L-Aħbarijiet

Live: Quddiesa u Rużarju mill-Kurja tal-Arċisqof – 26 ta’ Ġunju, 9:30am

26/06/2020   Il-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

Live: Quddiesa tal-ordinazzjoni djakonali – 27 ta’ Ġunju, 9:30am

27/06/2020   Il-Knisja Parrokkjali ta' Santa Katerina, iż-Żejtun

Erba’ kandidati ser jiġu ordnati djakni mill-Arċisqof Charles Scicluna nhar is-Sibt, 27 ta’ Ġunju 2020, fid-9:30am. Il-Quddiesa se ssir fil-Knisja Parrokkjali ta’ Sta Katerina, iż-Żejtun, tixxandar live fuq TVM2, Newsbook.mt, u l-YouTube Channel u l-paġna ta’ Facebook tal-Arċidjoċesi ta’ Malta.

L-erba’ kandidati li ser jiġu ordnati djakni huma:

  • Roderick Baldacchino mill-Parroċċa ta’ Santa Katerina, iż-Żejtun
  • Joshua Cortis mill-Parroċċa ta’ San Gejtanu, il-Ħamrun
  • Jean-Claude Schembri mill-Parroċċa ta’ Santa Katerina, iż-Żejtun
  • Mark Scicluna tal-Ordni tal-Aħwa Minuri Kapuċċini

Il-komunità tas-Seminarju u l-komunitajiet reliġjużi qed jistiednu lill-Insara biex jingħaqdu magħhom f’mument ta’ talb li ser jixxandar fuq il-paġna ta’ Facebook tal-Parroċċa tal-Mosta, illum, il-Ħamis, 25 ta’ Ġunju fit-8pm mill-Bażilika tal-Mosta, fejn ser isir talb għas-saċerdoti ġodda u għal iżjed vokazzjonijiet… Kompli aqra »

Il-Papa Franġisku fl-Udjenza Ġenerali: Il-kobor tat-talb jitlaqna f’idejn Alla

24/06/2020   Il-Bibljoteka tal-Palazz Appostoliku, il-Vatikan

Ritratt: Vatican News

Għeżież ħuti, l-għodwa t-tajba!

Fil-mixja tal-katekeżi tagħna fuq it-talb, illum niltaqgħu mas-sultan David. Huwa magħżul minn Alla sa minn żgħożitu għal missjoni unika li kellha rwol ċentrali fl-istorja tal-poplu ta’ Alla u tal-istess fidi tagħna. Fil-Vanġeli, Ġesù jissejjaħ iktar minn darba “bin David”; fil-fatt, bħalu twieled f’Betlehem. Mid-dixxendenza ta’ David, skont il-wegħdiet, joħroġ il-Messija: Sultan għalkollox skont il-qalb ta’ Alla, b’ubbidjenza perfetta lejn il-Missier, li l-għemil tiegħu jwettaq fedelment il-pjan tas-salvazzjoni tiegħu (ara Katekiżmu tal-Knisja Kattolika, 2579)… Kompli aqra »

L-ordinazzjoni ta’ għaxar saċerdoti u erba’ djakni ġodda

24/06/2020

Il-Knisja f’Malta tifraħ u tirringrazzja lil Alla għall-ordinazzjoni ta’ għaxar saċerdoti u erba’ djakni. L-ordinazzjonijiet djakonali u presbiterali mill-Arċisqof Charles Jude Scicluna ser isiru nhar is-Sibt 27 u t-Tnejn 29 ta’ Ġunju 2020, u ser jixxandru fuq TVM2, Knisja.mt u Newsbook.com.mt.

L-ordinazzjoni presbiterali ser issir nhar it-Tnejn, 29 ta’ Ġunju, Solennità ta’ San Pietru u San Pawl, fil-Knisja Parrokkjali ta’ Kristu Re, Raħal il-Ġdid, fis-6:30 p.m… Kompli aqra »

Direttivi għaċ-ċelebrazzjoni tal-festi din is-sena

23/06/2020

L-Arċidjoċesi ta’ Malta qed tippubblika direttivi dwar iċ-ċelebrazzjonijiet tal-festi għal din is-sena. Dawn id-direttivi, li jidħlu fis-seħħ fl-1 ta’ Lulju u japplikaw biss għal din is-sena, jispjegaw b’mod dettaljat dak li kien tħabbar mill-Isqfijiet fiċ-ċirkulari tal-24 ta’ Marzu li għadda u li issa jista’ jiġi attwat. Dawn id-direttivi ġew ippubblikati fuq il-website tal-Arċidjoċesi ta’ Malta knisja.mt. 

