Yearly Archives: 2009

IL-PRESIDENT TAL-KAZAKHSTAN IŻUR LILL-PAPA

09/11/2009

Il-Papa Benedittu XVI u l-President tal-Kazakhstan qablu li dan hu pajjiż li jgawdi koeżistenza paċifika minn għadd ta’ fidili minn reliġjonijiet differenti. Dan ħareġ fi żjara li Nursultan Nazarbayev għamel lill-Papa fil-Vatikan, fejn huwa ltaqa’ wkoll mas-Segretarju tal-Istat, il-Kardinal Tarcisio Bertone u mas-Segretarju tal-Vatikan għar-Relazzjonijiet bejn il-pajjiżi differenti, l-Arċisqof Dominique Mamberti.

Komunikat maħruġ mill-Vatikan irrapporta li “l-attenzjoni daret fuq kwistjonijiet li jirrigwardaw l-kriżi ekonomika, fid-dawl tal-enċiklika Caritas in Veritate, għal kwistjonijiet ta’ djalogu inter-reliġjuż u l-promozzjoni tal-paċi, u dan kollu lejliet il-Presidenza tal-Kazakhstan tal-organizzazzjoni għas-sigurta u l-koperazzjoni fl-Ewropa”… Kompli aqra »

ORDNATI SEBA’ DJAKNI ĠODDA

09/11/2009

Il-Ħadd, 8 ta’ Novembru 2009, l-Arċisqof Pawlu Cremona OP iċċelebra Quddiesa li fiha sitt seminaristi u reliġjuż mill-Ordni Agostinjan ġew ordnati Djakni, fil-Knisja Parrokkjali ta’ Kristu Re, Raħal il-Ġdid. Id-djakni huma Fr. Deo Debono OSA, Fr. Stefan Galea, Fr. Mark Ellul, Fr. Emmanuel Schembri, Fr. Blake Camilleri, Fr. Marc André Camilleri, Fr. Noel Borg.

Agħfas fuq ir-ritratt biex tkabbar… Kompli aqra »

ŻJARA PASTORALI FIŻ-ŻEJTUN

09/11/2009

Is-Sibt, 7 ta’ Novembru 2009, l-Arċisqof Pawlu Cremona OP iċċelebra Quddiesa fil-ftuħ taż-żjara pastorali fiż-Żejtun. Fl-omelija tiegħu l-Arċisqof spjega kif kollox jibda mill-imħabba t’Alla għal bniedem, u li permezz tal-Knisja nistgħu nifhmu din l-imħabba u insiru nafu lil Kristu. L-Arċisqof qal li bl-istess mod li rċevejna dan il-wirt, huwa dmir tagħna bħala knisja li ngħixu u nħabbru din l-aħbar tal-imħabba t’Alla… Kompli aqra »

IRLANDA: ITTRA TAL-ISQFIJIET DWAR IL-PROTEZZJONI TAL-AMBJENT

08/11/2009

“Fl-aħħar ftit snin, l-isforzi tagħna li nsalvaw l-art li ngħixu fuqha ma ħallietx wisq frott. Għal din ir-raġuni hu importanti li l-Knisja tgħallem lil kulħadd kif jikkontribwixxi għall-protezzjoni tal-ambjent”, qal l-Arċisqof tad-djoċesi ta’ Cashel & Emly, Mons Dermot Clifford, kif ħabbar l-ittra pastorali tal-Isqfijiet Irlandiżi dwar l-ambjent.

Id-dokument intitolat “The cry of the earth” – “Il-bikja tal-art” għandu jkun ippublikat t-Tlieta 10 ta’ Novembru u se jkun aċċessibbli fil-parroċċi bl-Ingliż, bl-Irlandiż u bil-Pollakk, akkumpanjat b’riflessjoni fuq l-istess suġġett f’format ta’ DVD… Kompli aqra »

JUM IT-TIFKIRA 2009

08/11/2009

DISKORS TAL-ARĊISQOF WAQT IL-PONTIFIKAL TA’ JUM IT-TIFKIRA – 8 ta’ Novembru, 2009

Eċċellenza President ta’ Malta u Sinjura Abela,

Ħuti,

Aħna llum ġejna hawnhekk bħala komunita’ nisranija biex niċċelebraw lill-Mulej Ġesu’ f’offerta li hu għamel lil Alla l-Missier minn fuq is-Salib: “F’idejk, Missier, jien nerħi ruħi” (Lq 23,46). Illum f’att ta’ mħabba u rikonoxximent qegħdin infakkru t-tbatija u l-mewt tiegħu fid-dawl ta’ dawk kollha li b’sagrifiċċju ta’ ħajjithom, mietu fiż-żewġ Gwerer Dinjin… Kompli aqra »

9 – 15 ta’ Novembru

08/11/2009

It-Tnejn

9.30 a.m. L-Arċisqof jippresiedi laqgħa tal-uffiċjali prinċipali tal-Kurja.

