Il-Kelma tal-Arċisqof

Ġesù hu s-sinjal tal-ħniena u l-imħabba t’Alla għalina – L-Arċisqof

Quddiesa fl-aħħar Ħadd tal-Avvent u l-festa tal-Familja Mqaddsa

31/12/2023   Il-Knisja Parrokkjali ta' Santu Wistin, il-Belt Valletta

L-omelija tal-Arċisqof Charles Jude Scicluna

Fil-festa tal-Familja Mqaddsa llum u dis-sena jinqara l-Evanġelju tal-Kandlora, tal-Preżentazzjoni tal-Mulej li aħna niċċelebraw propju 40 jum wara l-Milied fit-2 ta’ Frar.

L-idea li nantiċipaw dan l-Evanġelju hi li niltaqgħu ftit ma’ Ġużeppi, Marija u Ġesù f’wieħed mill-vjaġġi tagħhom lejn Ġerusalemm. Sena minnhom meta nagħmlu din il-festa nfakkru vjaġġ ieħor meta Ġesù kellu 12-il sena u ntilef. Sena oħra nagħmlu r-rakkont tar-ragħajja li jiltaqgħu mal-familja ta’ Nazaret fl-għar ta’ Betlehem… Kompli aqra »

Il-Milied hu l-milja tal-imħabba li tingħata bla ma tistenna xejn lura – L-Arċisqof

Quddiesa f'Jum il-Milied

25/12/2023   Il-Katidral ta' San Pawl, l-Imdina

L-omelija tal-Arċisqof Charles Jude Scicluna

Għadna kemm smajna innu tassew antik li l-komunità kienet titlob fil-liturġija, fit-talb tagħha biex tiċċelebra dak li qegħdin infakkru llum: l-Iben t’Alla sar bniedem. U dan l-innu liturġiku daħal ukoll fil-Evanġelju skont San Ġwann, l-aħħar Evanġelju li nkiteb.

F’din in-nisġa ta’ ħsibijiet niltaqgħu mal-identità ta’ Ġesù. Huwa l-Kelma ta’ Alla. Huwa d-dawl, il-ħajja. Huwa wkoll l-Iben t’Alla magħmul bniedem… Kompli aqra »

Ir-responsabbiltà li jġib miegħu t-twelid ta’ Ġesù – L‑Arċisqof

Quddiesa ta' Nofsillejl, Il-Katidral ta' San Pawl, l-Imdina

24/12/2023   Il-Katidral ta' San Pawl, l-Imdina

L-omelija tal-Arċisqof Charles Jude Scicluna

Nixtieq nirringrazzja liċ-ċkejken Samuel li fil-prietka tradizzjonali tat-tifel ġabar is-sinifikat profond ta’ dan il-misteru. Ma nafx x’jista’ jżid l-Isqof ma’ dak li qalilna Samuel illejla. Fil-ħsieb qasir tiegħi nixtieq li flimkien nimmeditaw fuq kelma li qalilna l-Appostlu Missierna San Pawl f’ittra li kiteb fix-xjuħija tiegħu waqt li kien pruginier Ruma lil wieħed mid-dixxipli żgħażagh tiegħu, Titu: “Dehret il-grazzja ta’ Alla” (Tit 2:11)… Kompli aqra »

Il-ħames teżori li jfasslu s-soċjetà Maltija

Il-messaġġ tal-Milied tal-Arċisqof Charles Jude Scicluna

24/12/2023

Il-messaġġ tal-Arċisqof Charles Jude Scicluna

Fil-lejl qaddis tal-Milied infakkru messaġġ sabiħ li wasslu l-anġli lir-ragħajja ta’ Betlehem: “Glorja lil Alla fl-ogħla tas-smewwiet, u paċi fl-art” (Lq 2:14). Paċi fl-art lill-bnedmin li Alla jħobb tassew; paċi fl-art lill-bnedmin ta’ rieda tajba. 

Din is-sena, aħna u nħarsu lejn l-Art Imqaddsa, nitolbu b’talba ħerqana għall-paċi u nibku eluf u eluf ta’ vittmi tal-ħruxija tal-bniedem. Donnu Erodi għadu magħna fil-qalb ta’ kull bniedem… Kompli aqra »

L-ikbar festa tal-Milied hi f’qalbna – L-Arċisqof

Quddiesa tal-aħħar Ħadd tal-Avvent

24/12/2023   Il-Kappella tal-Qalb ta' Ġesù, Tal-Virtù

L-omelija tal-Arċisqof Charles Jude Scicluna

L-Evanġelju tat-tħabbira tal-Mulej jippreparana b’mod immedjat għall-festa li se niċċelebraw propju mil-lejla ’l quddiem.

