Il-Kelma tal-Arċisqof

It-tliet imħabbiet li għandu jkollna f’ħajjitna – L-Arċisqof

Quddiesa fil-31 Ħadd taż-żmien ta’ matul is-sena

03/11/2024   Il-Knisja Parrokkjali tal-Madonna tal-Karmnu, il-Balluta

L-omelija tal-Arċisqof Charles Jude Scicluna

Il-mistoqsija li l-għaref tal-liġi għamel lil Ġesù, kienet mistoqsija importanti ħafna għal-Lhud taż-żmien Ġesù imma wkoll għal diversi ġenerazzjonijiet. Matul iż-żmien tant żviluppaw liġijiet li l-mistoqsija kienet: imma minn dan kollu, liema liġi hija l-iżjed importanti? Liema wieħed fost il-kmandamenti kollha huwa l-ewwel? Din hi l-mistoqsija li dan l-għaref tal-liġi għamel lil Ġesù. Għalkemm Ġesù kien iben mastrudaxxa, diġà kellu l-fama ta’ bniedem għaref u li jitkellem b’awtorità… Kompli aqra »

“Bħal-lum niftakru li mħabbitna m’għandhiex ħitan” – L-Arċisqof

Quddiesa fit-Tifkira tal-Mejtin Kollha

02/11/2024   Il-Kappella tax-Xirka tad-Duluri fiċ-Ċimiterju tal-Addolorata, ir-Raħal Ġdid

L-omelija tal-Arċisqof Charles Jude Scicluna

Kemm huma kliem ta’ faraġ, dawn il-kliem li jgħid Ġesù f’kapitlu 6 ta’ San Ġwann. Ikellimna ċar dwar ir-rieda ta’ Alla. Xi jrid Alla? “Ir-rieda ta’ min bagħatni hija din: li jiena ma nitlef xejn minn dak kollu li tani, iżda li nqajmu mill-imwiet fl-aħħar jum” (Ġw 6:39). Fuq min qed jitkellem Ġesù meta jgħid: “dak kollu li tani”? Qed jitkellem fuqna, qed jitkellem fuqi u fuqek… Kompli aqra »

L-Arċisqof jistaqsi: “Inti taħseb li Alla li jħobbok ma jagħmilx minn kollox biex isalvak?”

Quddiesa fis-Solennità tal-Qaddisin Kollha

01/11/2024

L-omelija tal-Arċisqof Charles Jude Scicluna

Illum qed niċċelebraw ħafna qaddisin; il-kultura tagħna hi kultura sabiħa li tonora lill-qaddisin, il-festi fil-parroċċi tagħna huma eżempju tal-qima tagħna. Kultant nesaġeraw, ikollna nammettu, imma l-iskop li niċċelebraw il-qaddisin huwa skop sabiħ.

llum filwaqt li nagħmlu festa lill-qaddisin kollha, anke dawk il-qaddisin li kultant inġellduhom, illum għandhom festa waħda, tajjeb niftakru din. Kultant aħna nġelldu lill-qaddisin, illum se niftakkru li l-qaddisin jifirħu b’xulxin u jifirħu bil-ħniena u bl-imħabba li Alla kellu għalihom, u jagħtuh glorja… Kompli aqra »

Il-Profeta Elija jgħallimna li bħal Alla m’hemm ħadd – L-Arċisqof

Quddiesa fit-80 sena mit-twaqqif tal-Kulleġġ San Elija Quddiesa f'Sta Venera

29/10/2024   Il-Kulleġġ ta' San Elija, Sta Venera

L-omelija tal-Arċisqof Charles Jude Scicluna

Nixtieq nitkellem dwar l-hena. Kemm-il darba dan id-diskors mill-Evanġelju ta’ San Mattew, li għadna nsejħulu diskors tal-Beatitudnijiet, tal-hena, Ġesù jagħżel kategorija ta’ nies, u jsejħilhom ‘henjin’. Tajjeb li wieħed meta jkollu ċans jifli ftit min hu hieni skont Ġesù. Ħa ngħidilkom xi ħaġa li tista’ tgħinkom biex tiftakru f’dawn it-tmien barkiet. Ħafna drabi nħobbu ngħidu li s-salib tal-Kavallieri, imbagħad sar is-salib ta’ Malta, għandu tmien ponot għax ifakkarna f’dawn it-tmien barkiet li jsemmi Ġesù fl-Evanġelju ta’ San Mattew… Kompli aqra »

Inkunu qaddejja fidili tal-knisja – L-Arċisqof lill-Isqof Henry Balzan

Quddiesa b’radd il-ħajr tal-ordinazzjoni episkopali tal-Isqof Henry Balzan

27/09/2024   Il-Knisja Parrokkjali ta' San Gejtanu, il-Ħamrun

Eċċellenza għażiż Isqof Henry,

Hu ta’ pjaċir kbir ħafna għalina li nilqgħuk fil-Knisja ta’ Malta, li tagħtek il-magħmudija, laqqgħatek ma’ Ġesù fl-Ewkaristija, u tagħtek is-siġill tal-Ispirtu s-Santu fil-griżma tal-isqof, li fiha kont inkardinat bħala djaknu, li fiha lqajt id-don tas-saċerdozju. Din il-parroċċa li tagħha inti kont ragħaj, li saret tafek kif nafuk: ta’ bniedem qalbu f’idu.

