xufier waqt missjoni umanitarja, l-esponenti taż-żewġ Knejjes qalu li dan hu sinjal ieħor ta’ ċirkostanzi terribbli li qed ikomplu jtaqqlu lill-poplu Sirjan… Kompli aqra »