Għeżież ħuti, il-jum it-tajjeb,

F’dan it-tieni Ħadd ta’ wara l-Milied il-Kelma t’Alla ma toffrilniex episodju mill-ħajja ta’ Ġesù, tkellimna dwaru, imma tkellimna dwar qabel ma’ twieled.  Teħodna lura biex tikxfilna xi ħaġa dwar Ġesù qabel ma ġie fostna.  Dan tagħmlu fuq kollox permezz tal-Prologu tal-Evanġelju ta’ Ġwanni li jibda hekk: “Fil-bidu kien il-Verb” (Ġw1,1).  Fil-bidu: dan hu l-ewwel kliem tal-Bibbja, l-istess kliem li bih jibda r-rakkont tal-ħolqien: “Fil-bidu Alla ħalaq is-sema u l-art” (Ġen 1,1).  Illum l-Evanġelju jgħidilna li dak li aħna kkuntemplajna fit-twelid tiegħu, bħala tarbija Ġesù, kien minn qabel: qabel ma bdew l-affarijiet, qabel l-univers, qabel kollox.  Hu kien qabel l-ispazju u ż-żmien.  “Fih kien hemm il-ħajja”(Ġw 1,4), qabel ma feġġet il-ħajja… Kompli aqra »

Id-Dar tal-Providenza tixtieq tirringrazzja lill-pubbliku in ġenerali għall-ġenerożità straordinarja li wera waqt il-maratona annwali ta’ ġbir ta’ fondi Festa ta’ Ġenerożità organizzata nhar l-ewwel tas-sena. Dawn id-donazzjonijiet se jkunu mezz importanti sabiex id-Dar tkun tista’ tkompli bil-ħidma professjonali li toffri lir-residenti b’mod speċjali f’dawn iż-żminijiet diffiċli.

Hekk kif stabbilit mill-policies tal-Arċidjoċesi ta’ Malta, donazzjonijiet fi flus kontanti ta’ aktar minn €5,000 u donazzjonijiet jew pledges oħra ‘l fuq minn €10,000  minn individwi jew kumpaniji huma suġġett ta’ proċess ta’ verifika. 

Bħala parti minn dan il-proċess u f’konformità mal-obbligi regolatorji, Id-Dar tal-Providenza talbet iktar dokumentazzjoni wara li rċeviet pledge  ta’ €500,000 minn Catco Group Capital Investment… Kompli aqra »