Riflessjonijiet għar-Randan 2022 – Il-Ħames Ħadd
02/04/2022Riflessjoni mill-Arċisqof Charles Scicluna għall-ħames Ħadd tar-Randan 2022 Kompli aqra »
…
Il-Kelma tal-Arċisqof
Nisimgħu u nilqgħu lill-Papa fostna – L-Arċisqof lit-tfal waqt il-preżentazzjoni ‘Ilkoll Aħwa’
Il-Kulleġġ Missjunarju ta’ San Pawl, ir‑Rabat
29/03/2022Il-messaġġ tal-Arċisqof Charles Jude Scicluna
Għeżież tfal u studenti,
Hi ħaġa sabiħa li llum ltqajtu biex mhux biss tifirħu bil-fatt li l-Papa Franġisku dalwaqt ikun magħna imma wkoll titolbu għalih u tippreżentawlu l-frott tal-ħidma u tax-xogħol tagħkom, li naf għax qaluli, li għamiltuh b’entużjażmu kbir.
Nixtieq nitlobkom pjaċir personali. L-ewwel nett nitolbu biex is-Sibt u l-Ħadd li ġej ikollna temp sabiħ għax intom tifhmu li jekk tagħmel ix-xita jew riħ kiesaħ inbatu naqra u l-ħajja tkun ikkumplikata għal kull wieħed u waħda minnha. Imma fuq hekk nitobu u nħallu f’idejn Alla… Kompli aqra »
Jitkejjel lilna kif inkejlu ma’ xulxin – L-Arċisqof
22/03/2022 Il-Kappella tal-Madonna ta' Manresa fil-Kurja tal-Arċisqof, il-FurjanaL-omelija tal-Arċisqof Charles Jude Scicluna
Il-Kelma ta’ Ġesù hi ċara ħafna. Anke l-parabbola li jagħtina llum hi parabbola qawwija u għażiża. Aħna min jaf kemm-il darba, kuljum, għandna bżonn nitolbu maħfra lil Alla ta’ xi nuqqas, ta’ xi dnub, ta’ xi falliment, ta’ xi kattiverja. Imbagħad insibuha bit-tqila, li dak li Alla jagħmel magħna, nagħmluh ma’ ħaddieħor. Għalhekk il-Mulej, fit-talba li għallimna, għallimna nitolbu hekk: “Aħfrilna dnubietna, bħalma naħfru lil minn hu ħati għalina” (Mt 6:12)… Kompli aqra »
Irridu nieħdu paċenzja bina nfusna u l-ewwel paċenzja trid teħodha bik innifsek – L-Arċisqof
Quddiesa fit-tielet Ħadd tar-Randan fejn sar l-iskrutinju tal-Katekumeni
20/03/2022 Is‑Santwarju tal‑Madonna tal‑Mellieħa, il-MellieħaL-omelija tal-Arċisqof Charles Jude Scicluna
Fl-Evanġelju tal-lum Ġesù jibda minn żewġ fatti li ġraw fi żmienu. Wieħed minnhom kien att vjolenti ħafna, traġiku, abbuż kbir ta’ poter: Pilatu li joqtol diversi Lhud mill-Galilija li kienu qegħdin joffru s-sagrifiċċju, xi ħaġa li forsi ma għoġbitux u b’risposta qatilhom u kif jgħid Ġesù din l-espressjoni qawwija ħafna: “ħallat demmhom mal-vittmi tas-sagrifiċċji tagħhom” (Lq 13:1).
