Il-Kelma tal-Arċisqof

Stedina biex nilqgħu s-Sid tal-Ħajja – L-Arċisqof

Quddiesa f'Jum il-Milied

25/12/2024   Il-Katidral ta' San Pawl, l-Imdina

L-omelija tal-Arċisqof Charles Jude Scicluna

“Il-ħajja kienet id-dawl tal-bnedmin. id-dawl li jiddi fid-dlam imma d-dlam ma għelbux” (Ġw 1:4-5).

F’dan il-Milied qaddis nixtieq noffri riflessjoni ċkejkna ispirata minn dawn l-ewwel kelmiet mill-Evanġelju ta’ San Ġwann, dak li aħna nsejħlulu bħala l-prologu ta’ San Ġwann.

It-talba tiegħi hi li anke llum fis-soċjetà tagħna, fl-Ewropa għażiża tagħna u fid-dinja, il-ħajja tkun id-dawl tal-bnedmin… Kompli aqra »

Tarbija li tkeċċi l-biża’ minn qalbna – L-Arċisqof

Quddiesa ta' Nofsillejl

24/12/2024   Il-Katidral ta' San Pawl, l-Imdina

L-omelija tal-Arċisqof Charles Jude Scicluna

“Tibżgħux, għax araw, qiegħed inħabbrilkom ferħ kbir” (Lq 2:10). F’dan il-lejl qaddis tal-Milied, l-istedina ta’ din it-tarbija ċkejkna hi biex aħna ma nibżgħux. Jista’ jkun li fid-dinja, fil-ħajja tagħna, hemm ħafna affarijiet li jafu jbeżgħuna, iħawduna, jinkwetawna. Illum il-Mulej, waqt li jistedinna nħarsu lejn ibnu mwieled tarbija, permezz tal-anġlu jgħidilna: “Tibżgħux”.

Imma għaliex m’għandniex nibżgħu, aħna li nisimgħu l-aħbarijiet; nisimgħu dwar gwerer, epidemiji, vjolenza, qtil; għaliex m’għandniex nibżgħu? … Kompli aqra »

Ngħożżu l-preżenza tal-ulied bħala għajn ta’ barka

Il-messaġġ tal-Milied tal-Arċisqof Charles Jude Scicluna

24/12/2024

Nawgura l‑Milied it‑tajjeb lil kull min qiegħed isegwini u jismagħni. Din is‑sena ddeċidejt li l‑messaġġ tal‑Milied ngħaddih minn dan il‑post għażiż, minn Hospice Malta; tradizzjonalment nafuh ukoll bħala l‑Istitut Cini. X’kien ifisser għall‑Maltin u l‑Għawdxin dan l‑ambjent?

L‑Istitut Cini beda proprju bħala fabbrika li kienet tipproduċi l‑ikel. Il‑familja Cini, hawnhekk kellha l‑fabbrika tal‑għaġin. Adelaide Cini, fis‑seklu 19, użat il‑fabbrika tal‑familja tagħha biex tilqa’ tfajliet li kellhom bżonn il‑protezzjoni u d‑dinjità… Kompli aqra »

Inkunu qaddejja vera t’Alla u billi nkunu qaddejja ta’ xulxin – L-Arċisqof

Quddiesa fir-Raba' Ħadd tal-Avvent

22/12/2024   Il-Knisja Parrokkjali ta' San Bartilmew, Ħal Għargħur

L-omelija tal-Arċisqof Charles Jude Scicluna

L-Evanġelju li għadu kemm qara Fr Chris hi laqgħa bejn żewġ nisa. Marija wara t-tħabbira tal-Anġlu, tirrealizza, għax hekk qalilha l-Anġlu Gabrijel, li l-qariba tagħha Elizabetta diġà qiegħda fis-sitt xahar tat-tqala tagħha, u hi wkoll saret tqila bil-qawwa tal-Ispirtu s-Santu.

U din il-mara żagħżugħa tqila ġġorr it-tarbija tagħha tiddeċiedi li titlaq minn Nazaret u tmur f’raħal ċkejken u ħelu, Għajn Karem, u tmur biex tiltaqa’ ma Elizabetta… Kompli aqra »

50 sena Repubblika: Żmien ta’ gratitudni u tama

Omelija f'Jum ir-Repubblika 2024

13/12/2024   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

Hekk kif qed niċċelebraw il‑50 anniversarju tar‑Repubblika, għandna nħarsu lura b’sens ta’ gratitudni għall‑progess li sar fi ħdan l‑istituzzjonijiet demokratiċi tal‑gżejjer tagħna.

Għandna niftakru fis‑servizz ta’ siwi kbir li tant politiċi taw lill‑pajjiż, nies li jaħdmu f’fergħat differenti tal‑gvern, il‑ġudikatura, is‑servizz ċivili, l‑armata, il‑pulizija u membri ta’ entitajiet oħra ta’ dixxiplina u infurzar.

