Yearly Archives: 2009

Rapport dwar il-laqgħa annwali tad-DISCERN

21/10/2009

Is Secularisation on the Reverse Gear?

Bejn il-membri ta’ socjetajiet post-moderni, l-element li jiddomina huwa s-setgha ta’ l-gharfien iktar milli l-poter li taghti s-sahha fizika. Fatturi dominanti f’dawn is-socjetajiet huma l-kapitalizmu, il-post-industrijalizazzjoni, l-urbanizazzjoni, ir-razzjonalizmu, ix-xjenza, it-teknologija u s-sekularazzjoni. Kollettivament dawn il-karatteristici jikkonstitwixxu ghal sfidi kbar, kemm ghall-relazzjonijiet, kif ukoll ghall-istess istituzzjonijiet ta’ dawn is-socjetajiet, mhux l-inqas l-influwenza tal-knisja… Kompli aqra »

“KOSTITUZZJONI APPOSTOLIKA” GĦALL-ANGLIKANI LI JIĠU BIEX JINGĦAQDU MAL-KNISJA KATTOLIKA

20/10/2009

Cardinal William Levada

Biex iġġib fi tmiem perjodu ta’ inċertezza, ma ddumx ma tkun ippubblikata Kostituzzjoni Appostolika li tippermetti gruppi ta’ Anglikani, kemm lajċi u reliġjużi, sabiex jidħlu f’komunjoni sħiħa mal-Knisja Kattolika.

Dalgħodu l-ġurnalisti ngħataw dettalji dwar din l-inizjattiva f’konferenza tal-aħbarijiet mogħtija fil-Vatikan mill-Prefett tal-Kongregazzjoni tad-Duttrina tal-Fidi, il-Kardinal William Levada.

Fl-istess waqt ngħatat konferenza tal-aħbarijiet oħra f’Londra mill-Primat tal-Knisja Kattolika fl-Ingilterra u Wales, l-Arċisqof Vincent Gerard Nichols, flimkien mal-Primat tal-Knisja Anglikana, l-Arċisqof ta’ Canterbury Rowan Williams… Kompli aqra »

IL-VALURI NSARA JIBQGĦU JAGĦĠNU Ċ-ĊIVILTA EWROPEA

19/10/2009

Meta laqa’ l-Ittri ta’ Kredenzjali ta’ Yves Gazzo, Kap tad-Delegazzjoni tas-Santa Sede għall-Kummissjoni tal-Komunitajiet Ewropej, il-Papa Benedittu XVI rrefera għall-valuri tal-Unjoni Ewropea li qal li huma “il-frott ta’ storja twila u kumplessa li matulha, wieħed ma jistax jiċħad li l-Kristjaneżmu kellu rwol indispensabbli”.

“Id-dinjita ugwali tal-bniedem, il-liberta tal-espressjoni tal-fidi bħala l-bażi ta’ libertajiet ċivili oħra, il-paċi bħala element deċiżiv għall-ġid komuni, l-iżvilupp uman (intelletwali, soċjali u ekonomiku) fid-dawl tas-sejħa minn Alla u l-għeruq storiċi – huma kollha elementi tar-rivelazzjoni nisranija li tkompli tagħġen iċ-ċivilta Ewropea”, kompla Benedittu XVI… Kompli aqra »

19 – 25 ta’ Ottubru

19/10/2009

(San Ġorġ)

It-Tnejn

9.00 a.m. L-Arċisqof jilqa’ lill-membri tal-kor ta’ DOMCHOR ta’ Paderborn, mill-Ġermanja.

9.30 a.m. L-Arċisqof jippresiedi laqgħa tal-uffiċjali prinċipali tal-Kurja.

4.30 p.m. L-Arċisqof jiltaqa’ mas-seminaristi b’mod individwali.

7.00 p.m. L-Arċisqof jattendi kunċert mill-kor ta’ Paderborn, fil-Konkatidral ta’ San Ġwann.

It-Tlieta

9.30 a.m. L-Arċisqof jippresiedi l-Konferenza Episkopali.

4.30 p.m… Kompli aqra »

ŻJARA PASTORALI MELLIEĦA

18/10/2009

Wara ġimgħa ta’ konvalexxenza, l-Arċisqof Pawlu Cremona kompla bl-impenji tiegħu bi Żjara Pastorali fil-Mellieħa. Fost diversi attivitajiet li se jkomplu matul din il-ġimgħa, nhar il-Ħadd 18 ta’ Ottubru l-Arċisqof iċċelebra Quddiesa fil-Knisja ta’ Selmun fejn wara ltaqa’ man-nies preżenti. Aktar tard filgħodu, l-Arċisqof ltaqa’ mal-membri tas-Soċjeta Ċivili f’laqgħa li saret fiċ-Ċentru Parrokkjali.

