Iċ-Ċerimonja tal-Investitura tal-Pallium se ssir għall-ewwel darba f’Malta nhar is-Sibt 11 ta’ Lulju
02/07/2015- Nhar is-Sibt 11 ta’ Lulju 2015, l-Arċisqof Charles J. Scicluna ser jiġi mlibbes il-pallium min-Nunzju Appostoliku l-ġdid, l-E.T. Mons. Mario Roberto Cassari, waqt Quddiesa Pontifikali fil-Konkatidral ta’ San Ġwann, il-Belt Valletta. Il-Quddiesa tibda fl-10.00 a.m. u għaliha ġew mistiedna l-ogħla awtoritajiet tal-Istat, membri tal-Korp Diplomatiku, il-Kleru Djoċesan u l-membri tal-Ordinijiet Reliġjużi, Kappillani u rappreżentanti tal-parroċċi. Il-pubbliku huwa mistieden jipparteċipa wkoll f’din iċ-ċelebrazzjoni. Din hija l-ewwel darba li Arċisqof ser jiġi mlibbes il-pallium waqt Quddiesa fl-Arċidjoċesi ta’ Malta stess…