Il-Kelma tal-Arċisqof

In-newtralità tagħna qatt ma tista’ tkun kompliċità mal-ħerba tal-gwerra – L-Arċisqof f’Jum it-Tifkira

Quddiesa f'Jum it-Tifkira

13/11/2022   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

Din is-silta mill-Evanġelju ta’ San Luqa hi waħda mill-aħħar mumenti ta’ Ġesù qabel jasal għall-Ġimgħa l-Kbira; hu wkoll diskors li jitkellem dwar it-tmiem imma jitkellem ukoll dwar il-kunflitti fl-umanità. Donnu Ġesù jgħaqqadhom it-tnejn li huma, donnu qed jgħid minħabba l-kefrija tal-bnedmin u d-dnub fil-qalb tal-bniedem, il-kunflitti jsiru parti integrali mill-istorja tagħna. Ix-xhieda tagħna l-Insara, li mhux dejjem kienet ta’ min ifaħħarha, għandha bżonn tkun ta’ dawk li jġibu l-paċi… Kompli aqra »

Id-dgħufija tagħna m’għandhiex tfixkilna – L-Arċisqof

20/10/2022   Il-Monasteru ta’ Sant’Ursola, Il-Belt Valletta

L-omelija tal-Arċisqof Charles Jude Scicluna

Għalina hija dejjem kelma iebsa li nisimgħu lil Ġesù jitkellem dwar il-firda, anzi jgħid: “Jiena ġejt inġib il-firda,” (ara Lq 12:51) meta aħna nafu u nsellmulu bħala l-prinċep tas-sliem, il-prinċep tal-paċi. Jgħidilna: “Jiena ġejt inġib il-paċi fid-dinja”; it-tislima tiegħu li jirrepeti l-Isqof f’kull quddiesa li jqaddes hija ‘l-paċi magħkom’. Għal liema firda qiegħed jgħid? 

L-Evanġelju ta’ San Luqa, kif nafu, kien miktub fi żmien il-persekuzzjoni u ħafna familji ġarrbu t-traġedja tal-firda minħabba l-persekuzzjonijiet… Kompli aqra »

Ħalli lil Alla jagħmlek ġust – L-Arċisqof

Quddiesa f’Jum Internazzjonali Missjunarju

23/10/2022   Il-Bażilika ta' Santa Marija, il-Mosta

L-omelija tal-Arċisqof Charles Jude Scicluna

✠ Charles Jude Scicluna
    Arċisqof ta’ Malta

Il-ħarsa ta’ Ġesù hi ħarsa ta’ ħniena fuq kulħadd. Illum iħares lejn kategorija ta’ nies, li nnota kienu jafdaw fihom infushom, li huma ġusti u jmaqdru lill-oħrajn. Tgħiduli: ‘dawn in-nies kienu jgħixu fi żmien Ġesù’. Imma nistaqsu lilna nfusna: m’hemmx xi ftit minn dan ukoll fil-qalb tagħna, fil-qalb tiegħi u tiegħek? … Kompli aqra »

L-Arċisqof jirringrazzja lill-missjunarji talli huma xhieda tal-Evanġelju madwar id-dinja

22/10/2022

Din is-sena l-Papa Franġisku xtaq li għall-Jum il-Missjoni, aħna naħsbu f’dan is-suġġett, f’din it-tema sabiħa ħafna li tkunu ‘xhieda tiegħi’ (Atti 1:8). Jiena qed naħseb fil-missjunarji Maltin u Għawdxin madwar id-dinja li huma dawk li jwasslu l-istil tal-Evanġelju, li huma qrib il-poplu, li għandhom qalb ta’ tenerezza u ta’ kompassjoni għall-Poplu t’Alla fejn qegħdin, jirrappreżentaw ukoll l-imħabba tagħna.

Jiena nawgura lill-missjunarji Maltin u Għawdxin f’dan il-jum tal-Missjoni… Kompli aqra »

Qegħdin hawn biex l-assassinju tal-bnedmin qatt u qatt ma jkun business as usual – L-Arċisqof

Quddiesa tal-Ħadd fil-ħames anniversarju mill-qtil ta' Daphne Caruana Galizia

16/10/2022   Il-Knisja tal-Familja Mqaddsa, il-Bidnija

L-omelija tal-Arċisqof Charles Jude Scicluna

Ġesù jagħtina tixbiha, parabbola b’għan speċifiku qawwi, li ried jurina li għandna dejjem nitolbu bla ma naqtgħu. It-talb hu atteġġjament li għandna lejn Alla li aħna nidraw ngħixu fil-preżenza tiegħu, li niddjalogaw miegħu. Allura nħossu fuqna l-ħarsa tiegħu imma wkoll inħalluh ikellem lil qalbna.