4.30 p.m. L-Arċisqof iżur iċ-ċentru tal-Katekizmu fiż-żona tal-Ħniena taż-Żejtun bħala parti miż-żjara pastorali f’din il-lokalita’.

5.30 p.m. L-Arċisqof iżur il-fergħa tal-MUSEUM tal-bniet taż-Żejtun.

6.30 p.m. L-Arċisqof iżur il-fergħa tal-MUSEUM tas-subien taż-Żejtun.

7.30 p.m. L-Arċisqof jiltaqa’ mal-Kunsill Pastorali Parrokkjali, Kummissjoni Implimentazzjoni Sinodu u Kunsill Ekonomiku Parrokkjali.

It-Tlieta

9.00 a.m… Kompli aqra »

PROGRAMM TAŻ-ŻJARA PASTORALI FIL-PARROĊĊA TAŻ-ŻEJTUN

06/11/2009

7 – 22 ta’ Novembru 2009

Is-Sibt, 7 ta’ Novembru

5.15 p.m. L-Arċisqof jiċċelebra Quddiesa fil-Knisja Parrokkjali taż-Żejtun u wara jiltaqa’ man-nies.

7.30 p.m. L-Arċisqof jiltaqa’ mal-membri tas-Soċjeta Ċivili fis-Sala Parrokkjali.

It-Tnejn, 9 ta’ Novembru

4.30 p.m. L-Arċisqof jiltaqa’ mat-tfal li jattendu il-Katekizmu fiċ-Ċentru tat-Tagħlim Nisrani Madonna tal-Ħniena.

5.30 p.m. L-Arċisqof jiltaqa’ mal-bniet li jattendu il-Katekizmu fil-fergħa tal-Museum tal-Bniet… Kompli aqra »

L-ARĊISQOF IŻUR L-ISKOLA PRIMARJA TA’ SAN PAWL IL-BAĦAR

06/11/2009

Il-Ħamis, 5 ta’ Novembru 2009, l-Arċisqof Pawlu Cremona OP żar il-kulleġġ Maria Reġina, Primarja San Pawl il-Baħar. F’din l-iskola jattendu 770 student, fosthom tfal minn 23 pajjiz differenti. Il-ġurnata bdiet bil-laqgħa tal-Arċisqof mat-tfal tal-iskola, li kantaw l-innijiet tal-kulleġġ u tal-iskola, u innu ieħor li nkiteb apposta għall-okkazjoni ‘Merħba Pawlu’.  Matul iż-żjara l-Arċisqof ingħata madwar 40 hamper tal-ikel li nġabru mill-istudenti biex jingħataw lill-familji u lit-tfal fil-bżonn, u għotja mill-Kunsill Skolastiku… Kompli aqra »

X’ġara Waqt is-Seminar ‘Viżjoni u Pjan ta’ Ħidma mal-Adolexxenti’

05/11/2009

Fis-seminar li sar nhar l-24 ta’ Ottubru, 2009, fl-Istitut Kattoliku fil-preżenza ta’ Mons. Arċisqof Pawl Cremona, OP u ta’ diversi mistiedna flimkien ma’ numru tassew sabih ta’ Operaturi Pastorali, Sr.Alexandra Chircop, flimkien mat-Tim taghha f’isem is-Segretarjat għall-Katekeżi  ppreżentat Dokument dwar ir-realta` tal-adolexxenti f’Malta mill-perspettiva tal-formazzjoni reliġjuża tagħhom barra l-ambjent skolastiku. Dan id-dokument huwa frott ta’ konsultazzjoni  wiesa’ mal-adolexxenti u ma’ bosta nies li b’mod dirett u indirett huma involuti mal-adolexxenti… Kompli aqra »

SENTENZA TAL-QORTI EWROPEA KONTRA L-KURĊIFISS FIL-KLASSIJIET FL-ITALJA

03/11/2009

A crucifix in a classroom

Il-Qorti Ewropea tad-drittijiet umani tat sentenza kontra l-użu tal-kurċifiss fil-klassijiet tal-iskola fl-Italja. Qalet li l-prattika tikser id-drittijiet tal-ġenituri li jedukaw lil uliedhom kif iħossu li hu l-aħjar, minbarra li tmur kontra d-dritt tal-liberta reliġjuża tat-tfal. Il-każ tqajjem minn omm Taljana, Soile Lautsi, li trid tagħti lil uliedha edukazzjoni sekulari.

Is-sentenza tal-Qorti ġabet rabja qawwija fl-Italja, pajjiż fil-maġġoranza tiegħu nisrani Kattoliku… Kompli aqra »