Iż-Żjarat Pastorali bdew f’Jannar ta’ din is-sena… Kompli aqra »

KARDINAL JAPPELLA LILL-KATTOLIĊI SABIEX MA JWARRBUX IL-KULTURA

18/10/2009

“Hemm il-ħtieġa għall-kattoliċi sabiex ma jwarrbux il-kultura moderna, jifhmu u japprezzaw l-aspetti pożittivi tagħha meta jkunu qed jiddiskutu l-punti negattivi”. Dan iddikjarah dak li kien President għall-Konferenza tal-Isqfijiet Kattoliċi fl-Italja.

Il-Kardinal Camillo Ruini afferma dan f’intervista ma’ Radju Vatikan dwar il-pubblikazzjoni tal-ktieb “Confini”, li jesponi diskusjoni sħiħa bejn il-Kardinal u l-istoriku Ernesto Galli della Loggia.

Il-Kardinal kompla jgħid li “jekk l-umanita tixtieq li tagħmel passi ‘il quddiem u tindirizza serjament il-problemi u l-isfidi kbar li għandha quddiemha, għandha jkollha raġuni ħielsa mill-ispirtu xjentifiku u mir-relattiviżmu”… Kompli aqra »

L-EWWEL LAQGĦA MAS-SOĊJETA SAN PIJU X

17/10/2009

“L-ewwel laqgħa mil-laqgħat ippjanati ma’ rappreżentanti tas-Soċjeta San Piju X se ssir nhar it-Tnejn 26 t’Ottubru”. Dan kien ikkonfermat fi stqarrija maħruġa mid-Direttur għall-Uffiċċju Stampa tal-Vatikan, Patri Federico Lombardi.

Skont il-Kummissjoni Pontifiċja ‘Ecclesia Dei’, għal-laqgħa se jattendu Mons Guido Pozzi, Segretarju, l-Arċisqof Luis Ladaria Ferrer, ġiżwita, Segretarju għall-Kongregazzjoni tad-Duttrina tal-Fidi, u esperti bħal Fr Charles Moreod, Segretarju għall-Kummissjoni Teoloġika Internazzjonali; Mons Fernando Ocariz, Vigarju Ġenerali tal-Opus Dei; Fr Karl Josef Becker, ġiżwita, ukoll konsulent għall-Kongregazzjoni tad-Duttrina tal-Fidi… Kompli aqra »

IL-ĠENSillum

17/10/2009

Għadd ta’ kappillani li tkellmu ma’ IL-ĠENSillum qablu li t-taxxa tal-VAT fuq xogħlijiet ta’ restawr fuq knejjes u bini ieħor storiku li hu proprjeta’ tal-Knisja huwa ta’ piż u jnaqqas l-abbilta’ tagħhom li jwettqu xogħol ta’ restawr. Fl-istess ħin, appellaw lill-Gvern biex din it-taxxa fuq ix-xogħol ta’ restawr li jsir, titneħħa.

IL-ĠENSillum  din il-ġimgħa tkellmet ma’ erba’ kappillani li bħalissa qed iwettqu xogħol ta’ restawr fil-parroċċa tagħhom: il-kappillan ta’ Ħal Tarxien, Fr Reuben Deguara, il-kappillan ta’ Ħaż-Żebbug, Fr Daniel Cardona, il-kappillan ta’ Ħaż-Żabbar, Fr Bastjan Caruana, u dak tal-Birgu, Fr Joe Caruana… Kompli aqra »

Y Standup?

16/10/2009

Qatt hsibt li tmur f’pajjizi fejn hemm il-faqar bhala voluntier? Hafna nies, specjalment iz-zghazagh, iqattghu il-vaganzi taghhom f’pajjizi bhall-Afrika, l-Etjopja u l-Brazil. X’ghandom komuni dawn il-pajjizi? Dawn huma ftit ezempji ta’ pajjizi fejn huwa maghruf li hemm persentagg kbir ta’ nies li jghixu fil-faqar. Imma xi nghidu dwar Matla? Jezisti il-faqar f’Malta? Il-faqar huwa biss meta tkun bil-guh, bla hwejjeg u bla dar? … Kompli aqra »

AĦBARIJIET MINN SPANJA, RUMANIJA U L-INGILTERRA

15/10/2009

SPANJA: DIMOSTRAZZJONI F’MADRID FAVUR ID-DRITT TAL-ĦAJJA

Bħalissa għaddejjin għadd ta’ inizjattivi varjati maħsuba biex iqajmu kuxjenza fost il-familji dwar l-attendenza ta’ dimostrazzjoni kbira maħsuba li ssir nhar is-Sibt li ġej f’Madrid fi Spanja favur id-dritt għall-ħajja, speċjalment fejn jirrigwarda lin-nisa u dawk ommijiet. Wara dawn hija l-inizjattiva RIGHT TO LIVE li ngħaqdu fiha 40 organizzazzjoni ċivili fi Spanja, b’iffukar fuq il-motto “Every life matters” – “Kull ħajja tgħodd”.  … Kompli aqra »