Il-Kelma tal-Arċisqof

Id-dilka tal-morda hi sagrament tal-fejqan u tal-ħniena ta’ Alla – L-Arċisqof

Laqgħa tal-Arċisqof mal-Anzjani Lijani

30/05/2023   Is-Sala Villa Lija, Ħal Lija

Il-messaġġ tal-Arċisqof Charles Jude Scicluna

Grazzi ħafna tal-istedina. Qed nieħu pjaċir ukoll li ltqajna ftit. Qaluli li tkun ħaġa sabiħa li nagħmlu d-dilka tal-morda. Id-dilka tal-morda hi talba biex il-Mulej jieħu ħsieb ir-ruħ u l-ġisem. Hi wkoll id-dilka għażiża li tagħti fejqan, b’mod speċjali fejqan spiritwali. Jekk ikun hemm xi ħadd li jieħu d-dilka tal-morda u l-Mulej isejjaħlu, is-Salvatur jiġi jħabbat fuq il-bieb, u jgħidlek: ‘għalaq iċ-ċens’, bid-dilka tal-morda, anke li jagħmillek is-saċerdot, jinħafru d-dnubiet… Kompli aqra »

Post li jrid ikun sinjal tal-preżenza ta’ Alla fostna – L-Arċisqof

Quddiesa bil-Konsagrazzjoni tal-Kappella tal-Madonna Għajnuna tal-Insara u San Bartilmew Appostlu

27/05/2023   Il-kumpless residenzjali Rużar Briffa fir-Residenza ta' San Vinċenz de Paule, Ħal Luqa

L-omelija tal-Arċisqof Charles Jude Scicluna

Qegħdin nikkonsagraw dan il-post ta’ kult, ta’ qima, aħna u nibdew il-festa solenni ta’ Pentekoste, ta’ Għid il-Ħamsin. Ejjew nirringrazzjaw lill-Mulej tad-don tal-Ispirtu s-Santu li l-Mulej isejjaħlu ‘għajn’, “xmajjar ta’ ilma ħaj” (Ġw 7:38).

Fil-bidu ta’ dan ir-rit raxxaxna l-ilma mbierek fuq dan il-post, fuqna. Din il-ħaġa tfakkarna li dak li qegħdin nikkonsagraw illum hu sinjal ukoll tal-għaqda ta’ bejnietna… Kompli aqra »

L-Ispirtu s-Santu hu l-ispirtu ta’ Alla li hu mħabba – L-Arċisqof f’Pentekoste

Quddiesa fil-festa ta' Pentekoste bil-griżma tal-isqof

28/05/2023   Il-Konkatidral ta' San Ġwann, il-Belt Valletta

Għeżież żgħażagħ intom u tirċievu dan is-sagrament għażiż, aħna nitolbu ħafna għalikom biex id-don tal-Ispirtu s-Santu li se tirċievu bit-tqegħid tal-idejn, bid-dilka biż-żejt tal-griżma, bit-talba tal-Knisja jkun għalikom sinjal sabiħ ta’ kemm Alla jħobbkom. L-Ispirtu s-Santu hu l-ispirtu ta’ Alla li hu mħabba.

Ejjew nifhmuha din. Fejn hemm l-ispirtu ta’ Alla se jkun hemm dejjem l-imħabba. Allura meta nħarsu madwarna u fina nfusna u naraw dak kollu li mhuwiex imħabba, nistaqsu lilna nfusna: Imma dan ġej minn Alla jew le? … Kompli aqra »

Il-kelma tqanqal, imma l-eżempju jkaxkar – L-Arċisqof

15/05/2023   Il-Knisja ta’ San Pawl tat-Tarġa, in-Naxxar

L-omelija tal-Arċisqof Charles Jude Scicluna

Din is-silta mill-Evanġelju ta’ San Ġwann, li tfakkarna f’parti mid-diskors ta’ Ġesù fl-Aħħar Ċena, tkompli wkoll fuq dak li smajna lbieraħ fil-Quddiesa tal-Ħadd, meta Ġesù jitkellem fuq il-fatt li se jibgħatilna ‘Konsulatur’ – ‘id-Difensur’. “Meta jiġi d-Difensur, li se nibgħatilkom mingħand il-Missier, l-Ispirtu tal-verità, li ġej mill-Missier, huwa jixhed għalija” (Ġw 15:26). Il-kelma bil-Grieg, xhieda, li tixhed, li tkun xhud, hija ‘Marturia’; minn fejn aħna ssellifna l-kelma ‘Martri’… Kompli aqra »

Alla jħobb b’xejn – L-Arċisqof

13/05/2023   Is-Santwarju tal-Madonna tal-Mirakli, Ħal Lija

L-omelija tal-Arċisqof Charles Jude Scicluna

F’dan il-jum għażiż inġbarna biex nagħtu qima lill-Madonna f’dan is-Santwarju tal-Madonna tal-Mirakli u nfakkru kemm il-Madonna tieħu ħsiebna. It-tradizzjoni antika, li hija wkoll dokumentata fil-parroċċa tagħna tgħid li minn dak l-inkwadru ħareġ għaraq u kien mument ta’ inkwiet. L-Isqof ta’ dak il-post u anke l-awtoritajiet ħassew li dak li ġara kien ukoll sinjal tal-viċinanza tal-Madonna mal-poplu tagħna. Din is-sena qegħdin infakkru l-festa fit-13 ta’ Mejju, li hija wkoll l-ewwel dehra tal-Madonna ta’ Fatima, lejliet Jum l-Omm… Kompli aqra »

Jekk devot tal-Madonna, prova imita virtù minn tagħha – L-Arċisqof

10/05/2023   Il-Knisja Parrokkjali ta’ Sacro Cuore, Tas-Sliema

Ejjew nirriflettu ftit fuq dan il-ġest li qiegħda tagħmel din il-parroċċa llum. L-għotja tal-warda tad-deheb hija tradizzjoni antika ħafna ta’ dehniet Insara u kienet omaġġ, sinjal ta’ qima. L-għotja tal-warda tad-deheb lill-Madonna tagħżilha bħala Sultana ta’ qalbna, u fl-istess ħin tfisser impenn.

Sidtna Marija, kif issaltan? Issaltan fil-qadi. Għax dan tgħallmet fl-iskola tal-Kelma ta’ Alla; dan għamel fiha l-Ispirtu s-Santu, meta minn ġuf ommha, sa mit-tnissil, ħarisha minn kull tebgħa tad-dnub… Kompli aqra »

Għal Ġesù l-ikbar dnub hu li ma taċċettahx bħala s-salvatur tiegħek – L-Arċisqof

Quddiesa tal-jum mas-saċerdoti l-ġodda

16/05/2023   Is-Santwarju tal-Madonna tal-Mellieħa, il-Mellieħa

L-omelija tal-Arċisqof Charles Jude Scicluna

Ħafna drabi staqsejt lili nnifsi: imma dawn it-tliet kelmiet ta’ Ġesù dwar l-iżball tad-dinja, xi jfissru eżattament? Għax il-Mulej jgħid li meta jiġi l-Ispirtu s-Santu, meta jingħata l-Ispirtu s-Santu jipperswadina dwar l-ideat żbaljati li għandha d-dinja dwar tliet affarijiet. U rrid nammetti li ħafna drabi ninduna li anke jien naqa’ f’dan l-iżball għax qiegħed fid-dinja u kultant nittieħed mill-ispirtu tad-dinja… Kompli aqra »

Ifhem xi tfisser tħobb u tibda tifhem Ġesù – L-Arċisqof

Quddiesa fis-Sitt Ħadd tal-Għid u f'Jum l-Omm

14/05/2023   Il-Knisja Parrokkjali tal-Madonna ta’ Fatima, Gwardamanġa

L-omelija tal-Arċisqof Charles Jude Scicluna

Waħda mill-affarijiet sbieħ li jgħallimna l-Evanġelju hi li biex titkellem fuq Alla trid taħseb f’kelma waħda importanti u dik hi l-imħabba; mhux il-biża’, mhux il-kefrija, il-ġudizzju jew il-kundanna, imma l-imħabba.

Il-Mulej ma jitlobx minna la l-biża’, la l-ubbidjenza għamja, ma jitlobx minna s-sottomissjoni ta’ skjav, jitlob minna l-imħabba. U l-imħabba tagħna tkun risposta għall-imħabba li rċevejna: “Jekk tħobbuni ħarsu l-kmandamenti tiegħi” (Ġw 14:15)… Kompli aqra »

Agħmlu kollox għal Ġesù – L-Arċisqof lis-saċerdoti ġodda

Quddiesa bl-ordinazzjoni ta' tliet saċerdoti ġodda

13/05/2023   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

“Aħna nħobbu għax hu ħabbna l-ewwel” (1Ġw 4:19). Din il-frażi mill-ewwel ittra ta’ San Ġwann appostlu hi programm għal kull Nisrani imma b’mod speċjali għalina s-saċerdoti. Aħna nħobbu. Il-missjoni tagħna hi li nkunu mħabba. Imma din il-missjoni ġejja mill-persważjoni, mill-konsapelovezza, mill-għarfien, mill-fidi li hu Alla l-imbierek ħabbna l-ewwel.

Ħabbna l-ewwel fil-misteru tal-ħolqien tagħna. Ħabbna l-ewwel fil-misteru tal-fidwa tagħna, f’Ibnu Ġesù… Kompli aqra »