Stqarrijiet għall-Istampa

Titwaqqaf il-Fondazzjoni tal-Akkomodazzjoni Affordabbli bejn il-Knisja u l-Gvern

Il-Knisja toffri proprjetà oħra għall-ħtiġijiet tas-soċjetà

14/01/2022

L‑Arċidjoċesi ta’ Malta u l‑Gvern Malti ffirmaw ftehim għat‑twaqqif tal‑ewwel Fondazzjoni tal‑Akkomodazzjoni Affordabbli. Permezz ta’ dan il‑ftehim il‑Knisja u l‑Gvern se jaħdmu flimkien biex tiġi offruta akkomodazzjoni soċjali għal nies bi dħul baxx u medju. Inizjalment din l‑akkomodazzjoni se tiġi offruta b’kiri, b’rati inqas minn tas‑suq.

Il‑ftehim, li ġie ppresedut mill‑Arċisqof Charles Jude Scicluna u mill‑Prim Ministru Robert Abela, ġie ffirmat mis‑Segretarju Amministrattiv tal‑Arċidjoċesi ta’ Malta, Michael Pace Ross, u minn Grazio Barbara, Direttur Ġenerali tad‑Dipartiment tas‑Sigurtà Soċjali.

L‑Arċidjoċesi se tgħaddi lill‑fondazzjoni l‑Kunvent ta’ Santa Giovanna t’Ark li jinsab fiċ‑ċentru ta’ Ħal Kirkop, b’ċens temporanju ta’ 25 sena… Kompli aqra »

L-Arċisqof bi twissija formali lil Dun David Muscat

06/01/2022

L‑Arċisqof Charles Scicluna ħareġ twissija formali lil Dun David Muscat, li fil‑Liġi Kanonika hi msejħa preċett penali, u tah struzzjonijiet biex fil‑fora pubbliċi ma jibqax jagħmel kummenti li jinsulentaw u jweġġgħu, inkella jitwaqqaf milli jeżerċita l‑ministeru saċerdotali fil‑pubbliku.

L‑Arċisqof qal lil Dun David Muscat biex ineħħi post fuq Facebook, fejn is‑saċerdot sostna li tkun gay huwa agħar milli tkun ippossedut, u biex ma jużax lingwaġġ insulenti jew li jweġġa’ kontra kwalunkwe grupp jew individwu… Kompli aqra »

“Nitlobkom maħfra” – L-Arċisqof

06/01/2022 Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Arċisqof Charles Jude Scicluna

Tolqotni ħafna l-aħħar espressjoni ta’ dan l-Evanġelju sabiħ li fih Ġesu jħabbar il-programm tiegħu. “Ilkoll laqgħu kliemu u stagħġbu għall-kliem mimli ħlewwa li kien ħiereġ minn fommu” (Lq 4:22). L-istil ta’ Ġesu, kif iħobb jinsisti ħafna anke l-Papa Franġisku, mhuwiex l-istil ta’ min iwaddab il-ġebel. Il-kelma ħelwa ta’ Ġesu taf twiddeb u twissi imma qatt mhija nieqsa mill-imħabba.

Dawn l-aħħar sigħat ħafna kkuntattjawni biex juru d-dispjaċir tagħhom, ir-rabja, id-diżgust għall-kliem li s-saċerdot minn tagħna qal fuq ħutna l-gays… Kompli aqra »

Għasel ta’ ħlewwa u ħniena ssawwab fuq id-dinja

Il-messaġġ tal-Milied mill-Arċisqof Charles Jude Scicluna

24/12/2021

Il-messaġġ tal-Arċisqof Charles Jude Scicluna

Huwa ta’ pjaċir kbir għalija li f’dan il‑lejl qaddis tal‑Milied noffrilkom l‑isbaħ xewqat tiegħi. Kemm hi ħaġa sabiħa li nifhmu eżattament x’aħna ngħidu meta nsellmu lil xulxin f’dawn il‑jiem qaddisa: ‘il‑Milied it‑Tajjeb!’ Qed infakkru t‑twelid ta’ tarbija, qed infakkru t‑twelid ta’ Alla li sar bniedem, għalija u għalik.

Meta aħna fid‑djar tagħna, fil‑pjazez tagħna u fil‑knejjes tagħna narmaw il‑presepji, il‑maxtura, aħna nkunu qed nagħmlu att ta’ fidi li dik it‑tarbija fix‑xbieha ħelwa hija Alla mħabba magħmul bniedem… Kompli aqra »

Il-Knisja toffri għajnuna lill-migranti maqbuda fuq il-baħar

23/12/2021

Ritratt ta’ Fiona Alihosi (Sea-Eye)

Il‑Knisja f’Malta permezz tal‑Kummissjoni Migranti, il‑Kummissjoni Ġustizzja u Paċi u l‑JRS tappella lill‑awtoritajiet biex jieħdu azzjoni immedjata u jassiguraw li l‑persuni li qed ifittxu l‑ażil, li bħalissa jinsabu maqbuda bejn sema u ilma, jingħataw kenn u jiġu salvati.

