L-Aħbarijiet

Żewġ taħdidiet dwar il-Ġublew tat-Tama

Organizzati mill-Parroċċa ta' Santa Marija f'Birkirkara

08/01/2025

Ritratt: Ian Noel Pace

Il-Parroċċa ta’ Santa Marija f’Birkirkara se torganizza żewġ taħdidiet informattivi u ispirazzjonali dwar il-Ġublew tat-Tama.

It-taħdidiet se jsiru nhar il-Ġimgħa, 10 u 17 ta’ Jannar, fil-Knisja Parrokkjali ta’ Santa Marija f’Birkirkara, fis-6:30pm. Dawn se jkunu mmexxija minn Dun Sinclair Bugeja u se jiffokaw fuq is-Sena tal-Ġublew kif ukoll fuq il-kunċett tat-tama fil-Bibbja.

Din hija opportunità ideali biex wieħed jirrifletti fuq is-sinifikat profond tat-tama Nisranija u jagħmel esperjenza spiritwali fil-qalb tas-Sena tal-Ġublew… Kompli aqra »

Il-Papa Franġisku jaħtar mara biex tmexxi Dekasteru tal-Vatikan għall-ewwel darba

08/01/2025

Sr. Simona Brambilla (Image: Vatican News)

Għall-ewwel darba fl-istorja tal-Knisja, il-Papa Franġisku ħatar mara li se tkun fit-tmun ta’ Dekasteru fil-Vatikan. Sor Simona Brambilla se tkun qiegħda taqdi l-irwol ta’ Prefett tad-Dekasteru tal-Istituti tal-Ħajja Kkonsagrata u s-Soċjetajiet tal-Ħajja Appostolika flimkien mal-Kardinal Ángel Fernández Artime li se jkun qed jassistiha bħala Pro-Prefett.

Is-soru ta’ 59 sena li hija membru tas-Sorijiet Missjunarji tal-Konsolata u serviet ta’ Superjura Ġenerali tal-istess Kongregazzjoni bejn l-2011 u l-2023, ilha segretarja tad-dipartiment tal-Vatikan għall-ħajja reliġjuża u kkonsagrata minn Ottubru tal-2023… Kompli aqra »

Get-together għall-Kandidati tas-Soċjetà

07/01/2025

Il-kandidati, flimkien mal-kulturi tagħhom, iltaqgħu flimkien fl-iskola St Michael nhar is-Sibt, 4 ta’ Jannar, 2025, għall-get-together li jsir fil-bidu ta’ kull sena. Il-Kandidati stess ippreparaw din l-attività huma stess.

Fl-ewwel parti, fil-kappella tal-iskola, il-Kandidati rriflettew fuq l-imħabba bla tard li Alla għandu lejn il-bnedmin. Din l-imħabba imbagħad trid tiġi riflessa fl-imħabba lejhom infushom, u eventwalment, fl-imħabba fil-prattika lejn l-oħrajn. Wara tqassmu karti b’sentenzi mill-enċiklika Dilexit Nos ta’ Papa Franġisku u fuqha kitbu proponiment li jixtiequ jgħixu matul is-sena li għadha kif bdiet… Kompli aqra »

Festa tal-imħabba ta’ Ġesù – L-Arċisqof

Quddiesa fl-Epifanija tal-Mulej

05/01/2025   Il-Konkatidral ta’ San Ġwann, il-Belt Valletta

L-omelija tal-Arċisqof Charles Jude Scicluna

Għadna kemm smajna x-xandira tad-data tal-Għid, li se jaħbat fl-20 ta’ April li ġej. Din hija tradizzjoni antika ħafna li f’din il-festa tal-Epifanija jitħabbar jum kbir fil-kalendarju tal-qima tal-Knisja, jum Ħadd il-Għid il-Kbir.

Marbuta miegħu hemm il-bidu tar-Randan, il-festa l-kbira tal-Għid il-Ħamsin, ħamsin jum wara l-Għid, u festi oħra kbar marbutin magħhom. Imma fuq kollox hemm ukoll it-tħabbira li kull nhar ta’ Ħadd, aħna qed niċċelebraw il-Misteru tal-Mewt u l-Qawmien ta’ Ġesù mill-imwiet, wara kollox kif nagħmlu f’kull quddiesa li niċċelebraw… Kompli aqra »

Is-Slaten Maġi jżuru d-Dar tal-Providenza fi triqithom lejn Bethlehem f’Għajnsielem

05/01/2025

Is-Sibt, 4 ta’ Jannar, it-tliet Slaten Maġi li jinsabu fi triqithom lejn il-villaġġ ta’ Bethlehem f’Għajnsielem, żaru lir-residenti tad-Dar tal-Providenza, is-Siġġiewi. Ir-residenti kellhom ukoll iċ-ċans jippużaw għal ritratt mal-Maġi fil-kappella. Huma żaru wkoll lill-President ta’ Malta fil-Palazz ta’ San Anton, lir-residenti fil-Faċilità Korrettiva ta’ Kordin kif ukoll il-Parroċċi ta’ San Ġorġ u San Bastjan f’Ħal Qormi.

