Yearly Archives: 2020

Fedeltà lejn il-Papa – L-Arċisqof

Quddiesa fil-festa tad-dedikazzjoni tal-Bażilika ta' San Ġwann tal-Lateran f'Ruma

09/11/2020   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Arċisqof Charles Jude Scicluna

Il-konsagrazzjoni tal-Katidral ta’ Ruma, San Giovanni in Laterano, tagħtina l-opportunità mhux biss inġeddu l-fedeltà tagħna lejn l-Isqof ta’ Ruma, il-Papa, imma wkoll nirriflettu fuq il-kelma li jgħid Ġesù.

L-evanġelista Ġwanni jgħid li meta tkellem fuq it-tempju kien qed jirreferi għall-ġisem tiegħu “iżda hu tkellem fuq it-tempju tal-ġisem tiegħu” (Ġw 13:21). Jekk il-ġisem ta’ Ġesù huwa tempju, hekk ukoll huwa l-ġisem tagħna, ta’ kull wieħed u waħda minna kif jgħallem l-Appostlu Missierna San Pawl… Kompli aqra »

L-Evanġelju tal-jum: 10 ta’ Novembru

10/11/2020

Qari tal-jum

L-Ewwel Qari: Tit 2, 1-8.11-14
Salm: 36 (37), 3-4.18 u 23.27 u 29

L-Evanġelju: Lq 17, 7-10

F’dak iż-żmien, Ġesù qal: “Wieħed minnkom ikollu qaddej qiegħed jaħrat jew jirgħa; meta jidħol mill-għalqa x’se jgħidlu: “Ejja, isa, u oqgħod għall-ikel”? jew: “Lestili x’niekol, ilbes il-fardal u newwilli sa ma niekol u nixrob jien, u mbagħad tiekol u tixrob int”? … Kompli aqra »

Xhieda tal-qabar vojt, għax Kristu qam – L-Isqof Galea-Curmi

Velja ta' talb mill-Ordni Ekwestri tas-Santu Sepulkru

06/11/2020   Il-Bażilika ta’ Sant’Elena, B’kara

L-omelija tal-Isqof Joseph Galea-Curmi

“Qegħdin tfittxu lil Ġesù ta’ Nażaret li kien imsallab. Qam mill-mewt, mhuwiex hawn” (Mk 16:6). Hi din l-Aħbar il-kbira li qiegħda fil-pedament tal-fidi Nisranija tagħna. Intom għandkom ix-xorti li l-Ordni Ekwestri tas-Santu Sepulkru ta’ Ġerusalemm hu proprju fil-qalba ta’ din l-Aħbar l-iktar importanti tal-fidi Nisranija. Intom twasslu din l-Aħbar li l-qabar hu vojt, imma hu vojt għax Kristu qam.

F’din l-okkażjoni sabiħa, insellem lilkom ilkoll, lil-logutenent, lill-kavallieri u d-dami u l-postulanti… Kompli aqra »

Għaliex hu importanti l-kuntest

Artiklu mill-Isqof Awżiljarju Joseph Galea-Curmi

08/11/2020

“A text without a context is a pretext for a prooftext”. I was reminded of this aphorism recently, when reading media reports on the words of Pope Francis.

A global media frenzy was created by a twenty-second clip taken from the documentary ‘Francesco’ by Russian filmmaker Evgeny Afineevsky on several highlights of the pontificate of Pope Francis. Pope bashers said his words were heretical and called on the Pope to repent… Kompli aqra »

Il-Papa: ħajja kollha mħabba tħejjijna għal meta se niltaqgħu mal-Mulej

08/11/2020

Dear brothers and sisters, good afternoon!

This Sunday’s Gospel passage (Mt 25:1-13) invites us to prolong the reflection on eternal life that we began on the occasion of the Feast of All Saints and the Commemoration of the Faithful Departed. Jesus recounts the parable of the ten virgins invited to a wedding feast, symbol of the Kingdom of heaven… Kompli aqra »

Quddiesa u Rużarju – 9 ta’ Novembru, 9:30am

09/11/2020   Il-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 9 ta’ Novembru

09/11/2020

Id-Dedikazzjoni tal-Bażilka tal-Lateran – Festa
Qari tal-jum

L-Ewwel Qari: Eżek 47, 1-2. 8-9. 12 jew 1 Kor 3, 9b-11.16-17
Salm: 45, 2-3. 5-6. 8-9

