Arkivji mensili: Mejju 2024

Quddiesa u Rużarju – 3 ta’ Mejju 2024, 9:30am

03/05/2024   Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 3 ta’ Mejju

03/05/2024

Qari tal-jum

L-Ewwel Qari: 1 Kor 15:1-8
Salm: 18:2-5

L-Evanġelju: Ġw 14:6-14

F’dak iż-żmien: Ġesù qal lil Tumas: “Jiena hu t-Triq, is-Sewwa u l-Ħajja. Ħadd ma jmur għand il-Missier jekk mhux bija. Kieku għaraftu lili, kontu tagħarfu wkoll ’il Missieri. Minn issa ’l quddiem tagħarfuh u rajtuh.”

Qallu Filippu: “Mulej, urina l-Missier, u jkun biżżejjed għalina.” Ġesù wieġbu: “Ili daqshekk magħkom, u int, Filippu, għadek ma għaraftnix? … Kompli aqra »

Ċelebrazzjonijiet Liturġiċi mill-Arċisqof Charles Scicluna f’Mejju 2024

02/05/2024

Matul ix‑xahar ta’ Mejju, l‑Arċidjoċesi ta’ Malta xxandar il‑quddiesa kuljum fid‑9:30am fuq TVM, Knisja.mt u Newsbook Malta. Mit‑Tnejn sas‑Sibt tixxandar it‑talba tar‑rużarju fuq Knisja.mt, Newsbook Malta, u Facebook u YouTube tal‑Arċidjoċesi ta’ Malta. Kull nhar ta’ Ħadd, il‑quddiesa tixxandar fuq TVM, Knisja.mt u Newsbook Malta, l‑istazzjon tar‑radju RTK 103, u Facebook u YouTube tal‑Arċidjoċesi ta’ Malta.

L‑Arċisqof Charles Scicluna se jiċċelebra l‑quddies f’dawn il‑ġranet:

Il‑Ħadd 5 ta’ Mejju, fid‑9:30am, l‑Arċisqof jiċċelebra quddiesa mill‑Knisja tas‑Salib Imqaddes tal‑Kappuċċini fil‑Furjana, li tixxandar fuq TVM, Knisja.mt, Newsbook Malta u RTK 103… Kompli aqra »

Il-Papa fl-Udjenza – L-akbar għadu tal-fidi hija l-biża’

01/05/2024   Awla Pawlu VI, Il-Vatikan

Għeżież ħuti, l-għodwa t-tajba!

Illum nixtieq nitkellem fuq il-virtù tal-fidi. Flimkien mal-imħabba u t-tama, din il-virtù hi msejħa “teologali”. Il-virtujiet teologali huma tlieta: fidi, tama u mħabba. Għaliex huma teologali? Għax nistgħu ngħixuhom biss b’don ta’ Alla. It-tliet virtujiet teologali huma d-doni kbar li Alla jagħti lill-ħila morali tagħna. Mingħajrhom nistgħu nkunu għaqlin, ġusti, qawwija u meqjusa, imma ma jkollniex għajnejn li jaraw anki fid-dlam, ma jkollniex qalb li tħobb anki meta ma hix maħbuba, ma jkollniex tama li tissogra kontra kull tama… Kompli aqra »

Żjara lill‑istudenti u l‑ħaddiema Our Lady Immaculate School fil-Ħamrun

02/05/2024   Our Lady Immaculate School fil-Ħamrun

Ritratti taż-żjara mill-Arċisqof Charles Scicluna lill‑istudenti u l‑ħaddiema ta’ Our Lady Immaculate School fil-Ħamrun, li saret dalgħodu l-Ħamis, 2 ta’ Mejju 2024.