Inti rrispondejt għas-sejħa ta’ Ġesù biex tħejjilu l-mejda, biex tkun il-qaddej tal-aħwa, u fil-qalb tiegħek, li minn dejjem kienet qalb ferrieħa u missjunarja, smajt tidwi l-għajta tal-Poplu ta’ Alla: “kattar fina il-fidi” (Lq 17:6)… Kompli aqra »

Il-ġenituri u n-nanniet huma eżempju ċar ta’ qadi – L-Arċisqof

Quddiesa fil-50 anniversarju mit-twaqqif tal-Parroċċa ta’ Sidtna Marija ta’ Lourdes f'Raħal Ġdid

22/09/2024

L-omelija tal-Arċisqof Charles Jude Scicluna

“Jekk xi ħadd irid ikun l-ewwel wieħed għandu joqgħod wara kulħadd u jkun qaddej ta’ kulħadd” (Mk 9:35). Din il-kelma  Ġesù jgħidha lill-għeżież tiegħu. Lid-dixxipli l-iżjed qrib tiegħu. Jgħidhielhom id-dar, meta waslu Kafarnahum. Kif tafu Ġesù trabba Nazaret,  imma meta kellu madwar 30 sena beda jgħallem u jipprietka u jfejjaq. Il-post fejn kien jgħix kien fuq il-baħar ta’ Tiberija jew din l-għadira kbira ta’ Ġeneżaret, f’post li jismu Kafarnahum… Kompli aqra »

L-arma tal-bniedem ġust hi s-sabar – L-Arċisqof

Quddiesa fis-60 anniversarju mit-twaqqif tal-Istitut Sekulari Spigolatrici della Chiesa f’Malta

22/09/2024   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

Hemm żewġ mumenti fl-Evanġelju tal-lum, meta d-dixxipli isibu ruħhom f’diffikultà kbira. Jerġgħu jisimgħu lil Ġesù jitkellem, dwar il-persekuzzjoni tiegħu: “Bin il-bniedem se jingħata f’idejn il-bnedmin u joqtluh; u meta jkun maqtul, wara tlitt ijiem iqum mill-mewt” (Mk 9:31). Ma jitkellimx biss dwar il-persekuzzjoni tiegħu, imma wkoll dwar din il-ħaġa straordinarjament ġdida, li xi ħadd wara tlitt ijiem iqum mill-mewt. L-Evanġelju ta’ San Mark jgħidilna, li “ma fehmuhx dan il-kliem, u beżgħu jistaqsuh” (Mk 9:32)… Kompli aqra »

Grazzi, Sinjur Alla – L-Arċisqof f’Jum l-Indipendenza

Pontifikal statali f'Jum l-Indipendenza

21/09/2024   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

Aħna u niċċelebraw is‑60 anniversarju minn meta pajjiżna kiseb l‑Indipendenza u sar stat sovran u awtonomu, xtaqt ninseġ ir‑riflessjonijiet tiegħi fuq tliet frażijiet għeżież li għallimna s‑saċerdot qaddis Malti San Ġorġ Preca (1880–1962):

Grazzi Sinjur Alla u aħfirli Sinjur Alla;

Sinjur Alla, jiena għandi bżonnok;

Ejjew inkunu Ħbieb tal‑Evanġelju.

I  |  Grazzi, Sinjur Alla u aħfirli, Sinjur Alla

Din it‑talba ta’ Dun Ġorġ, illum issir talba ta’ kull wieħed u waħda minna, tagħna lkoll: Grazzi, Sinjur Alla u aħfrilna, Sinjur Alla! … Kompli aqra »

“Kulma ħalaq Alla huwa tajjeb” – L-Arċisqof

Quddiesa f'għeluq l-20 anniversarju mit-twaqqif ta' Drachma LGBTI

17/09/2024   Mount St Joseph, Mosta

L-omelija tal-Arċisqof Charles Jude Scicluna

Illejla smajna l-Evanġelju fejn Ġesù juża l-kelma drakma, l-istess kelma li 20 sena ilu kienet ispirazzjoni biex jinbeda dan il-grupp sabiex il-persuni LGBTIQ+ kif ukoll l-ġenituri tagħhom ikollhom xi ħaġa li tgħaqqadhom. Id-drakma hija xi ħaġa prezzjuża, hija xi ħaġa ta’ min ifittixha u li meta ssibha tagħmel festa. Hija wkoll stedina biex tgħix ħajtek b’mod rikonċiljat u f’imħabba matura… Kompli aqra »

Il-parir tal-Arċisqof: inħallu l-imħabba tmexxina, u nsalvaw

Quddiesa fl-24 Ħadd taż-Żmien ta’ Matul is-Sena

15/09/2024   Knisja tal-Madonna tal-Karmnu, San Pawl il-Baħar

L-omelija tal-Arċisqof Charles Jude Scicluna

Illum ippermettuli nibda mill-aħħar, mill-mistoqsija li Ġesù għamel lil kull wieħed u waħda minna. Fil-fatt sejjaħ lin-nies flimkien mad-dixxipli tiegħu u għamel appell lill-umanità kollha, anke lil dawk li ma kinux qegħdin isegwu: “X’jiswielu l-bniedem jekk jikseb id-dinja kollha mbagħad jitlef ħajtu?” (Mk 8:36) Donnu Ġesù qed jagħmel differenza bejn il-ġid ta’ din id-dinja — li tikseb id-dinja kollha — u ħajtek… Kompli aqra »