Arkivji mensili: Ġunju 2023

L-Evanġelju tal-jum: 22 ta’ Ġunju

22/06/2023

Qari tal-jum

L-Ewwel Qari: 2 Kor 11:1-11
Salm: 110 (111):1-2,3-4,7-8

L-Evanġelju: Mt 6:7-15

F’dak iż-żmien, Ġesù qal lid-dixxipli tiegħu: “Intom u titolbu toqogħdux tlabalbu bħall-pagani; dawn mingħalihom li, iktar ma jgħidu, iktar jinstemgħu. Tkunux bħalhom, għax Missierkom jaf x’teħtieġu, qabel ma titolbuh intom.

Mela itolbu hekk: Missierna, li inti fis-smewwiet, jitqaddes ismek, tiġi saltnatek, ikun li trid int, kif fis-sema, hekkda fl-art… Kompli aqra »

Il-kejl li tana hu l-imħabba tal-għedewwa – L-Arċisqof

20/06/2023   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Arċisqof Charles Jude Scicluna

Min jaf kemm-il darba għedna lil xulxin u smajnieha: isma’ ħadd mhu perfett u Ġesù jgħidilna: “Kunu perfetti” (Mt 5:48). Issa l-perfezzjoni veru qiegħda fis-sema biss. Jgħidu li l-orjentali meta jagħmlu tapit sabiħ iħallu difett għax jgħidu l-perfezzjoni fis-sema biss qiegħda, fl-art anke f’tapit sabiħ irid ikun hemm xi difett. U nistgħu ngħidu li din tgħodd għal kull wieħed u waħda minna… Kompli aqra »

Azzjoni pożittiva minflok reazzjoni negattiva – L-Isqof Galea-Curmi

19/06/2023   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Għajn b’għajn u sinna b’sinna” (Mt 5:38) hija espressjoni li nisimgħuha anke fi żmienna. Tismagħha ġieli fil-politika jew f’oqsma oħra. Tfisser li għal kull daqqa li tirċievi, tagħti daqqa oħra; għal kull insult li jagħmlulek, tinsulta int ukoll. Imma din mhix espressjoni li nibtet fi żmienna. Hija antika ħafna. Għalhekk Ġesù fl-Evanġelju jgħid “Smajtu x’intqal”, jiġifieri fit-Testment il-Qadim kienet tintuża din l-espressjoni… Kompli aqra »

Quddiesa u Rużarju – 21 ta’ Ġunju 2023, 9:30am

21/06/2023   Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 21 ta’ Ġunju

21/06/2023

Qari tal-jum

L-Ewwel Qari: 2 Kor 9:6-11
Salm: 111 (112):1-2,3-4,9

L-Evanġelju: Mt 6:1-6,16-18

F’dak iż-żmien, Ġesù qal lid-dixxipli tiegħu: “Qisu li l-għemil tajjeb tagħkom ma tagħmluhx għal wiċċ in-nies biex tidhru quddiemhom, għax inkella ma jkollkomx ħlas mingħand Missierkom li hu fis-smewwiet.

Mela meta tagħmel karità, tmurx iddoqq it-trombi quddiemek, kif jagħmlu dawk ta’ wiċċ b’ieħor fis-sinagogi u fit-triqat, biex in-nies tfaħħarhom… Kompli aqra »

Il-Papa fl-Anġelus: Aħna li nemmnu f’Alla qrib, nafdaw fih?

18/06/2023   Pjazza San Pietru, il-Vatikan

Għeżież ħuti, il-jum it-tajjeb!

Nixtieq nesprimi l-gratitudni tiegħi lejn kull min, fil-ġranet li fihom kont rikoverat fil-Policlinico Gemelli, urieni għożża, interess u ħbiberija, u żgurani li kien qed jgħinni bit-talb.  Din il-qrubija umana u spiritwali, kienet għalija għajnuna kbira u faraġ. Grazzi lil kulħadd, grazzi lilkom, grazzi minn qalbi!

Illum, fl-Evanġelju, Ġesù jsejjaħ bl-isem – isejjaħ bl-isem – u jibgħat lit-tnax l-Appostlu. Meta jibgħathom jistedinhom iħabbru ħaġa waħda: “Intom u sejrin ħabbru u għidu li s-Saltna tas-Smewwiet waslet (Mt 10,7).  Hi l-istess aħbar li biha Ġesù beda l-predikazzjoni tiegħu: is-Saltna t’Alla, jiġifieri s-sinjorija ta’ mħabbtu, qorbot lejna, ġiet fostna… Kompli aqra »

Quddiesa u Rużarju – 20 ta’ Ġunju 2023, 9:30am

20/06/2023   Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 20 ta’ Ġunju

20/06/2023

Qari tal-jum

L-Ewwel Qari: 2 Kor 8:1-9
Salm: 145 (146):1b-2,5-6,7,8-9a

L-Evanġelju: Mt 5:43-48

F’dak iż-żmien, Ġesù qal lid-dixxipli tiegħu: “Smajtu x’intqal: ‘Ħobb lil għajrek, u obgħod lill-għadu tiegħek’. Imma jiena ngħidilkom: Ħobbu lill-għedewwa tagħkom, u itolbu għal dawk li jippersegwitawkom, biex tkunu wlied Missierkom li hu fis-smewwiet; għax hu jtalla’ x-xemx tiegħu sew fuq il-ħżiena u sew fuq it-tajbin, u jniżżel ix-xita sew fuq min hu tajjeb u sew fuq min mhuwiex… Kompli aqra »

“L-isbaħ ħaġa hi li tara adulti jersqu lejn Alla” – il-missjunarju Żabbari f’Kuba

19/06/2023

Fr Stephen Magro, missjunarju Żabbari li għal dawn l-aħħar sena u ħames xhur kien qiegħed iservi ġewwa Kuba semma’ kif waħda mill-isbaħ esperjenzi fil-missjoni tiegħi hi meta jara adulti jew żgħażagħ li jersqu lejn Alla.

F’intervista ma’ Newsbook.com.mt hu spjega kif din hija esperjenza pożittiva għaliex dawn ma jkollhom l-ebda kuntatt mal-knisja imbagħad tibda tarahom jinvolvu ruħhom, jibdew il-mixja tal-fidi, jsiru parti mill-komunità u jkunu sabu t-tieni familja tagħhom fi ħdan il-knisja… Kompli aqra »

Kebbes fina n-nar ta’ mħabbtek – L-Isqof Galea-Curmi

16/06/2023   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Kebbes fina n-nar ta’ mħabbtek”. Dan huwa kliem li ngħidu fl-innu “Tina l-ħlewwa”, innu verament sabiħ, li jfisser b’mod tajjeb ħafna s-solennità li qed niċċelebraw illum tal-Qalb Imqaddsa ta’ Ġesù. Aħna nitolbu lil Ġesù biex fina jkebbes din l-imħabba tiegħu, ħalli jkollna f’qalbna din l-imħabba u mbagħad nistgħu ngħixuha.

Meta aħna naraw l-istorja ta’ Ġesù fl-Evanġelju, ninnutaw li kull min iltaqa’ miegħu, speċjalment dawk li ltaqgħu miegħu mill-qrib, dejjem raw fih qalb li tħobbhom… Kompli aqra »