Waqt iż-żjara, l-Arċisqof żar l-istudenti tal-primarja fil-klassijiet tagħhom. L-istudenti tas-sekondarja kellhom l-opportunità jsaqsu diversi mistoqsijiet lill-Arċisqof Scicluna dwar diversi temi, fosthom dwar it-trobbija tiegħu, il-vokazzjonijiet, l-irwoli ta’ tmexxija, it-tfittxija għall-verità, il-familja u ż-żwieġ, il-flus u d-droga, il-quddiesa tal-Ħadd u l-ħidma fis-skiet tal-Knisja… Kompli aqra »

Ħaddiem ta’ ispirazzjoni – L-Isqof Galea-Curmi

01/05/2024   Il-Knisja tax-Xemxija

L-omelija tal-Isqof Joseph Galea-Curmi

Kien 135 sena ilu meta fl-Ewropa bdiet tiġi ċċelebrata ġurnata msejħa “Jum il-Ħaddiem” f’ċerti postijiet. U kien 135 sena ilu, fl-istess sena, meta l-Papa Ljun XIII kien ħareġ enċiklika fuq San Ġużepp fejn, fost l-oħrajn, juri kif San Ġużepp huwa ispirazzjoni, mudell għall-ħaddiema.

Il-Festa tal-Ewwel ta’ Mejju bħala festa ddedikata lil San Ġużepp Ħaddiem ġiet iktar tard, kważi sebgħin sena ilu, fl-1955, mill-Papa Piju XII… Kompli aqra »

Quddiesa u Rużarju – 2 ta’ Mejju 2024, 9:30am

02/05/2024   Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 2 ta’ Mejju

02/05/2024

Qari tal-jum

L-Ewwel Qari: Atti 15:7-21
Salm: 95 (96):1-2a,2b-3,10

L-Evanġelju: Ġw 15:9-11

F’dak iż-żmien, Ġesù qal lid-dixxipli tiegħu: “Kif ħabbni Missieri, hekk ħabbejtkom jiena. Ibqgħu fl-imħabba tiegħi. Jekk tħarsu l-kmandamenti tiegħi, intom tibqgħu fi mħabbti, kif jiena ħarist il-kmandamenti ta’ Missieri u qiegħed f’imħabbtu. Għedtilkom dan biex il-ferħ tiegħi jkun fikom, u biex il-ferħ tagħkom ikun sħiħ.”

Qaddis tal-jum: San Atanasju, Isqof u Duttur tal-Knisja Kompli aqra »

…

Kappillani mid-dinja kollha jiltaqgħu biex jaqsmu l-esperjenzi tagħhom

01/05/2024

Some three hundred parish priests from around the world have gathered in Sacrofano, outside of Rome, for a meeting dedicated to listening, prayer, and discernment to address the question of how to be a local synodal Church on mission.

The five-day gathering will feature five days of discussions, culminating in an Audience with Pope Francis on Thursday.

Organized by the General Secretariat of the Synod and the Dicastery for the Clergy, in collaboration with the Dicasteries for Evangelization and for the Oriental Churches, the International Meeting is aimed at “listening to and valuing the experience parish priests live in their respective local Churches” and offering them the opportunity “to experience the dynamism of synodal work at a universal level.”

The Meeting comes in response to the desire expressed by the Synod Fathers to “develop ways for a more active involvement of deacons, priests, and bishops in the synodal process,” following criticism that parish priests were notably absent from the General Assembly… Kompli aqra »

Taħdita fuq l-intelliġenza artifiċjali u l-impatt tagħha fuq is-soċjetà

01/05/2024

Il-Fondazzjoni Centesimus Annus Pro Pontifice Malta qed tistieden lill-pubbliku għal seminar li se torganizza bit- titlu ta’ “AI: A Blessing or a Curse?”. Dan se jsir fid-9 ta’ Mejju 2024 fis-6:30pm f’Dar il-Ħanin Samaritan f’Santa Venera. Dan l-avveniment se jġib flimkien professjonisti u prattikanti ewlenin fil-qasam tal-Intelliġenza Artifiċjali (AI) biex jiddiskutu l-impatt profond tal-AI fuq is-soċjetà.

F’era fejn it-teknoloġija bl-intelliġenza artifiċjali tinxtered f’kull aspett ta’ ħajjitna, mill-kura tas-saħħa u l-finanzi sat-trasport u d-divertiment, is-seminar se jiffoka fuq kif l-intelliġenza artifiċjali qed tiddomina fuq l-umanità u jixtarr jekk din hix saħta jew ta’ bilħaqq barka… Kompli aqra »