Tant hu hekk li fl-eżempju li jġib Ġesù jitkellem dwar imħallef li tilef il-biża’ minn Alla… Kompli aqra »

Aħna nsibu l-libertà tagħna meta nsiru qaddejja – L-Arċisqof

Quddiesa fil-bidu tal-ħidma pastorali ta' Patri Bertrand Vella OFM Cap. bħala kappillan tal-parroċċa ta' San Ġwann

07/10/2022   Il-Knisja Parrokkjali tal-Madonna ta’ Lourdes, San Ġwann

L-omelija tal-Arċisqof Charles Jude Scicluna

“Sliem għalik, mimlija bil-grazzja, il-Mulej miegħek,” (Lq 1:28). It-tislima tal-Arkanġlu Gabriel titnissel fuq fommna fit-talba tar-Rużarju: Sliem għalik, Marija, mimlija bil-grazzja, il-Mulej miegħek. Din it-tislima li aħna nlissnu għal ħamsin darba; hija tislima li tingħata wkoll lill-komunità li tiskopri Alla kemm iħobbha: Sliem għalik, il-Mulej miegħek,” (Lq 1:28). Il-komunità hija mimlija bil-grazzja għax hi mħaddna mill-ħniena tal-Mulej. Fil-każ tal-Verġni Marija, aħna nemmnu li ‘mimlija bil-grazzja’, hi proprju mill-bidu tal-eżistenza tagħha, fil-ġuf ta’ ommha Anna; mit-tnissil tagħha bla tebgħa… Kompli aqra »

Il-qaddisin jgħallmuna paċenzja straordinarja – L-Arċisqof

04/10/2022   Ghigo Community Residence, Ħal Għaxaq

Aħna u niċċelebraw il-festa ta’ San Franġisk, nifhmu kemm huma importanti dawn iż-żewġ aspetti, li Ġesù kien isib fl-ambjent fejn seta’ jkun f’ambjent ta’ mistrieħ, mal-ħbieb. Kien japprezza żgur ix-xogħol ta’ Marta li kienet tnaddaf u ssajjar, imma apprezza wkoll l-atteġġjament ta’ Marija li tisimgħu b’ħerqa u bi mħabba kbira.

San Franġisk jgħallimna dawn iż-żewġ aspetti. Lil uliedu spiritwali, lil ħbieb tiegħu qalilhom: ‘Oħorġu u pprietkaw, meta jkun hemm bżonn użaw il-kliem… Kompli aqra »

Il-bżonn li ċ-ċittadin iħossu rispettat quddiem il-magna tal-ġustizzja – L-Arċisqof

Quddiesa fil-ftuħ tas-Sena Forensi 2022

03/10/2022   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

Eċċellenza, għażiż President tar-Repubblika, Mr Speaker, Onor. Ministru, Kap tal-Oppożizzjoni, imma fuq kollox ukoll lilek Onor. Prim Imħallef, membri kollha tal-Ġudikatura, intom u tibdew sena forensi ġdida, sena ta’ ħidma fil-Qrati tal-Ġustizzja, l-Evanġelju tal-lum jagħtina ħjiel ta’ x’għandha tkun il-missjoni tagħkom. Il-parabbola li aħna nafuha bħalha dik tas-Samaritan it-tajjeb, hi instigata minn wieħed minnkom, minn għaref tal-Liġi. Jiena jogħġobni ħafna dan it-titlu: ‘bniedem tal-Liġi li huwa għaref’ u nawgura li kull min hu espert u tgħallem iħaddem il-Liġi jkollu wkoll l-għerf mhux biss ix-xjenxa għax ix-xjenza tajba, imma l-għerf jagħti r-ruħ lix-xjenza… Kompli aqra »

Mhux iżjed reliġjon għandna bżonn imma iżjed fidi – L-Arċisqof

Quddiesa fis-27 Ħadd ta' matul is-sena

02/10/2022   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

Ġesu jagħżel 12 u jsejħilhom appostli. It-talba ta’ dan il-grupp hi t-talba f’isimna lkoll: “Kattar fina l-fidi” (Lq 17:5). Hi talba li għandna bżonnha. Ħafna drabi aħna marbutin mar-reliġjon u nagħmlu sewwa. Ir-religjon hi dak kollu li jgħinna niġu f’kuntatt ma’ Alla personalment u bħala komunità, bħala familja. Ir-reliġjon allura hi magħmula wkoll mis-sinjali konkreti, mir-ritwali tagħna. Aħna Malta għandna tradizzjonijiet qawwija u antiki… Kompli aqra »

Għal Alla m’hemm xejn li ma jistax ikun – L-Arċisqof

29/09/2022   Il-Knisja tas-Salib Imqaddes, il-Furjana

L-omelija tal-Arċisqof Charles Jude Scicluna

F’dan il-post għażiż għad-devozzjoni lejn l-Arkanġli u San Mikiel illum nitolbu l-ħarsien tal-arkanġli u tal-anġli. Aħna dalwaqt ukoll nagħmlu festa kbira għall-anġli kustodji kollha fit-2 ta’ Ottubru imma dawn il-jiem jibdew billi nfakkru tliet anġli li fl-Iskrittura jissemmew b’isimhom, jingħataw it-titlu ta’ arkanġli għax jingħataw missjoni importanti, u wkoll jgħallmuna bl-isem magħżul għalihom xi tfisser l-interċessjoni tal-anġli.

L-Arkanġlu San Mikiel ismu jfisser: min hu bħal Alla? … Kompli aqra »