Għada t-Tlieta, 7 ta’ Novembru 2023, l-Arċisqof Charles Scicluna se jmexxi quddiesa b’suffraġju għall-isqfijiet, saċerdoti u reliġjużi nisa u rġiel, b’mod speċjali dawk li mietu minn Novembru tas-sena li għaddiet sal-lum.
Il-quddiesa se ssir fil-Katidral ta’ San Pawl fl-Imdina u tibda fis-6pm. Wara l-Arċisqof ibierek l-oqbra tal-Katidral.
L-Insara huma mħeġġa jattendu għal din il-quddiesa.