Aħbarijiet mill-Knisja f'Malta
San Mark 12: 1-12
F’dak iż-żmien, Ġesù beda jkellem lill-qassisin, lill-kittieba u lix-xjuħ tal-poplu bil-parabboli: “Kien hemm raġel li ħawwel għalqa bid-dwieli; tella’ ħajt tas-sejjieħ madwarha, ħaffer magħsar fiha, bnielha torri, u qabbilha lil xi bdiewa. U siefer f’art oħra. Meta wasal iż-żmien, bagħat qaddej għand dawk il-bdiewa biex jiġborlu mingħandhom is-sehem li kien imiss lilu mill-frott tal-għalqa…
Katidral tal-Imdina
3 ta’ Ġunju 2018
“Jekk id-demm tal-mogħoż u tal-gniedes u l-irmied tal-għoġla mraxxax fuq dawk li huma mniġġsa jista’ jqaddishom billi jagħtihom l-indafa tal-ġisem, kemm aktar id-demm ta’ Kristu, li bl-Ispirtu ta’ dejjem offra lilu nnifsu vittma safja lil Alla, jista’ jnaddaf il-kuxjenza tagħkom mill-għemil mejjet biex taqdu lil Alla ħaj!” (Lhud 9, 13-14)…
Illum il-Ħadd, 3 ta’ Ġunju 2018, fid-9:30am, l‑Arċisqof jiċċelebra Pontifikal fis‑Solennità tal‑Ġisem u d‑Demm Imqaddes ta’ Ġesù (Corpus Christi) fil‑Katidral tal‑Imdina, flimkien mal‑Kapitlu. Waqt l-istess Quddiesa ser jieħdu wkoll sehem is‑saċerdoti li qed jiċċelebraw xi anniversarju speċjali mill‑ordinazzjoni tagħhom. Wara l-Quddiesa, l-Arċisqof ser imexxi purċissjoni bl‑Ewkaristija mat‑toroq ewlenin tal‑Imdina.
…
It-Tifkira tal-Ġisem u tad-Demm ta’ Kristu – Solennita’
San Mark 14:12-16, 22-26
Fl-ewwel jum tal-Ażżmi, meta kienu jissagrifikaw il-ħaruf tal-Għid, id-dixxipli tiegħu qalu lil Ġesù: “Fejn tridna mmorru nħejju biex tiekol l-ikla tal-Għid?”. Imbagħad hu bagħat tnejn mid-dixxipli tiegħu u qalilhom: “Morru l-belt, u tiltaqgħu ma’ raġel iġorr ġarra ilma. Morru warajh, u għidu lil sid id-dar ta’ fejn tarawh dieħel, “Qallek l-Imgħallem: Fejn hi l-kamra tiegħi li fiha nista’ niekol l-ikla tal-Għid mad-dixxipli tiegħi?”. U hu jurikom kamra kbira fuq, imgħammra u lesta…
Il-Knisja Parrokkjali, Ħal Għaxaq
2 ta’ Ġunju 2018
Nimmaġina lil Ġesù fuq għolja sabiħa tħaddar bis-siġar b’żiffa ħelwa għaddejja tiela’ min dan il-baħar kbir jitkellem man-nies li kienu marru warajh. Tela’ fuq il-muntanja u wara li qagħad bilqiegħda resqu lejh id-dixxipli tiegħu…
Ġie fi tmiemu l-aġġornament annwali għall-membri tal-Kleru (in-service course) li sar fis-Seminarju tal-Arċisqof, fejn matul dawn it-tlett ijiem, is-saċerdoti kellhom l-opportunità jisimgħu direttament miż-żgħażagħ dwar kif iħarsu lejn il-Knisja. Is-seba’ żgħażagħ ta’ etajiet differenti li indirizzaw lis-saċerdoti kienu: social worker, tattoo artist, sound engineer, studenti tal-hairdressing u żagħżugħ Kattoliku li jaħdem f’negozju tal-familja.
It-tema magħżula għall-aġġornament ta’ din is-sena ntagħżlet fid-dawl tas-Sinodu tal-Isqfijiet dwar iż-żgħażagħ li sejjaħ il-Papa Frangisku f’Ottubru li gej…
Knisja Parrokkjali, il-Gudja
4 ta’ Mejju 2018
Jiena nixtieq nimmaġinak, għażiż Fr Norman, għażiż Arċipriet, bħala ittra sabiħa miktuba mill-providenza ta’ Alla lill-poplu għażiż tal-Gudja. U min jaqra qalbek jara l-karattru amabbli tiegħek, ta’ ftit kliem, b’qalb kbira, imma bi tbissima pronta u ta’ paċenzja kbira wkoll…
San Mark 11:27-33
F’dak iż-żmien, Ġesù u d-dixxipli tiegħu mill-ġdid marru Ġerusalemm. Kif kien qiegħed idur fit-tempju, resqu fuqu l-qassisin il-kbar u l-kittieba u x-xjuħ u staqsewh: “Int b’liema setgħa qiegħed tagħmlu dan kollu? U min tahielek din is-setgħa biex tagħmlu?”.
Ġesù qalilhom: “Ħa nagħmlilkom mistoqsija waħda jien. Weġbuni għaliha, u ngħidilkom b’liema setgħa qiegħed nagħmel dan kollu…
Bejn il-Ħadd, 27 u l-Erbgħa, 30 ta’ Mejju 2018, l-Arcisqof Charles J. Scicluna żar il-parroċċa ta’ San Nikola, is-Siġġiewi.
Waqt il-Viżta Pastorali l-Arċisqof iltaqa’ mal-istudenti u l-edukaturi tal-Iskola Primarja tal-Kulleġġ Sant’Injazju, u kellu laqgħat mat-tfal, l-adolexxenti u ż-żgħażagħ, mal-katekisti u l-operaturi pastorali tal-parroċċa, kif ukoll laqgħa ta’ djalogu mal-Kunsill Lokali. Fl-ewwel ġurnata tal-Viżta Pastorali l-Arċisqof amministra s-Sagrament tal-Ewwel Tqarbina lil madwar 100 tifel u tifla tal-parroċċa…
Is-Sibt 2 ta’ Ġunju, fis-6:30 p.m., Monsinjur Arċisqof jiċċelebra l-aħħar Quddiesa tat-Tridu tal-festa San Ġużepp, Ħal Għaxaq.
Il-Ħadd 3 ta’ Ġunju, fid-9:30 a.m., Monsinjur Arċisqof jiċċelebra Quddiesa Pontifikali fis‑Solennità tal‑Ġisem u d‑Demm Imqaddes ta’ Ġesù (Corpus Christi) fil‑Katidral tal-Imdina, flimkien mal-Kapitlu u mas-saċerdoti li qed jiċċelebraw xi anniversarju speċjali tal-ordinazzjoni tagħhom. Il-Quddiesa tkompli bil-purċissjoni bl‑Ewkaristija mat‑toroq ewlenin tal‑Imdina…