L-Evanġelju: Ġw 2, 13-23

Kien qorob l-Għid tal-Lhud, u Ġesù tela’ Ġerusalemm. Fit-tempju sab min qiegħed ibigħ barrin, nagħaġ u ħamiem, u min kien bilqiegħda jsarraf il-flus. Għamel sawt mill-ħbula, u keċċiehom ilkoll ’il barra mit-tempju, bin-nagħaġ u l-barrin tagħhom; xerred il-flus ta’ dawk li kienu jsarrfu, u qalbilhom l-imwejjed u lill-bejjiegħa tal-ħamiem qalilhom: «Warrbu dawn minn hawn, u dar Missieri tagħmluhiex dar tan-negozju!» Id-dixxipli ftakru f’dak li kien hemm miktub fl-Iskrittura, “Il-ħeġġa għal darek fnietni.”

Imbagħad il-Lhud qabdu u qalulu: «X’sinjal se turina li inti tista’ tagħmel dan?» Ġesù weġibhom: «Ħottu dan it-tempju, u fi tlitt ijiem nerġa’ ntellgħu.» Għalhekk il-Lhud qalulu: «Dan it-tempju ħa sitta u erbgħin sena biex inbena, u int se ttellgħu fi tlitt ijiem?» Iżda hu tkellem fuq it-tempju tal-ġisem tiegħu… Kompli aqra »

Irrestawrati l-pitturi mas-saqaf tal-kappella ta’ Sant’Antnin Abbati fil-Bażilika Minuri tar-Rabat

Proġett ieħor b’kofinanzjament minn fondi tal-Unjoni Ewropea

08/11/2020   Il-Bażilika Minuri ta' San Pawl, ir-Rabat

Tlesta l‑proġett ta’ konservazzjoni u restawr tal‑pitturi li jinsabu mas‑saqaf tal‑kappella ddedikata lil Sant’Antnin fil‑Bażilika Minuri ta’ San Pawl fir‑Rabat. Ix‑xogħol ta’ restawr, li ammonta għal madwar €80,000 b’kofinanzjament ta’ 80% minn fondi tal‑Unjoni Ewropea, ġie inawgurat dalgħodu mill‑Isqof Awżiljarju Joseph Galea‑Curmi u mis‑Segretarju Parlamentari għall‑Fondi Ewropej Stefan Zrinzo Azzopardi. Preżenti wkoll is‑Segretarju Amministrattiv tal‑Arċidjoċesi ta’ Malta Michael Pace Ross u l‑Arċipriet Kan. Louis Suban… Kompli aqra »

Bla memorja ma nimxu qatt ’il quddiem – Jum it-Tifkira 2020

08/11/2020   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

Qegħdin niċċelebraw, bħalma nagħmlu kull sena, Jum it-Tifkira, u f’dan il-jum għandna l-opportunità li nieqfu u mhux biss infakkru u nikkommemoraw imma wkoll b’sens ta’ gratitudni nerġgħu ngħixu t-tbatija li batew diversi minn ħutna minħabba l-kefrija tal-gwerra.

L-esperjenza tal-poplu tagħna hija esperjenza ta’ qsim il-qalb, b’mod speċjali fit-Tieni Gwerra Dinjija. Fl-Ewwel Gwerra Dinjija Malta saret l-infermiera tal-Mediterran u wriet li l-akkoljenza li timmarka l-isbaħ paġni tal-istorja ta’ pajjiżna, mhux hi biss akkoljenza fil-ferħ imma anke fin-niket… Kompli aqra »

L-Evanġelju tal-Ħadd: 8 ta’ Novembru

08/11/2020

It-Tnejn u Tletin Ħadd taż-Żmien ta’ Matul is-Sena
Qari tal-jum

L-Ewwel Qari: Għerf 6, 12-16
Salm: 62 (63), 2.3-4.5-6.7-8
It-Tieni Qari: 1 Tes 4, 13-18

L-Evanġelju: Mt 25, 1-13

F’dak iż-żmien, Ġesù qal lid-dixxipli tiegħu din il-parabbola: “Is-Saltna tas-Smewwiet ixebbhuha ma’ għaxar xebbiet li ħarġu bl-imsiebaħ tagħhom biex jilqgħu l-għarus. Ħamsa minnhom kienu boloh u ħamsa għaqlin, il-boloh ħadu l-imsiebaħ imma ma ħadux żejt magħhom, waqt li l-għaqlin ħadu mhux biss l-imsiebaħ iżda wkoll iż-żejt fil-kwies… Kompli aqra »