Il-mistoqsija ta’ Ġesù hi mistoqsija li jagħmel ukoll lilna: “Taħsbu intom li dawn kien jistħoqqilhom din il-mewta kiefra, dan it-tmiem krudili? … Kompli aqra »
“Li tkun preparat, speċjalment fir-Randan, ifisser li terġa’ tiskopri s-sbuħija tal-paċenzja u l-ħniena tal-Mulej” – L-Arċisqof
Quddiesa għall-Kattoliċi barranin f'Malta
19/03/2022 Il-Katidral ta' San Pawl, l-ImdinaHomily by Archbishop Charles Jude Scicluna
Today’s Gospel starts from an event that happened during the time of Jesus; a tragic event that Jesus mentions by name. Pontius Pilate decides to punish several Galileans that were doing sacrifices to God, without permission. They are killed as they were doing an act of worship. Jesus says: “Pilate had mingled their blood with that their sacrifices” (Lk 13,1)… Kompli aqra »
Riflessjonijiet għar-Randan 2022 – It-Tielet Ħadd
19/03/2022Riflessjoni mill-Arċisqof Charles Scicluna għat-Tielet Ħadd tar-Randan 2022
Evanġelju: Lq 13:1-9
F’dak iż-żmien, ġew xi wħud għand Ġesù u qalulu b’dawk il-Galilin li Pilatu kien ħallat demmhom mad-demm tal-vittmi tas-sagrifiċċji tagħhom. U Ġesù qabad u qalilhom: “Taħsbu intom li dawn il-Galilin kienu iżjed midinbin mill-Galilin l-oħra biex sofrew dan kollu? Le, ngħidilkom; imma jekk ma tindmux, ilkoll tintilfu bħalhom. Jew dawk it-tmintax-il ruħ li fuqhom waqa’ t-torri ta’ Silwam u qatilhom, taħsbu intom li kienu iżjed ħatja min-nies l-oħra ta’ Ġerusalemm? … Kompli aqra »
L-Arċisqof dwar Dun Peter Serracino Inglott: Kien kuxjenza li ċċaqlaqna
Quddiesa b’suffraġju għal ruħ Dun Peter Serracino Inglott fl-10 anniversarju minn mewtu
17/03/2022 Il-Knisja tal-Erwieħ, Ħal TarxienL-omelija tal-Arċisqof Charles Jude Scicluna
Ġesù jindirizza din il-parabbola lill-kapijiet, lill-Fariżej. Jagħti isem lill-fqajjar: “wieħed fqir jismu Lazzru, li kellu ġismu ġerħa waħda” (Lq 16:20). Nafu li wieħed mill-ħbieb kbar ta’ Ġesù, kien jismu Lazzru. Ma nafux jekk il-qalb ta’ Ġesù, ftakritx fil-ħabib tiegħu, ħu Marta u Marija, meta ried jagħti isem lil dan il-fqir.
L-għani m’għandux isem. It-tradizzjoni tagħtih hi stess bil-Latin dives, imma dives hi ‘għani’… Kompli aqra »
Hemm għalfejn jidhrulna affarijiet mid-dinja l-oħra biex nikkonvertu? – L-Arċisqof
17/03/2022 Il-Kappella tal-Madonna ta' Manresa fil-Kurja tal-Arċisqof, il-FurjanaL-omelija tal-Arċisqof Charles Jude Scicluna
Ġesù jgħid din l-istorja lill-Fariżej imma jgħidha lil kull wieħed u waħda minna. U ġġagħalna naħsbu. Dan l-għani kellu biex jagħti xi ħaġa x’jiekol lil Lazzru imma donnu nsieh. Lazzru kien imur ħdejn il-bieb tal-għani kuljum jittama li forsi jiekol mill-frak li jaqa’ mill-mejda tal-għani.
B’xi mod l-għani, għax ried, ħoloq abbiss, wied profond bejnu u bejn il-fqir… Kompli aqra »
Mulej saffina minn kull frugħa – L-Arċisqof
15/03/2022 Il-Kappella tal-Madonna ta' Manresa fil-Kurja tal-Arċisqof, il-FurjanaL-omelija tal-Arċisqof Charles Jude Scicluna
Ġesù jitkellem dwar it-tmexxija, it-tmexxija anke fil-Knisja. Ħafna affarijiet li hu jilmenta dwarhom insibuhom ukoll fostna, fil-qalb tagħna. U aħna nitolbu f’dan il-jum tar-Randan biex il-Mulej isaffina minn kull frugħa, dik li l-Papa Franġisku jsejjaħlu l-ispirtu tal-mondanità, l-ispirtu tad-dinja li jitħallat mal-affarijiet qaddisa, ħallata ballata, u jitbiegħed mit-tagħlim ta’ Ġesù.
Imma ħaġa li ta’ min naħsbu ħafna fuqha, l-aħwa, hi propju l-mod kif inħarsu lejn xulxin u niġġudikaw lil xulxin għax dan l-Evanġelju jsegwi fuq dak li smajna anke lbieraħ meta qalilna: “tiġġudikawx u ma tkunux iġġudikati; tikkudannawx u ma tkunux ikkundannati” (Lq 6:37)… Kompli aqra »
Kif nistgħu nagħmlu għażliet tajba? – L-Arċisqof
Quddiesa fit-Tieni Ħadd tar-Randan
13/03/2022 Il-Kappella fil-Faċilità Korrettiva ta' Kordin, Raħal ĠdidL-omelija tal-Arċisqof Charles Jude Scicluna
Fl-Evanġelju tal-lum Ġesù jieħu tlieta mid-dixxipli għezież tiegħu, inzertaw tliet sajjieda: Pietru jew Xmun Pietru u ż-żewġt aħwa Ġakbu u Ġwanni, ulied Żebedew. Jeħodhom miegħu u jsejħilhom jitilgħu fuq muntanja. L-Evanġelju ta’ San Luqa jgħidilna li t-tradizzjoni tgħid li fuq il-Muntanja Tabor u l-Evanġelju ta’ San Luqa l-Mulej inġabar fit-talb. “Ġara li huwa hu jitlob id-dehra ta’ wiċċu tbiddlet u l-ilbiesi tiegħu saru ta’ bjuda li tgħammex” (Lq 9:29) … Kompli aqra »