Id-direttivi huma bbażati fuq tliet prinċipji: li l-poplu Nisrani jrodd ħajr lil Alla għal dak kollu li għamel magħna, speċjalment f’din is‑sena li kienet karatterizzata minn pandemija; li jissaħħaħ is-sens ta’ għaqda fil-komunitajiet Insara; u li tingħata importanza speċjali lill-prinċipju ta’ solidarjetà billi ssir enfasi aktar mis-soltu fuq l-għajnuna li l-Knisja toffri lill-persuni fil-bżonn… Kompli aqra »

Il-Papa fl-Angelus: M’għandniex għalfejn nibżgħu minn nixfa spiritwali – il-Missier jieħu ħsiebna

21/06/2020   Pjazza San Pietru, il-Vatikan

Għeżież ħuti, il-jum it-tajjeb!

Fl-Evanġelju ta’ dal-Ħadd (cfr Mt 10,26-33) tidwi l-istedina li Ġesù jagħmel lid-dixxipli tiegħu biex ma jibżgħux, biex ikunu qawwijin u mimlijin fiduċja quddiem l-isfidi tal-ħajja, u jwissihom li hemm ħafna kuntrarju jistennihom.  Is-silta tal-lum hi meħuda mid-diskors missjunarju li bih l-Imgħallem iħejji lill-Appostli għall-ewwel esperjenza tat-tħabbir tas-Saltna t’Alla.  Ġesù jħeġġiġhom b’insistenza biex “ma jibżgħux”.  Il-biża’ hi waħda mill-għedewwa l-aktar ħorox tal-ħajja nisranija tagħna.  Ġesù jeżorta: “Tibżgħux”, “tibżgħux”.  U Ġesù jiddeskrivi tlett sitwazzjonijiet konkreti li huma kienu se jħabbtu wiċċhom magħhom… Kompli aqra »

Il-Papa Franġisku jżid tliet invokazzjonijiet ġodda fil-Litanija

20/06/2020

“Mater misericordiæ”, il-Latin għal “Omm tal-ħniena”; “Mater spei”, jew “Omm it-tama”; u “Solacium migrantium”, jew “Faraġ tal-migranti” huma l-invokazzjonijiet ġodda lill-Verġni Mqaddsa Marija fil-Litanija Lawretana, li spiss tingħad fi tmiem ir-Rużarju.  Agħfas hawn għal-Litanija kollha.

Iż-żieda li l-Papa Franġisku għadu kemm għamel lil-Litanija Lawretana ġiet ippromulgata mill-Kongregazzjoni għall-Kult Divin u d-Dixxiplina tas-Sagramenti nhar is-Sibt 20 ta’ Ġunju 2020, fl-istess jum tal-Festa tal-Qalb bla Tebgħa ta’ Marija… Kompli aqra »

Quddiesa għaż-Żgħażagħ – 20 ta’ Ġunju, 7pm

20/06/2020   Il-Kurja tal-Arċisqof, il-Furjana

Qari u kant tal-Quddiesa

Ċelebrant: Fr Brendan Gatt
Animazzjoni: Gianluca Bezzina

Qari I

Il-Mulej ħeles lill-imsejken minn id il-ħżiena.
Ġer 20, 10-13

Qari mill-Ktieb tal-Profeta Ġeremija

F’dak iż-żmien, Ġeremija qal:
Ma nismax ħlief taqsis il-kotra;
biża’ madwari kollu!
“Ixluh! Ħa nixluh!”.
Jgħajtu saħansitra ħbiebi kollha,
ifittxu l-qerda tiegħi: “Għandu mnejn jitqarraq u negħlbuh;
ta’ kollox nitħallsu minnu!”… Kompli aqra »

Live: Quddiesa fis-Solennità tal-Qalb Imqaddsa ta’ Ġesù mill-Bażilika tal-Isla – 19 ta’ Ġunju, 9:30am

19/06/2020   Il-Bażilika ta' Marija Bambina, l-Isla

L-Arċisqof Charles Jude Scicluna jiċċelebra Quddiesa fis-Solennità tal-Qalb ta’ Ġesù mill-Bażilika ta’ Marija Bambina, l-Isla. Il-Quddiesa tixxandar live fuq TVM2 nhar il-Ġimgħa 19 ta’ Ġunju 2020, fid-9:30am.

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd… Kompli aqra »