Arkivji mensili: Mejju 2024

Ħaddiema migranti jitkellmu mal-Arċisqof dwar ħajjithom f’Malta

10/05/2024

Iż‑żieda sostanzjali fil‑kiri tal‑propjetà kif ukoll l‑emozzjonijiet ta’ ferħ imma fl‑istess ħin ta’ ansjetà li jħossu mindu ġew jgħixu f’Malta kienu fost l‑affarijiet li l‑ħaddiema migranti qasmu mal‑Arċisqof Charles Scicluna fit‑30 ta’ April 2024, lejlet il‑festa ta’ San Ġużepp Ħaddiem.

Diversi migranti mis-Saħara t’Isfel u mill‑Afrika tal‑Punent kif ukoll mill‑Asja t’Isfel u tax‑Xlokk li nġabru fil‑Kurja tal‑Arċisqof fil‑Furjana, irringrazzjaw lill‑Arċisqof talli laqagħhom bħala missier, filwaqt li rrikonoxxew ir‑rwol tal‑Knisja bħala difensur tad‑dinjità tal‑ħaddiema… Kompli aqra »

Għal San Ġorġ Preca r-rabta tal-imħabba kienet il-bażi tal-għaqda

Quddiesa fil-festa ta' San Ġorġ Preca

09/05/2024   L-Awditorju tal-MUSEUM, Blata l-Bajda

L-omelija tal-Arċisqof Charles Jude Scicluna

Din is-sena nixtieq inpoġġi lill-pajjiż tagħna, b’mod speċjali bl-interċessjoni ta’ San Ġorġ Preca, aħna u niċċelebraw ftit tax-xhur oħra, 60 sena mill-Indipendenza, u 50 sena mir-Repubblika. Aħna l-Isqfijiet qegħdin noffru lill-poplu tagħna l-okkażjoni li nirriflettu flimkien fuq il-ħames barkiet, kif sejjaħnilhom, li Dun Karm Psaila fl-1922 introduċa fit-tieni stanza tal-Innu Malti. Il-barkiet tad-dehen, tal-ħniena, tas-saħħa, tal-għaqda u tas-sliem.

San Ġorġ Preca, li twieled fl-1880, kellu 42 sena meta indaqq l-Innu Malti għall-ewwel darba… Kompli aqra »

Il-wirja tar-ritratti ‘Changes’ inawgurata fi Pjazza San Pietru

10/05/2024

The inauguration of the photographic exhibition “Changes” took place on 7 May in Saint Peter’s Square. The exhibit is curated by Lia and Marianna Beltrami together with the Dicastery for Communication, the Dicastery for Promoting Integral Human Development and the Laudato Si’ Center for Higher Education. 

The exhibit features 24 photograms by artists from peripheries around the world – Bangladesh, Ethiopia, Amazonia, Florida, Greece, Italy, Iceland, Australia, Turkey – paired together with verses from St… Kompli aqra »

Inawgurat Ġnien il-Meditazzjoni f’Dar Ħanin Samaritan

10/05/2024

Fil-jiem li għaddew ġie inawgurat Ġnien il-Meditazzjoni f’Dar Ħanin Samaritan, li huwa parti mir-residenza ta’ Dar il-Ħanin Samaritan u ċ-Ċentru tal-Konferenzi f’Santa Venera.

Dan kien iddisinjat mill-Perit Richard England hu spazju sagru li kull min jidħol fih jista’ jinġabar u jduq is-silenzju, iżda fuq kollox wieħed jista’ jesperjenza is-sbuħija tal-kuluri, tal-forom u tad-dwal, li jwasslu biex jiffaċilitaw il-laqgħa tal-bniedem li jżur dan il-ġnien ma’ Alla.

Il-ħsieb wara dan il-ġnien hu li l-bniedem huwa intrinsikament attirat lejn is-sbuħija u hi l-istess sbuħija li twassal lill-bniedem biex jinbidel u jsir aktar tajjeb u ġust… Kompli aqra »

Quddiesa u Rużarju – 10 ta’ Mejju 2024, 9:30am

10/05/2024   Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 10 ta’ Mejju

10/05/2024

Qari tal-jum

L-Ewwel Qari: Atti 18:9-18
Salm: 46 (47):2-3,4-5,6-7

L-Evanġelju: Ġw 16:20-23a

F’dak iż-żmien, Ġesù qal lid-dixxipli tiegħu: “Tassew tassew ngħidilkom, intom għad tibku u tingħu, iżda d-dinja għad tifraħ; għad iġġarrbu n-niket, imma n-niket tagħkom għad jitbiddel f’hena. Il-mara, meta tkun se tiled tħossha mdejqa, għax tkun waslet is-siegħa tagħha; iżda meta tkun twieldet it-tarbija, ma tiftakarx iżjed fl-uġigħ, bil-ferħ li twieled bniedem fid-dinja… Kompli aqra »

Ċelebrazzjoni Djoċesana għall-festa ta’ Għid il-Ħamsin

09/05/2024

Il‑Knisja f’Malta tistieden lill‑Kattoliċi kollha f’Malta sabiex jinġabru flimkien għal ċelebrazzjoni djoċesana lejlet il‑festa ta’ Għid il‑Ħamsin, nhar is‑Sibt, 18 ta’ Mejju 2024, fil‑Knisja Parrokkjali tal‑Furjana fis‑7:30pm.

L‑istedina ta’ din is‑sena hi mnebħa mill‑Atti tal‑Appostli: “U dehrulhom ilsna qishom tan‑nar, li tqassmu u qagħdu fuq kull wieħed minnhom. Imtlew ilkoll bl‑Ispirtu s‑Santu u bdew jitkellmu b’ilsna oħra, skont mal‑Ispirtu kien jagħtihom li jitkellmu” (Atti 2:3-4)… Kompli aqra »

Ngħożżu f’qalbna din l-opra ta’ Alla – L-Isqof Galea-Curmi

08/05/2024   Id-Dar tal-Kleru, Birkirkara

L-omelija tal-Isqof Joseph Galea-Curmi

“Marija baqgħet tgħożż f’qalbha dawn il-ħwejjeġ kollha” (Lq 2:19). Din is-silta mill-Evanġelju skont San Luqa turina lir-rgħajja li jmorru jaraw lil Ġesù li twieled, wara li kellhom id-dehra mill-anġli li ħabbrulhom li twieled is-Salvatur – “Illum, fil-belt ta’ David, tweldilkom Salvatur li hu l-Messija, il-Mulej” (Lq 2:11). Fl-aħħar ta’ din is-silta hemm din is-sentenza sabiħa: “Marija baqgħet tgħożż f’qalbha l-ħwejjeġ kollha u taħseb fuqhom bejnha u bejn ruħha”… Kompli aqra »

Bolla tal-Indizzjoni tal-Ġublew Ordinarju tas-Sena 2025

09/05/2024   Il-Bażilika ta' San Pietru, il-Vatikan

1. “Spes non confundit”, “it-tama ma tqarraqx” (Rum 5:5). F’isem it-tama l-Appostlu Pawlu jimla bil-kuraġġ lill-komunità Nisranija ta’ Ruma. It-tama hi wkoll il-messaġġ ewlieni tal-Ġublew li jmiss, li skont tradizzjoni antika l-Papa jsejjaħ kull ħamsa u għoxrin sena. Jiġuni f’moħħi l-pellegrini tat-tama kollha li se jiġu Ruma biex jgħixu s-Sena Mqaddsa u dawk li, għalkemm ma jistgħux jiġu fil-belt tal-Appostli Pietru u Pawlu, se jiċċelebrawh fil-Knejjes partikulari… Kompli aqra »