Il‑ġimgħa li għaddiet ’il fuq minn 220 tfal, nisa u rġiel ġew salvati minn Sea Eye miż‑żona ta’ tfixxija u salvataġġ Maltija għadhom maqbuda bejn sema u ilma, f’kundizzjonijiet ta’ temp li qed jiggravaw, wara li Malta rrifjutat li tagħti aċċess fil‑portijiet tagħha… Kompli aqra »

Funzjonijiet reliġjużi mill-Arċisqof fi żmien il-Milied u l-bidu tas-sena l-ġdida

15/12/2021

Il‑funzjonijiet reliġjużi li se jmexxi l‑Arċisqof Charles Jude Scicluna fl‑okkażjoni tal‑Milied jibdew filgħaxija f’lejlet il‑Milied. Dawn il‑funzjonijiet huma miftuħin għall‑pubbliku skont il‑miżuri għall‑ħarsien tas‑saħħa b’rabta mal‑pandemija COVID‑19.

Il‑Ġimgħa 24 ta’ Diċembru, lejlet il‑Milied, fil‑10:45 p.m., fil‑Katidral ta’ San Pawl fl‑Imdina, jibda l‑Uffiċċju tal‑Qari u kant tal‑għanjiet tal‑Milied, u ssir l‑prietka tat‑tifel. F’nofsillejl, Monsinjur Arċisqof jiċċelebra quddiesa fis‑Solennità tat‑Twelid ta’ Sidna Ġesù Kristu. Din tixxandar fuq TVM, Knisja.mt u Newsbook.com.mt… Kompli aqra »

L-Arċidjoċesi ma setgħetx tkun taf bid-deċiżjoni tal-2019 tar-Reġistru tal-Artijiet li affettwat it-titlu legali ta’ artijiet f’Għawdex

13/12/2021

L-Arċidjoċesi ta’ Malta tixtieq tiċċara li ma setgħetx tkun taf minn qabel, wisq aktar ikollha kontroll fuq, deċiżjoni tal-Aġenzija tar-Reġistru tal-Artijiet meħuda fl-2019, li wasslet biex jiġu rreġistrati artijiet f’Għawdex bil-konsegwenza li numru ta’ residenti huma inċerti dwar it-titlu legali ta’ darhom.

Dan l-iżvilupp mhux mistenni min-naħa tar-Reġistru tal-Artijiet seħħ sentejn wara li ntlaħaq ftehim (legal settlement) bejn l-Arċidjoċesi ta’ Malta u l-eredi tal-fundatriċi tal-Abbazia San Antonio Delli Navarra, li kienet ilha tamministra l-art sa mill-1675… Kompli aqra »

Aktar korsijiet offruti mill-Istitut ta’ Formazzjoni Pastorali

03/12/2021

Minn Jannar li ġej, l‑Istitut ta’ Formazzjoni Pastorali se joffri l‑kors ‘Art and Faith: The Way of Beauty’ bl‑għan tal‑kors hu li jgħin lill‑istudent japprezza, jevalwa u jidħol fid‑dettall tax‑xogħol artistiku u fuq kollox, iħajru jħares lejn l‑arti mill‑istess lenti tal‑artist li għamilha u jipprova jifhem kif fiha jista’ jara wkoll is‑sbuħija ta’ Alla.

Dan il‑kors hu mmirat għal dawk iż‑żgħażagħ u l‑adulti li tinteressahom l‑arti bħala mezz biex jirriflettu, jitolbu u jiddjalogaw mal-oħrajn fuq is‑sbuħija u l‑messaġġ ta’ diversi opri tal‑arti… Kompli aqra »

Ippubblikat ‘Annetto Depasquale – Wirt għażiż tal-Knisja f’Malta’

Ġabra ta' rakkonti, ritratti u kitbiet fl-10 sena mill-mewt tiegħu

02/12/2021 Il-Kurja tal-Arċisqof, il-Furjana

Il‑ktieb Annetto Depasquale – Wirt Għażiż tal‑Knisja f’Malta tnieda fl‑10 anniversarju mir‑ritorn tal‑Isqof Annetto Depasquale fid‑Dar tal‑Missier. It‑tnedija saret waqt serata kommemorattiva fil‑Kurja tal‑Arċisqof, il‑Furjana, ippreseduta mill‑Arċisqof Charles Jude Scicluna fil‑preżenza tal‑Isqof Awżiljarju Joseph Galea‑Curmi, u għadd ta’ qraba, saċerdoti u eks kollegi tal‑Isqof Depasquale. Qabel it-tnedija tal-ktieb, l‑Arċisqof Scicluna ċċelebra quddiesa fil‑Kurja stess, b’suffraġju għal ruħ l‑Isqof Depasquale li miet fid-29 ta’ Novembru 2011… Kompli aqra »

Dibattitu parlamentari mgħaġġel li ħoloq qafas regolatorju dgħajjef ħafna

Il-membri parlamentari tal-Gvern għandhom ikollhom vot ħieles fuq il-liġi tal-kannabis

01/12/2021

Caritas Malta, Fondazzjoni OASI, is‑Segretarjat għall‑Edukazzjoni Nisranija u l‑Assoċjazzjoni tal‑Iskejjel tal‑Knisja jesprimu d‑diżappunt qawwi tagħhom għall‑attitudni li wriet in‑naħa tal‑Gvern waqt id‑diskussjoni tal‑bieraħ fi stadju ta’ kumitat dwar il‑liġi il‑ġdida tal‑kannabis.

Minkejja bosta emendi raġonevoli u bilanċjati proposti mill‑organizzazzjonijiet, in‑naħa tal‑Gvern irrifjutat li tikkunsidra dawn is‑suġġerimenti u baqgħet tinsisti li tgħaddi qafas regolatorju dgħajjef ħafna li jirriskja li jħalli impatt negattiv kbir fuq is‑soċjetà tagħna, speċjalment fost it‑tfal, iż‑żgħażagħ u l‑aktar nies vulnerabbli… Kompli aqra »