Frar 2022 Archives

Arkivji mensili: Frar 2022

Papa fl-Udjenza: Il-fidi fil-qawmien tgħinna niffaċċjaw il-mewt bla biża’

09/02/2022 Il-Vatikan

Għeżież ħuti, l-għodwa t-tajba!

Fl-aħħar katekeżi, imqanqla għal darb’oħra mill-figura ta’ San Ġużepp, irriflettejna fuq it-tifsira tal-komunjoni tal-qaddisin. U waqt li nibda minn din l-idea, illum nixtieq ninżel fil-fond tad-devozzjoni speċjali li l-poplu Nisrani dejjem kellu għal San Ġużepp bħala Patrun tal-mewt it-tajba. Devozzjoni li twieldet mill-ħsieb li Ġużeppi miet bl-assistenza tal-Verġni Marija u ta’ Ġesù, qabel ma dan ħalla d-dar ta’ Nazaret… Kompli aqra »

Dun Ġorġ żarmat fi kliem

Taħdita għall-pubbliku

05/02/2022 L-Awditorju tad-Dar Ġenerali tal-MUSEUM, il-Blata l-Bajda

Nhar il-Ġimgħa 11 ta’ Frar 2022, fis-6pm, se ssir taħdita pubblika minn Joseph Buttigieg bl-isem ‘Dun Ġorġ żarmat fi kliem: L-analiżi lessikali bħala għodda ta’ interpretazzjoni’.

Din it-taħdita, li qed issir mid-Dipartiment tal-Malti fil-Fakultà tal-Arti tal-Università ta’ Malta u s-Soċjetà tal-MUSEUM, hi bbażata fuq ir-riċerka li Buttigieg għamel għat-teżi tal-Masters tiegħu fil-Lingwistika Maltija u li tmexxiet minn Dr Michael Spagnol.

It-taħdita hi miftuħa għal kulħadd u se ssir fl-Awditorju tad-Dar Ġenerali tal-MUSEUM, il-Blata l-Bajda, maġenb il-Kappella ta’ San Ġorġ Preca… Kompli aqra »

Quddiesa u Rużarju – 9 ta’ Frar 2022, 9:30am

09/02/2022 Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija.
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 9 ta’ Frar

09/02/2022

Qari tal-jum

L-Ewwel Qari: 1 Slaten 10:1-10
Salm: 36 (37):5-6,30-31,39-40

L-Evanġelju: Mk 7:4-23

F’dak iż-żmien, Ġesù raġa’ sejjaħ in-nies lejh u qalilhom: “Isimgħuni, intom ilkoll, u ifhmuni! Ma hemm xejn minn barra li meta jidħol fi bniedem itebbgħu; imma dak li joħroġ minn ġol-bniedem, dak hu li jtabba’ lill-bniedem”.

Meta ħalla n-nies u daħal id-dar, id-dixxipli tiegħu staqsewh fuq il-parabbola… Kompli aqra »

It-tradizzjonijiet sbieħ tagħna ħadu post il-Kelma t’Alla? – L-Arċisqof

08/02/2022 Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Arċisqof Charles Jude Scicluna

Ma noqogħdux niskandalizzaw ruħna bil-Fariżej u l-kittieba. Ejjew inqisu li dan il-kliem Ġesù qiegħed jgħidu lilna. Nistaqsu lilna nfusna: aħna li għandna tant tradizzjonijiet u sbieħ, u tant aħna kburin bihom, imma dawn ħadu post il-Kelma t’Alla, ħadu post l-Evanġelju ta’ Ġesù? Jien nista’, pereżempju, inżeffen l-istatwi tal-qaddisin, imbagħad nidgħi? Nagħmel festa tal-qaddisin, imbagħad għandi lanzita, bir-rispett kollu, daqshiex għal ħija jew għal oħti… Kompli aqra »

Fejjaqna, Mulej – L-Isqof Galea-Curmi

07/02/2022 Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

San Mark, fl-Evanġelju tiegħu, kultant fi ftit kliem jiġbor il-ħidma kbira li kien qed jagħmel Ġesù man-nies. Fl-Evanġelju tal-lum naraw proprju dan: fi ftit kliem ġabar il-ħidma ta’ fejqan li Ġesù kien qed jagħmel fl-ibliet, fl-irħula, fil-kampanja – kullimkien.

Tolqtok f’din is-silta l-popolarità ta’ Ġesù man-nies – kulħadd ifittxu, kulħadd jinġabar madwaru. Ġesù l-popolarità qatt ma użaha għall-gwadann tiegħu, imma użaha biex jaqdi lin-nies, biex jagħmel il-ġid, biex ikun ta’ servizz għan-nies… Kompli aqra »

Il-Papa Franġisku dwar il-bullying fl-iskejjel, is-suwiċidji fost iż-żgħażagħ, l-immigranti u l-fqar

08/02/2022 Jitkellem dwar il-kultura tal-indifferenza waqt intervista fuq Rai3

Il-Papa kien il-mistieden ta’ Fabio Fazio waqt il-programm Che Tempo Che Fa fuq Rai 3 il-Ħadd filgħaxija

Il-Papa Franġisku tkellem fit-tul dwar l-effetti li qed tħalli l-kultura tal-indifferenza fid-dinja tal-lum. Qal li konsegwenza ta’ din l-indifferenza, il-gwerer jiġu qabel il-bnedmin, inkluż dawk fil-bżonn bħalma huma l-immigranti u l-foqra.

Il-Papa kien il-mistieden ta’ Fabio Fazio waqt il-programm Che Tempo Che Fa fuq Rai 3 il-Ħadd filgħaxija.

Dwar l-immigrazzjoni l-Papa Franġisku qal li dak li qed jiġri fil-Libja huwa illegali… Kompli aqra »

Live: Poloz u Għażla tal-Iskejjel: St Francis – 9 ta’ Frar, 12:00pm

09/02/2022

Polza u Għażla: Kinder 2 Subien, St Francis Msida 2022-2023, 12:00pm

Polza u Għażla: Kinder 1 Bniet, St Francis St Luċija 2022-2023, 12:45pm

Polza u Għażla: Kinder 1 Subien, St Francis St Luċija u l-Imsida 2022-2023, 1:45pm

Idħol hawn u agħfas SUBSCRIBE biex iżomm lilek innifsek aġġornat permezz tax-xandiriet tal-Arċidjoċesi ta’ Malta fuq YouTube. Kompli aqra »

…

Mal-2,000 persuna mietu jew għebu fil-Mediterran fl-2021

08/02/2022

36 organizzazjoni għamlu azzjoni kommemorattiva għal dawk li mietu jaqsmu l-fruntieri bil-baħar. L-organizzazjonijiet qalu li 1,971 persuna mietu jew għebu fil-Mediterran fl-2021. L-UNHCR qalet li f’dawn l-aħħar għaxar snin, in-numru ta’ nies li mietu huma u jivvjaġġaw fuq il-Mediterran qabeż it-23,000.

Fi stqarija ta’ 36 organizzazjoni qalu li l-awtoritajiet Maltin qegħdin ikomplu jonqsu mid-dmirijiet tagħhom li jipproteġu l-ħajja tan-nies li qed ifittxu ażil fiż-żona Maltija ta’ tfittxija u salvataġġ… Kompli aqra »

Quddiesa u Rużarju – 8 ta’ Frar 2022, 9:30am

08/02/2022 Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa