Arkivji mensili: Mejju 2021

Mill-milja tiegħu – L-Isqof Galea-Curmi

Velja ta’ talb bi tħejjija għall-ordinazzjoni djakonali

13/05/2021   Il-Bażilika Minuri ta’ San Pawl, ir-Rabat

Messaġġ tal-Isqof Galea-Curmi

Qegħdin miġburin nitolbu flimkien lil Alla għal Sean u Jean Claude li se jkunu ordnati djakni nhar is-Sibt. Hi okkażjoni ta’ ferħ kbir għall-Knisja f’Malta, u nixtiequ nitolbu ħafna għalihom bil-qalb u bl-imħabba kollha.

Għeżież Sean u Jean Claude, nixtieqkom tiftakru llum fil-kliem ta’ San Pawl fl-Ittra lill-Galatin li għadna kif smajna. Hu jgħid: “għażilni sa minn ġuf ommi u sejjaħli permezz tal-grazzja tiegħu”… Kompli aqra »

White Paper għall-użu responsabbli tal-Kannabis

Stqarrija mill-Caritas Malta dwar il-White Paper fuq il-Kannabis

14/05/2021

Caritas taqbel mal-pożizzjoni li jekk persuna tuża l-kannabis jew tkun dipendenti fuq kannabis (jew xi drogi oħra) ma tintbagħatx il-ħabs u lanqas ma tiċċappas il-kondotta tagħha. Madankollu meta tqis il-potenzjal ta’ ħsara li tagħmel il-Kannabis, Caritas issaħħaħ il-pożizzjoni ġenerali tagħha li bħala soċjetà għandna nrażżnu kemm jista’ jkun l-użu tal-Kannabis (u drogi oħra), nipprevjenu l-popolarizzazzjoni tagħha u naħdmu bla waqfien biex niskoraġġixxu l-użu u ninkoraġġixxu għażla ta’ ħajja sana u wkoll għażliet sani ta’ rikreazzjoni… Kompli aqra »

Quddiesa u Rużarju – 14 ta’ Mejju, 9:30am

14/05/2021   Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

Ktieb ġdid: San Ġorġ Preca Ħaj Bħal Qatt Qabel

14/05/2021

Fl-okkażjoni tal-20 sena mill-beatifikazzjoni ta’ Dun Ġorġ (9 ta’ Mejju 2001) is-Soċjetà tal-MUSEUM, permezz ta’ Pubblikazzjoni Preca, għadha kif ippubblikat ktieb ġdid bl-isem ta’ San Ġorġ Preca: Ħaj Bħal Qatt Qabel tal-awtur Ġorġ Borg.

Dan il-volum jagħti stampa ċara u awtentika tal-ħajja u l-qdusija ta’ San Ġorġ Preca (1880-1962). Il-ktieb jiġbor fih kapitli fuq diversi suġġetti, b’iktar minn 350 titlu ta’ aneddoti fuq dan l-ewwel qaddis Malti… Kompli aqra »

L-Evanġelju tal-jum: 14 ta’ Mejju

14/05/2021

San Mattija, Appostlu – Festa
Qari tal-jum

L-Ewwel Qari: Atti 1, 15-17. 20-26
Salm: 112, 1-8

L-Evanġelju: Ġw 15, 9-17

F’dak iż-żmien: Ġesù qal lid-dixxipli tiegħu: “Kif ħabbni Missieri, hekk ħabbejtkom jiena. Ibqgħu fl-imħabba tiegħi. Jekk tħarsu l-kmandamenti tiegħi, intom tibqgħu fi mħabbti, kif jien ħarist il-kmandamenti ta’ Missieri u qiegħed fi mħabbtu.

Għidtilkom dan biex il-ferħ tiegħi jkun fikom, u biex il-ferħ tagħkom ikun fil-milja tiegħu… Kompli aqra »

“Il-ġuf tal-omm huwa post għażiż u qaddis; fih tikber il-ħajja umana” – L‑Arċisqof

Quddiesa flimkien mas-saċerdoti novelli fil-festa tal-Madonna ta' Fatima

13/05/2021   Is-Santwarju tal-Madonna tal-Mellieħa

L-Evanġelji li naqraw f’dawn il-jiem iwassluna għall-festa li se niċċelebraw nhar il-Ħadd li ġej, il-festa tal-Lapsi, it-Tlugħ is-Sema tal-Mulej. F’partijiet tad-dinja qed jiċċelebrawha llum, propju fl-40 jum mill-Għid il-Kbir. L-Evanġelji jippreparawna wkoll biex 50 jum wara l-Għid, fl-Għid il-Ħamsin, niċċelebraw il-miġja tal-Ispirtu s-Santu.

Illum, f’dan is-santwarju antik, qed niċċelebraw il-festa ta’ Sidtna Marija ta’ Fatima. Madwar dan l-affresk tal-Madonna bil-Bambin, hemm l-isem tagħha ‘Mater Dei’ (Omm Alla)… Kompli aqra »

Quddiesa mis-Santwarju tal-Madonna tal-Mellieħa – 13 ta’ Mejju 2021

13/05/2021   Is-Santwarju tal-Madonna tal-Mellieħa

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 13 ta’ Mejju

13/05/2021

Il-Verġni Marija ta’ Fatima – Tifkira
Qari tal-jum

L-Ewwel Qari: Atti 18, 1-8
Salm: 97 (98), 1.2-3ab.3ċd-4

L-Evanġelju: Ġw 16, 16-20

F’dak iż-żmien, Ġesù qal lid-dixxipli tiegħu: “Ftit ieħor u ma tarawnix aktar; imbagħad ftit ieħor u terġgħu tarawni”. Għalhekk xi wħud mid-dixxipli tiegħu bdew jgħidu bejniethom: “X’ifisser dan li qiegħed jgħid: “Ftit ieħor u ma tarawnix aktar; imbagħad ftit ieħor u terġgħu tarawni”, u li: “Jiena sejjer għand il-Missier”?”… Kompli aqra »

Il-Papa fl-Udjenza: ‘Ġesù hu dejjem magħna għalkemm mhux dejjem nintebħu bih’

12/05/2021

Għeżież ħuti, l-għodwa t-tajba!

Kemm qed nieħu gost li nistgħu niltaqgħu wiċċ imb wiċċ, għax ħa ngħidilkom ħaġa: ma tiħux pjaċir titkellem quddiem il-vojt, quddiem kamera. Ma fihx gost. U issa, wara tant xhur, grazzi għall-kuraġġ ta’ Mons. Sapienza – li qal: “Le, nagħmluha hemm” – ninsabu hawn miġburin flimkien. Bravu Mons. Sapienza! Li niltaqa’ man-nies, u niltaqa’ magħkom, kull wieħed u waħda bl-istorja tagħkom, nies ġejjin minn kull rokna, mill-Italja, mill-Istati Uniti, mill-Kolombja, imbagħad dak il-grupp ċkejken tal-futbol ta’ erba’ aħwa Żvizzeri – naħseb – qegħdin hemm… erbgħa… Kompli aqra »