• L-Arċidjoċesi ta’ Malta ħatret lis-Surmast Christopher Muscat bħala l-Maestro di Cappella tal-Katidral Metropolitan. L-irwol tal-Maestro di Cappella hu li jipprepara u jidderieġi l-mużika u l-kor fiċ-ċelebrazzjonijiet liturġiċi fil-Katidral ta’ San Pawl, l-Imdina, u fil-Konkatidral ta’ San Ġwann, il-Belt Valletta, kif ukoll jippromwovi l-mużika liturġika fl-Arċidjoċesi ta’ Malta.

  Is-Surmast Christopher Muscat, li hu kompożitur u direttur, ilu involut fil-mużika sagra sa mill-età ta’ 10 snin meta kien membru tal-kor tal-Konkatidral ta’ San Ġwann…

Il-Kummissjoni Interdjoċesana Ambjent (KA) stiednet mill-ġdid lill-Gvern biex iniedi studju nazzjonali dwar il-proprjetà. Il-Kummissjoni għamlet dan l-appell f’ittra mibgħuta lill-Ministru tal-Finanzi Edward Scicluna, fejn talbet li din il-proposta tiġi kkunsidrata fil-Baġit għas-sena d-dieħla. Din hija t-tielet sena konsekuttiva li l-KA qed tagħmel din it-talba lill-Gvern.

Il-kummissjoni tqis li l-ħtieġa għal dan l-istudju hija urġenti hekk kif is-sitwazzjoni tal-proprjetà saret iktar serja mill-aspett soċjo-ambjentali…

Id‑deċiżjoni tal‑Isqfijiet Maltin li jipprojbixxu saċerdot milli jkompli jeżerċita l‑ministeru tas‑saċerdozju, minkejja d‑deċiżjoni tal‑Qorti tal‑Appell, turi li l‑Knisja timxi bi kriterji speċifiċi u aktar stretti minħabba r‑responsabbiltà li l‑liġi tal‑Knisja tpoġġi fuq kull membru tal‑kleru. Dan qalu l‑Kap tas‑Safeguarding Commission, Andrew Azzopardi, waqt il‑preżentazzjoni tar‑rapport annwali tal‑kummissjoni tal‑Knisja responsabbli mill‑ħarsien tat‑tfal u l‑adulti vulnerabbli.

Andrew Azzopardi qal li din l‑istess responsabbiltà u ħtieġa ta’ azzjoni aktar immedjata kienet wasslet lill‑Isqfijiet Maltin u lill‑ordnijiet reliġjużi biex fl‑2015 iwaqqfu s‑Safeguarding Commission – grupp ta’ professjonisti minn oqsma differenti li jaħdmu b’mod awtonomu u jagħtu rakkomandazzjonijiet li jikkonċernaw allegazzjonijiet ta’ abbuż fil‑Knisja…

• 
  

  L‑Arċisqof Charles J. Scicluna ħatar lil Patri Renald Lofreda O.Carm bħala kappillan tal‑parroċċa tal‑Madonna tal‑Karmnu, il‑Balluta.

  Patri Renald Lofreda twieled fid‑9 ta’ Settembru 1978 u għadda ħafna mit‑tfulija tiegħu fil‑parroċċa ta’ Santa Venera fejn sar jaf lill‑patrijiet tal‑Ordni Karmelitan. Huwa daħal mal‑Karmelitani fl‑1996 u għamel in‑novizzjat f’Pisa, l‑Italja, bejn Awwissu tal‑1998 u Settembru tal‑1999…

L‑Arċidjoċesi ta’ Malta u l‑Malta Food Bank Foundation iffirmaw ftehim uffiċjali għat‑twaqqif tal‑ewwel food bank tax‑xorta tiegħu f’Malta. Dan is‑servizz li ser jitmexxa mill‑Malta Food Bank Foundation (MFBF) huwa intenzjonat li jiġbor ikel żejjed sabiex jitqassam lill‑għaqdiet mhux governattivi li jgħinu lill‑persuni foqra u dawk f’riskju ta’ faqar. 

Il‑proprjetà tal‑Knisja li ngħatat lill‑MFBF għal żmien definit tinsab fil‑Ħamrun maġenb il‑knisja tal‑Kunċizzjoni u kienet tintuża minn Dar Fra Diegu bħala maħżen tal‑ikel…

Wara proġett ta’ restawr u konservazzjoni, il‑pittura tal‑Isqof Pawlu Alpheran de Bussan tal‑artist Francesco Zahra tinsab lura fil‑Palazz tal‑Arċisqof, il‑Belt Valletta. Il‑kwadru, li reġa’ sab postu fis‑Sala tat‑Tron, jista’ jiġi apprezzat mill‑pubbliku nhar is‑Sibt li ġej, 6 ta’ Ottubru, waqt is‑serata tan‑Notte Bianca.

L‑istudji u x‑xogħol ta’ restawr u konservazzjoni saru bejn Awwissu u Diċembru 2017 mid‑ditta Atelier del Restauro, taħt it‑tmexxija ta’ Valentina Lupo u Maria Grazia Zenzani…

L‑Arċisqof Charles J. Scicluna waqqaf il‑Kummissjoni Dottrinali fi ħdan il‑Konferenza Episkopali Maltija, u ħatar lil Mons. Hector Scerri bħala president ta’ din il‑kummissjoni għal perjodu ta’ tliet snin.

Il‑Kummissjoni Dottrinali ser tagħti l‑kontribut tagħha f’dak li għandu x’jaqsam ma’ kwistjonijiet marbuta mal‑fidi u l‑moralità Nisranija, u twassal ir‑riflessjoni tagħha lill‑Isqfijiet. Bil‑pariri tagħha, il‑Kummissjoni Dottrinali ser tgħin ukoll lill‑Konferenza Episkopali fit‑tħejjija ta’ dokumenti li jgħinu lill‑poplu f’Malta u Għawdex fuq diversi aspetti tal‑fidi Nisranija…