Dan l-Evanġelju huwa ta’ disa’ xhur ilu għax aħna niċċelebrawh u naqrawh b’solennità kbira fil-25 ta’ Marzu, disa’ xhur qabel il-25 ta’ Diċembru qabel jum il-Milied. L-Evanġelju tal-lum ifakkar it-tnissil ta’ Ġesù, il-mument meta Ġesù, it-tieni persuna tas-Santissima Trinità, l-Iben ta’ Alla jibda jeżisti fil-ġuf ta’ mara bħala bniedem… Kompli aqra »

Min tgħallem jaħfer għandu l-paċi – L-Arċisqof

Messaġġ mill-Arċisqof wara dimostrazzjoni bil-Bambin fit-toroq tal-Belt Valletta

22/12/2023   Il-Konkatidral ta’ San Ġwann, il-Belt Valletta

Il-messaġġ tal-Arċisqof Charles Jude Scicluna

Għadna kemm smajna ħsibijiet sbieħ tal-maħbub San Ġorġ Preca. Li xtaq din id-dimostrazzjoni, kif kien isejħilha, u li bdiet fl-1921, mitt sena ilu. Waħda mit-talbiet sbieħ ta’ Dun Ġorġ, li tiġbor fiha wkoll it-talba li nixtieq li nagħmlu f’dan il-Milied, hi talba sempliċi ħafna. U ngħiduha flimkien: ‘Sinjur Alla, jiena għandi bżonnok’. Il-mixja tagħna llum, bejn traxxixa u oħra, bir-riħ, fit-toroq sbieħ u ħelwin tal-kapitali tagħna, trid tkun din ix-xhieda sempliċi, li aħna għandna bżonn nitgħallmu mit-tarbija ta’ Betlehem… Kompli aqra »

Ejjew niftakru f’Betlehem fl-Art Imqaddsa li għaddejja minn tbatija kbira, qerda u mwiet – L-Arċisqof

Messaġġ tal-Arċisqof f'Milied Flimkien

20/12/2023   Il-Belt Valletta

Il-messaġġ tal-Arċisqof Charles Jude Scicluna

Eċċellenza Sur President, Onor. Prim Ministru, Sur Speaker, Onor. Kap tal-Oppożizzjoni, għeżież ħuti Maltin u Għawdxin, aħna u noffru lil xulxin l-awgurju sabiħ tal-Milied it-tajjeb, qegħdin ukoll noffru lil xulxin l-ikbar don tal-paċi u tal-imħabba ta’ Alla.

800 sena ilu ġo raħal ċkejken fl-Italja, Greccio, San Franġisk kellu din l-idea straordinarja li fil-lejl tal-Milied jipprova joħloq l-atmosfera tal-għar ta’ Betlehem… Kompli aqra »

“Aħna xhieda tad-dawl” – L-Arċisqof

Quddiesa fit-tielet Ħadd tal-Avvent

17/12/2023   Il-Knisja Parrokkjali, il-Qrendi

L-omelija tal-Arċisqof Charles Jude Scicluna

Ippermettuli naqsam kelma ta’ inkoraġġiment ma’ Dun Mario Said li llum inħatar ufffiċjalment kappillan ta’ din il-parroċċa fejn ilek erba’ snin taqdi din il-komunità. Dun Mario, nawguralek li tieħu l-ewwel qari mill-Profeta Iżaija bħala l-programm ta’ dan il-ministeru tiegħek li inti qed tgħix hawnhekk.

Aħna s-saċerdoti, imma mhux biss, infakkru lilna nfusna li dak li aħna mhux mertu tagħna imma għaliex l-ispirtu t’Alla huwa fuqna u magħna: “L-ispirtu tal-Mulej fuqi, hu kkonsagrani”… Kompli aqra »

Naħdmu flimkien għall-ġid tal-komunità, naħfru lil xulxin – L-Arċisqof

10/12/2023   Il-Knisja Parrokkjali ta’ San Ġużepp, Il-Kalkara

L-omelija tal-Arċisqof Charles Jude Scicluna

Fil-bidu ta’ din il-quddiesa u dan ir-rit solenni u storiku għal din il-parroċċa għażiża, aħna raxxaxna l-ilma mbierek fuqna nfusna. U fakkarna l-wegħda li għamel Ġwanni l-Battista, fl-Evanġelju li għadna kemm smajna, meta jgħid: Jiena għammidtkom bl-ilma, imma warajja ġej xi ħadd aqwa minni, li jgħammidkom bl-Ispirtu s-Santu. It-traxxix tal-ilma mbierek, lilna l-Insara jfakkarna dejjem fil-Mgħamudija tagħna. 

Illum ukoll raxxaxna dan l-artal bl-ilma mbierek, għax minn hawn u ftit ieħor dan l-artal, bit-talba tal-Knisja, bid-dilka, biż-żejt tal-griżma, se jkun ikkonsagrat lil Alla… Kompli aqra »

Inħejju l-mogħdijiet ta’ qalbna – L-Arċisqof

Quddiesa fit-tieni Ħadd tal-Avvent

10/12/2023   Il-Knisja Parrokkjali tal-Familja Mqaddsa, l-Iklin

L-omelija tal-Arċisqof Charles Jude Scicluna

Bdejna naqraw it-tieni Evanġelju, l-Evanġelju skont San Mark. U San Mark jibda billi jispjegalna xi tfisser il-kelma ‘evanġelju’: “Il-bidu tal-Evanġelju ta’ Ġesù Kristu, l-Iben ta’ Alla” (Mk 1:1).

X’inhu l-għerq ta’ din il-kelma li bil-Grieg tfisser ‘aħbar tajba’ – evangélio? Kienet tintuża meta fil-bliet u rħula kienet tixxandar il-miġja tas-sultan; qed ngħidu eluf ta’ snin ilu, u anke fi żmien Ġesù u qabel, anke qabel iż-żmien il-profeta Iżaija 300 sena qabel Ġesù… Kompli aqra »