Il-Kelma tal-Arċisqof

Is-sagrament tal-qrar hu wkoll skola ta’ umiltà u ta’ mħabba – L-Arċisqof

Quddiesa fil-festa tal-Qalb ta’ Ġesù

24/06/2022   Il-Knisja Parrokjali tas-Salvatur, Ħal Lija

L-omelija tal-Arċisqof Charles Jude Scicluna

Fil-festa tal-Qalb ta’ Ġesù din is-sena, il-qari li għadna kemm smajna, jistedinna biex inħarsu lejn Ġesù mimli ħniena bħala r-Ragħaj it-tajjeb li jagħti ħajtu għan-nagħaġ tiegħu, li jmur ifittex lil kull wieħed u waħda minna fit-toroq tal-ħajja.

Kultant ngħidu: imma aħna mhux ilkoll għandna bżonn il-ħniena tiegħu? U hekk hu. U forsi diffiċli ngħoddu lilna nfusna ma’ dawk id-99 li m’għandhomx bżonn indiema… Kompli aqra »

“Għandu jkollna qalb ħelwa u umli” – L‑Arċisqof f’Jum il-Gradwazzjoni ta’ Caritas Malta

12-il persuna jiggradwaw mill-programm ta’ rijabilitazzjoni mid-droga

24/06/2022   Iċ-Ċentru Terapewtiku ta’ San Blas, Ħaż-Żebbuġ

Il-messaġġ tal-Arċisqof Charles Jude Scicluna

L-ewwel nett nixtieq insellem lil kull wieħed u waħda minnkom b’mod speċjali lilek Eċċ. President tar-Repubblika, lill-Onorevoli Ministri, grazzi ħafna tal-preżenza ġentili tagħkom. Imma tislima kbira ħafna tmur lill-istaff kollu tal-Caritas. Grazzi ħafna lilek, Anthony, tal-kliem tiegħek ċar ħafna li hemm bżonn naħsbu ħafna fuqu. Imma grazzi anke lilek Dun Charles Cordina, li naf kemm hi għal qalbek il-missjoni li twassal il-qalb tal-Knisja f’tant ambjenti li aħna qaddejja tagħhom… Kompli aqra »

M’hemmx għalfejn nintroduċu l-abort biex insalvaw l-omm – L-Arċisqof

Quddiesa fis-solennità tat-Twelid ta’ San Ġwann Battista

23/06/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Arċisqof Charles Jude Scicluna

Aħna nagħmlu tliet festi għat-twelid ta’ xi ħadd matul is-sena ta’ talb tal-Knisja fis-Sena Liturġika. Infakkru b’ferħ kbir it-twelid ta’ Sidna Ġesù Kristu fil-25 ta’ Diċembru. Infakkru t-twelid ta’ Sidtna Marija fit-8 ta’ Settembru. Imma festa antika oħra hi t-twelid ta’ Ġwanni. Dawn huma t-tliet festi li fihom infakkru t-twelid ta’ personaġġ. Ġeneralment il-qaddisin infakkruhom fl-anniversarju tal-mewt tagħhom jew f’anniversarju importanti fil-ħajja tagħhom; imma qatt fl-anniversarju tat-twelid tagħhom… Kompli aqra »

Stedina biex nilqgħu lil xulxin – L-Arċisqof

Quddiesa fil-festa tas-sejħa tal-Madonna ta’ Pinu lil Karmni Grima

22/06/2022   Is-Santwarju tal-Madonna ta' Pinu, l-Għarb Għawdex

L-omelija tal-Arċisqof Charles Jude Scicluna

Omm Ġesù hi mistiedna għal tieġ. It-tieġ isir mhux ’il bogħod minn Nazaret f’raħal ieħor tal-   Galilija jismu Kana. Anke Ġesù hu mistieden u nistgħu nimmaġinaw li allura hemm il-qraba tagħhom ukoll. Imma Ġesù jġib miegħu d-dixxipli tiegħu; ma kinux jiġu mill-għarajjes imma ġabhom miegħu.

Anke fit-tieni qari li smajna llum insibu li fil-kamra ta’ fuq tad-dar fejn kienu joqgħodu l-ewwel dixxipli – kien hemm il-11 għax Ġuda l-Iskarjota ma kienx għadu magħhom – imma flimkien mal-11 kien hemm ukoll xi nisa: Marija, omm Ġesù u qrabathom… Kompli aqra »

It-triq id-dejqa ta’ Ġesù fiha d-diffikultajiet imma twasslek – L-Arċisqof

21/06/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Arċisqof Charles Jude Scicluna

Din is-silta mill-Evanġelju ta’ San Mattew tiġbor tliet kelmiet ta’ Ġesù li mhux bilfors jingħaqdu bejniethom imma l-Evanġelju tal-lum jippreżentahomlna t-tlieta li huma.