Għandna nirrikonoxxu r‑rwol dejjem jikber tas‑soċjetà ċivili u l‑kontribut importanti ta’ għaqdiet mhux governattivi f’diversi oqsma li jvarjaw mis‑servizz soċjali, għad‑drittijiet tal‑bniedem, għall‑ambjent u għall‑ġustizzja… Kompli aqra »

L-Immakulata Kunċizzjoni hi mera tal-qdusija – L-Arċisqof

Quddiesa fil-festa tal-Kunċizzjoni u t-Tieni Ħadd tal-Avvent bil-kandidatura ta' seminarista

08/12/2024   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

Għadna kemm smajna r-rakkont tat-tnissil ta’ Ġesù fil-ġuf ta’ ommu Marija. Ir-rakkont tat-tnissil tal-Iben jitfa’ dawl fuq it-tnissil tal-omm. Dan għaliex fl-Evanġelji ma nsibux rakkont jew narrattiva tat-tnissil ta’ Marija li qed niċċelebraw illum. Illum qed niċċelebraw it-tgħanniqa ta’ mħabba ta’ ommha u missierha Anna u Ġwakkin. Minn dik it-tgħanniqa ta’ mħabba titnissel tarbija. Hemm l-intervent tal-ġenituri; imma llum qed niċċelebraw ukoll dak il-mument storiku, uman, mimli mħabba bejn il-miżżewġin; intervent speċjali, uniku, irrepetibbli ta’ Alla; intervent dirett… Kompli aqra »

Min jishar ma jitlifx l-opportunità li jħobb illum – L-Arċisqof

Quddiesa fl-Ewwel Ħadd tal-Avvent

01/12/2024   Il-kappella Marija Omm il-Knisja f’Ta’ Mlit, il-Mosta

L-omelija tal-Arċisqof Charles Jude Scicluna

Bdejna sena ġdida ta’ laqgħat flimkien. U dis-sena hi ddedikata lil San Luqa, li fit-Testment il-Ġdid, kiteb żewġ kotba: l-Evanġelju skont San Luqa, u l-Atti tal-Appostli. Aħna midjunin ħafna ma’ San Luqa għax kien hu li f’kapitlu 28 tat-tieni ktieb tiegħu, tal-Atti tal-Appostli, ifakkar il-miġja ta’ San Pawl fostna. U tana wkoll ċertifikat sabiħ. Jalla ngħixuh dan iċ-ċertifikat li tana San Luqa, meta qal: “in-nies tagħha ġabu ruħhom magħna bi ħlewwa liema bħalha” (Atti 28:2)… Kompli aqra »

“Inkunu strument ta’ paċi fejn il-ġnus jiltaqgħu biex jitkellmu b’onestà u jaħdmu għall-paċi” – L-Arċisqof

Ċelebrazzjoni Djoċesana tas-Solennità ta' Kristu Re

24/11/2024   Il‑Bażilika Minuri ta’ Kristu Re, Raħal Ġdid

L-omelija tal-Arċisqof Charles Jude Scicluna

Ġesù jidher quddiem Pilatu fi stat ta’ arrest, umiljat, quddiem il-poter ċivili. “X’għamilt?” (Ġw 18:35), jistaqsih Pilatu. Aħna u nippreparaw għas-Sena tal-Ġublew, sena li l-Papa jixtieqha tkun, kif qalilna lilna l-isqfijiet fis-17 ta’ Mejju li għadda, meta ltqajna miegħu fil-Vatikan. Xtaq li s-Sena tal-Ġublew, li se nibdew minn hawn u ftit ġimgħat oħra, ħa nikkwota lill-Papa bit-Taljan kif kellimna: ‘Una grande festa di misericordia’, ‘festa kbira ta’ ħniena’… Kompli aqra »

Il-libertà tagħna trid tibda mill-qalb – L-Arċisqof lill-persuni li jgħixu l-ħabs

Quddiesa fil-festa ta' Kristu Re

24/11/2024   Il-kappella tat-Trasfigurazzjoni tal-Mulej fil-Faċilità Korrettiva ta’ Kordin, Raħal Ġdid

L-omelija tal-Arċisqof Charles Jude Scicluna

L-Evanġelju li ntgħażel din is-sena għall-festa ta’ Kristu Re jippreżenta lil Ġesù taħt arrest. Wara lejl ta’ interrogazzjoni mis-Sinedriju, u l-kundanna tal-poplu tiegħu, jinġieb quddiem Pilatu għax il-Lhud kienu interessati li lil Ġesù jakkużawh b’xi ħaġa li twasslu għall-mewt. Id-djalogu bejn din il-persuna arrestata u ttorturata (li hu Ġesù) u l-poter Ruman hu djalogu, li llum jipprova jispjegalna min hu Ġesù Sultan… Kompli aqra »

Sena ta’ tama u ħniena – L-Arċisqof

22/11/2024   Is-Sala taċ-Ċentru Animazzjoni u Komunikazzjoni, Birkirkara

Il-messaġġ tal-Arċisqof Charles Jude Scicluna

Dan id-diskors fl-Assemblea Djoċesana jagħtini l-opportunità biex naqsam magħkom ilkoll l-ispirtu ta’ żewġ avvenimenti ekkleżjali importanti li ġraw matul din is-sena u li ħerqan nistenna magħkom is-Sena Mqaddsa 2025.

L-ewwel avveniment ekkleżjali li ħalla marka fuq l-esperjenza tagħna bħala Knisja f’Malta, bħala l-Poplu t’Alla pellegrin f’Malta, kienet iż-żjara tal-Ad Limina tal-Isqfijiet ta’ Malta u Għawdex f’Mejju li għadda… Kompli aqra »