Is-Sur Franco Ciangura, f’isem il-kumitat organizzattiv ta’ Bethlehem f’Għajnsielem, ippreżenta tifkira lil Dun Martin Micallef, Direttur tad-Dar tal-Providenza, filwaqt li s-Sindku ta’ Għajnsielem, is-Sur Kevin Cauchi, ippreżenta donazzjoni lid-Dar… Kompli aqra »

Intom tajtu sinjal ta’ mħabba lil xulxin – L-Arċisqof

Quddiesa għall-koppji li żżewġu fl-2024

04/01/2025   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

“Qum! Ħa jiddi wiċċek! Id-dawl tiegħek wasal! Jiddi fuqek sebħ il-Mulej!” (Iż 60:1). Din il-festa tal-Epifanija hi wieħed mill-mumenti importanti fil-festi tal-Milied, li jikkonkludu bil-festa tal-magħmudija tal-Mulej. Imma hi festa ta’ dawl. Il-Mulej jiddi bħala dawl mhux biss fil-ħolqien fis-sinjal tal-kewkba; imma jiġi preżentat lilna lkoll il-ġnus, bħala dawl ta’ ħajjitna. Il-profeta Iżaija, meta jitkellem fuq id-dawl, qed jitkellem fuq l-esperjenza tal-imħabba ta’ Alla u tal-ħniena tiegħu.   

“Qum! … Kompli aqra »

Stedina għall-koppji li żżewġu s-sena li għaddiet u dawk li se jiżżewġu dis-sena

03/01/2025

Il‑Moviment ta’ Kana qed jistieden lill‑koppji li żżewġu matul is-sena li għaddiet u l‑koppji li se jiżżewġu fl-2025 għaċ-ċelebrazzjoni tal‑quddiesa.

Il‑quddiesa għall-koppji li ngħaqdu fis-sagrament taż-żwieġ is-sena li għaddiet se titmexxa mill-Arċisqof Charles Scicluna u se ssir għada s‑Sibt, 4 ta’ Jannar 2025, fil‑Konkatidral ta’ San Ġwann, il‑Belt Valletta, fis‑5:45pm.

Il‑quddiesa għall‑għarajjes li se jiżżewġu dis‑sena se ssir mill-Isqof Awżiljarju Joseph Galea-Curmi, nhar is‑Sibt, 11 ta’ Jannar 2025, fil‑Konkatidral ta’ San Ġwann, il‑Belt Valletta, fis‑5:45pm… Kompli aqra »

Festa ta’ Ġenerożità b’ġabra ta’ €1,540,278 b’risq id-Dar tal-Providenza

03/01/2025

Għall-poplu ta’ Malta u Għawdex l-ewwel jum tas-sena reġa’ kien turija ta’ ġenerożità lejn id-Dar tal-Providenza, espressjoni ta’ solidarjetà li waslet biex tinġabar is-somma ta’ €1,540,278 waqt il-Festa ta’ Ġenerożità.

Din il-maratona hija wkoll il-bidu ta’ sena speċjali għad-Dar għax se tfakkar is-60 anniversarju tat-twaqqif tagħha. Matul dawn is-snin kollha d-Dar tal-Providenza offriet residenza permanenti lil 270 persuna b’diżabilità kif ukoll lil ħafna oħra li kellhom bżonn servizzi ta’ respite… Kompli aqra »

Il-Papa: Jalla l-2025 tkun sena ta’ paċi vera, li ma teħilx tfettaq fuq id-dettalji tal-kuntratti jew il-kompromessi umani

Messaġġ tal-Papa Franġisku għat-58 Jum Dinji tal-Paċi

01/01/2025

Aħfrilna dnubietna, agħtina l-paċi tiegħek

I. Nisimgħu l-għajta tal-umanità mhedda

1. Fiż-żerniq ta’ din is-sena l-ġdida mogħtija lilna b’rigal mill-Missier Ċelesti, żmien ta’ Ġublew iddedikat lit-tama, nagħti l-awguri l-aktar sinċieri tiegħi ta’ paċi lil kull raġel u mara, partikolarment min hu mgħakkes minħabba l-kundizzjoni eżistenzjali tiegħu, ikkundannat minħabba l-iżbalji tiegħu, mgħaffeġ taħt il-ġudizzju tal-oħrajn u min ma jirnexxilux jara ebda prospettiva f’ħajtu. Lilkom ilkoll tama u paċi għax din hi Sena ta’ Grazzja ġejja mill-Qalb tar-Redentur! … Kompli aqra »

Djoċesijiet madwar id-dinja jiċċelebraw il-ftuħ tal-Ġublew

01/01/2025

Bishops worldwide celebrated the opening of the 2025 Jubilee Year on December 29 with Masses in their cathedrals and co-cathedrals focused on hope, the central theme of the Holy Year which Pope Francis inaugurated on Christmas Eve with the solemn opening of the Holy Door of St Peter’s Basilica.

Holy Land

In the Holy Land Cardinal Pierbattista Pizzaballa presided over the celebratory Mass for his diocese  at the  Basilica of the Annunciation in Nazareth… Kompli aqra »