L-ewwel kelma ta’ Ġesù hi biex nitgħallmu napprezzaw il-ġid kollu li għamel magħna u jqabblu ma’ dak kollu li hu qaddis: il-ġawhra. Ħafna drabi Ġesù jfakkarna li s-saltna ta’ Alla, il-paċi li jagħtina hu, huma prezzjużi daqs ġawhra fina li xi ħadd isib waqt li qed ifittex ġawhar prezzjuż jew teżor moħbi f’għalqa… Kompli aqra »

“Ersqu għat-tqarbin” – L-istedina tal-Arċisqof fil-festa ta’ Corpus Christi

19/06/2022   Il-Katidral ta' San Pawl, l-Imdina

L-omelija tal-Arċisqof Charles Jude Scicluna

Fil-festa tal-Ġisem u d-Demm ta’ Ġesù nistħajlu li l-Knisja tagħżel xi Evanġelju jirrakkonta l-mument meta Ġesù jwaqqaf dan is-sagrament. Fil-qari li smajna llum huwa l-Appostlu Missierna San Pawl meta jikteb lill-Koritin li jfakkarna x’ġara u li hu kien irċieva mingħand il-Mulej it-tagħlim li għadda lill-komunità ta’ Korintu. “Il-Mulej Ġesù fil-lejl li fih kien ittradut, ħa l-ħobż u wara li radd il-ħajr, qasmu u qal: ‘Dan hu ġismi li ngħata lilkom; agħmlu dan b’tifkira tiegħi’… Kompli aqra »

Il-ħtieġa li niskopru kemm il-Mulej ma jiddejjaqx jieħu paċenzja bina – L-Arċisqof

Quddiesa fil-bidu tal-ħidma pastorali ta' Dun Ivan Scicluna bħala kappillan tal-Parroċċa ta' Ħal Safi

17/06/2022   Il-Knisja Parrokkjali tal-Konverżjoni ta’ San Pawl, Ħal Safi

L-omelija tal-Arċisqof Charles Jude Scicluna

Il-laqgħa ta’ Pawlu ma’ Ġesù fit-triq ta’ Damasku hi f’mument ta’ dawl qawwi, qrib nofsinhar, meta fid-deżert ix-xemx tiżreġ. Fl-istess ħin Pawlu jara dawl, li donnu jisboq id-dawl tax-xemx naturali, dawl li għamieh. Għandu bżonn l-għajnuna ta’ sħabu, kif qrajna fit-tieni qari llum, f’rakkont li żgur tafuh tajjeb, intom il-membri tal-parroċċa ta’ Ħal Safi. Kellu bżonn l-għajnuna ta’ sħabu biex jobdi l-Kelma ta’ Ġesù, li tistiednu jmur Damasku… Kompli aqra »

Ngħixu għall-imħabba fraterna, tolleranza u li naċċettaw lil xulxin – L-Arċisqof

Messaġġ mill-Arċisqof waqt mument ta’ talb fl-aħħar tislima lil Lassana Cisse

16/06/2022   Il-Moskea Mariam Al-Batool, Raħal Ġdid

On Thursday 16 June 2022, Lassana Cisse was bid farewell at the Mariam Al-Batool Mosque. The prayer was led by Imam Mohammed El Sadi and was attended by Archbishop Charles Scicluna and representatives of non-governmental organisations.

Message by Archbishop Charles Jude Scicluna

First of all I would like to thank you, dear Imam Mohammed El Sadi, for welcoming us here in this mosque and for leading the Muslim prayer for our dear friend, Lassana Cisse… Kompli aqra »

Il-kelma ta’ Ġesù twassalna għal-libertà vera – L-Arċisqof

14/06/2022   Il-Knisja tas-Seminarju, Tal-Virtù, ir-Rabat

L-omelija tal-Arċisqof Charles Jude Scicluna

Dan hu forsi l-iżjed tagħlim ta’ Ġesù li nħossuh diffiċli anke għax imur ’l hemm mil-liġi li għalina tagħmel sens: tħobb lil min iħobbok – lil għajrek, u tobgħod lil min jobogħdok. Mhux hekk nagħmlu aħna? L-istint tagħna hekk jgħidilna u nħossu li din xi ħaġa ġusta għax inti almenu tħobb lil min iħobbok mhux tobgħod lil min iħobbok, u lil min jobogħdok tpattilu bl-istess mibegħda… Kompli aqra »

“Il-ħajja umana tibda mit-tnissil u rridu nirrispettawha, hi min hi u hi f’liema ċirkustanza hi” – L-Arċisqof

09/06/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Arċisqof Charles Jude Scicluna

Ma nafx jekk smajtux bil-kelma ‘sinodu’. Kulħadd jitkellem fuq is-Sinodu; kollox sinodu. Imma din il-kelma xi tfisser? Ġejja mill-Grieg súnodos u tfisser ‘triq waħda’ jew inkella ‘triq flimkien’, li nimxu flimkien. Fl-Evanġelju li smajna llum, Ġesù juża din it-tixbiha: meta tkun għadek fit-triq ma’ min jixtieq itellgħek il-qorti ⁠—jew ma’ min għandu għalxiex itellgħek il-qorti— tkunu qegħdin f’mixja flimkien, sinodali… Kompli aqra »