Aħbarijiet mill-Knisja f'Malta
Għeżież,
Aħna nies li nħobbu d‑dar. Dan bir‑raġun, għax bejn dawk l‑erba’ ħitan tad‑djar tagħna jintisġu stejjer meraviljużi: stejjer ta’ familji li fihom l‑għaxqa, stejjer ta’ ġenerożità kbira; stejjer li ma jitwemmnux meta tara ġenituri ssagrifikati għal uliedhom, speċjalment fejn ikun hemm xi wild bi ħtiġijiet speċjali; stejjer erojċi, bħal fejn hemm mard serju…
L-Arċisqof Charles J. Scicluna ħatar lil Nadia Delicata bħala Delegat Episkopali għall-Evanġelizzazzjoni.
Dr Delicata hija senior lecturer fil-Fakultà tat-Teoloġija tal-Università ta’ Malta u ilha tgħallem fid-Dipartiment tal-Morali u t-Teoloġija Spiritwali mill-2012. Bejn l-2001 u l-2011 kompliet l-istudju fit-Teoloġija f’Regis College, f’Toronto School of Theology fl-Università ta’ Toronto. Hija miżżewġa lil Brian Delicata u għandhom tlett itfal…
It-Tnejn 4 ta’ Marzu 2019, fil‑7:00 p.m., l‑Arċisqof Charles J. Scicluna jagħti l‑Ministeru tal‑Lettorat lil tliet seminaristi, fis‑Seminarju tal‑Arċisqof, Tal‑Virtù.
L-Erbgħa 6 ta’ Marzu, Ras ir-Randan, fis‑6:30 p.m., Monsinjur Arċisqof jiċċelebra
l-Quddiesa tal-Erbgħa tal-Irmied, fil-Konkatidral ta’ San Ġwann, il-Belt Valletta. Il‑Quddiesa ser tixxandar live fuq il‑Youtube Channel tal‑Knisja f’Malta.
Il-Ġimgħa 8 ta’ Marzu, fil-12:15 p.m., Monsinjur Arċisqof jiċċelebra Quddiesa waqt l‑irtir tar‑Randan għall‑impjegati tal‑Kurja, il‑Caritas u t‑Tribunal Ekkleżjastiku, fid-dar tal-irtiri Porziuncola, Baħar iċ-Ċagħaq…
L‑Arċisqof Charles J. Scicluna ħatar lil Dun Josef Mifsud bħala l‑Arċipriet tal‑parroċċa ta’ San Nikola, is‑Siġġiewi.
Dun Josef Mifsud twieled fil‑15 ta’ Mejju 1981 u trabba s‑Siġġiewi fejn irċieva l‑ewwel edukazzjoni tiegħu fl-iskola primarja tas-Siġġewi. Huwa kiseb l-edukazzjoni sekondarja fis‑Seminarju Minuri tal-Arċisqof, Tal-Virtù, ir-Rabat, u kompla l-istudji terzjarji fil-Fakultà tat-Teoloġija (Filosofija u Teoloġija) fl-Università ta’ Malta…
The Interdiocesan Environment Commission is holding a public lecture on the rights, freedoms and responsibilities towards the environment in the light of Pope Francis’ encyclical on ecology, Laudato Si’.
Prof. José Carlos De Miranda, from the Catholic University of Portugal and the University of Lisbon – Centre of Philosophy, will discuss the theme: “Owners or Guardians? Moral and Ecological Significance of Laudato Si’”…
Il‑Kummissjoni Interdjoċesana Ambjent (KA) ma tistax tifhem kif f’daqqa waħda hemm min huwa allarmat li l‑pajjiż qed jiffaċċja kriżi ta’ fejn għandu jintrema l‑iskart tal‑kostruzzjoni. Dak li ilu ovvju għal min iħares fil‑futur, ma tantx jidher li kien ovvju għal min jiġġenera dan l‑iskart u għall‑awtoritajiet li misshom ilhom jippjanaw biex din il‑kwistjoni ma tikbirx għall‑istat li qiegħda fih illum…
In‑numru ta’ żwiġijiet bil‑Knisja fis‑sena 2018 kien ta’ 1,192. Din iċ‑ċifra tinkludi 62 żwieġ f’Malta li ġie konvalidat u li ma jiġux inklużi fit‑total ta’ żwiġijiet bil‑Knisja mogħtija fil‑Parlament. Żwieġ konvalidat ifisser żwieġ ta’ koppji li kienu żżewġu ċivilment biss u li aktar tard għażlu li jiżżewġu wkoll bil‑Knisja. Dan it‑total ma jinkludix iż‑żwiġijiet bil‑Knisja li saru f’Għawdex.
It‑total ta’ żwiġijiet bil‑Knisja bejn koppji barranin kien ta’ 73 koppja…
Twaqqaf uffiċjalment fond għal solidarjetà volontarja (Voluntary Solidarity Fund ‑ VSF) bl‑Arċidjoċesi ta’ Malta tkun l‑ewwel kontributur biex din l‑inizjattiva tibda titħaddem. L‑għan ta’ dan il‑fond, li twaqqaf wara ħidma li saret fi ħdan il‑Fondazzjoni Pontifiċja Centesimus Annus, hu li jgħin lil dawk il‑persuni li qegħdin f’riskju li jaqgħu lura biex jegħlbu l‑isfidi tagħhom billi jsiru iktar produttivi. Dan jista’ jsir ukoll b’sostenn mogħti mill‑VSF lil dawk li jixtiequ jibdew in‑negozju tagħhom iżda m’għandhomx il‑kapital u r‑riżorsi inizjali…
Il-Konkatidral ta’ San Ġwann, il-Belt Valletta
3 ta’ Frar 2019
Ftit ġranet ilu, l‑attenzjoni ta’ ħafna nies fl‑Ewropa kienet mitfugħa fuq il‑ġrajja ta’ qsim il‑qalb fi Spanja fejn tifel żgħir, Julen Rosello, spiċċa waqa’ f’ħofra dejqa u fonda…
Beda x‑xogħol ta’ restawr u konservazzjoni ta’ diversi proġetti fi 15‑il parroċċa f’Malta, b’investiment kapitali ta’ €2.2 miljun b’kofinanzjament ta’ 80% minn fondi tal‑Unjoni Ewropea. Dan tħabbar waqt konferenza tal‑aħbarijiet li saret illum quddiem il‑Knisja Parrokkjali tan‑Naxxar, indirizzata mis‑Segretarju Amministrattiv tal‑Arċidjoċesi ta’ Malta s‑Sur Michael Pace Ross, u mis‑Segretarju Parlamentari għall‑Fondi Ewropej u d‑Djalogu Soċjali l‑Onor. Aaron Farrugia…
