L-Aħbarijiet

Pellegrinaġġ privat ta’ San Girgor mill-Arċisqof

15/04/2020   Iż-Żejtun

Illum, 15 ta’ April 2020 l-Arċisqof Charles Jude Scicluna għamel b’mod privat il-pellegrinaġġ ta’ San Girgor, mill-Kappella ta’ San Klement fejn għamel mument ta’ talb, sal-Knisja ta’ San Girgor, iż-Żejtun, fejn l-Arċisqof ta wkoll il-barka.

Dan il-pellegrinaġġ is-soltu jsir ta’ kull sena l-Erbgħa fuq l-Għid il-Kbir tal-Mulej u f’ċirkustanzi normali jattendu għadd kbir ta’ nies, fosthom il-Kapitlu tal-Katidral u l-fratellanzi. Il-purċissjoni kienet bdiet issir fl-1543, ftit snin qabel l-Assedju l-Kbir, bħala talba lil Alla biex issaltan il-paċi fost in-nazzjonijiet Ewropej fi żmien ta’ periklu kbir… Kompli aqra »

Papa fil-Udjenza Ġenerali: Dawk li verament iridu l-paċi dejjem ifittxu r-rikonċiljazzjoni

15/04/2020   Il-Vatikan

Għeżież ħuti, l-għodwa t-tajba!

F’dawn il-ġimgħat ta’ tħassib minħabba fil-pandemija li qiegħda ġġagħal lid-dinja tbati tant, fost il-ħafna mistoqsijiet li nagħmlu, jista’ jkun hemm ukoll dawk fuq Alla: X’inhu jagħmel hu quddiem it-tbatija tagħna? Fejn hu meta kollox ikun sejjer ħażin? Għax ma jaqbadx u jsolvilna l-problemi bla dewmien? Dawn huma mistoqsijiet li aħna nagħmlu dwar Alla.

Jista’ jgħinna r-rakkont tal-Passjoni ta’ Ġesù, li jakkumpanjana wkoll f’dawn il-jiem imqaddsa… Kompli aqra »

Il-Papa jagħraf il-kontribut tan-nisa fil-pandemija tal-Covid-19

13/04/2020   Il-Vatikan

Pope Francis during the Regina Caeli message in the library of the Apostolic Palace  (Vatican Media)

In his remarks after the recitation of the Regina Caeli, the Pope reflected on the contribution women are giving today during the coronavirus pandemic.

After reciting the Regina Caeli in the library of the Apostolic Palace on the Monday after Easter, Pope Francis continued reflecting on how women are contributing during the coronavirus crisis… Kompli aqra »

L-Arċisqof ibierek lill-Pajjiż

12/04/2020   Il-Furjana

Illum l-Arċisqof Charles Jude Scicluna ħareġ fuq it-taraġ tal-Kurja tal-Arċisqof, il-Furjana b’Ġesù Ekwaristija biex ibierek lill-pajjiż. Dan seħħ dalgħodu fi tmiem il-Quddiesa tal-Għid tal-Qawmien tal-Mulej mill-Imwiet, 12 ta’ April 2020.

Il-barka

Nitolbuk Mulej tbierek ‘il pajjiżna,
il-morda tagħna u ‘l kull min qed jieħu ħsiebhom,
u lilna tagħtina d-dehen u s-saħħa u l-qalb kbira
biex nagħmlu dak kollu li nistgħu biex din il-burraxka tgħaddi minn fuqna kemm jista’ jkun malajr… Kompli aqra »

Lill-Kurċifiss Tiegħi

Kantiku mill-Arċisqof Charles Jude Scicluna

10/04/2020

Fik nara l-glorja ta’ kull xemx qed titla’,
treġġa’ għall-ħajja l-ħolqien mir-raqda.
Fik nara n-nar ta’ ħġejjeġ ġuf id-dinja:
Demmek bħal-lava – kulma jmiss jinħall!

Idek imsammra ma’ dik l-għuda msewsa
tqattar il-maħfra għal dnubieti fiergħa.
Ġismek imtertaq jgħajjat biss il-ħniena:
Inti tal-għaġeb, u ma titwemminx!

Int bniedem magħsur mid-demm, Bin Alla l-ħaj;
taħfer u tagħder lil min sammrek, sallbek;
U x-xemx dallamt fis b’mewtek u l-blat triegħed! … Kompli aqra »

Vlogg tal-Arċisqof: Messaġġ lis-saċerdoti f’Ħamis ix-Xirka 2020

09/04/2020   Il-Kurja tal-Arċisqof, il-Furjana

Għażiż ħija fis-saċerdozju,

F’Ħamis ix-Xirka mdorrijin niltaqgħu fil-Konkatidral ta’ San Ġwann u flimkien niċċelebraw il-misteru kbir mhux biss tal-Ordinazzjoni tagħna imma tal-vokazzjoni tagħna.

San Ġwann Pawlu II kien jgħid li l-vokazzjoni tagħna hija misteru kbir. Aħna nafu lkoll kemm aħna kemm hu misteru kbir ta’ ħniena u ta’ mħabba minn Alla, li tistedinna biex din l-imħabba li rċevejna, din l-għażla preferenzjali li tibgħatna bħala missjunarji tal-ħniena u tal-imħabba aħna nkunu xhieda tagħha fost il-poplu għażiż tagħna… Kompli aqra »