Catholic.net ndiet il-kompetizzjoni marbuta mal-okkażjoni tal-Jum Dinji taż-Żgħażagħ. Il-kompetizzjoni hi marbuta ma’ komponiment u hi miftuħa għal żgħażagħ minn kwalunkwe pajjiż u li għandhom bejn is-16 u t-28 sena.

Ir-rebbieħ se jingħata vjaġġ lejn Madrid fi Spanja għaċ-Ċelebrazzjonijiet tal-Jum Dinji taż-Żgħażagħ f’Awwissu li ġej.

Il-parteċipanti huma mitluba jiktbu essej fit-tul u jwieġbu l-mistoqsija “How have you found God?” – jiġifieri “Kif sibt lil Alla?”

Biex ikun indirizzat dan is-suġġett, huma rakkomandati temi relattivi bħall-kuraġġ fil-ħajja, l-imħabba t’Alla, il-ferħ, l-imħabba li joffri Ġesu, il-missjoni u l-bidla ġewwiena, kif ukoll is-Sagramenti… Kompli aqra »

Tlett mija u għoxrin direttur ta’ organizzazzjonijiet Kattoliċi Ewropej ta’ Karita se jiltaqgħu iżjed tard dan ix-xahar fil-Bażilika Marjana Pollakka ta’ Czestochowa sabiex jiskopru mill-ġdid l-iktar motivazzjonijiet profondi għall-attivitajiet tagħhom ta’ karita.

L-eżerċizzi spiritwali, organizzati mill-Kunsill Pontifiċju Cor Unum, id-dekasteru tal-Vatikan li jikkordina l-attivita ta’ karita tal-istituzzjonijiet Kattoliċi madwar id-dinja, kienu preżentati t-Tlieta lill-ġurnalisti mill-Kardinal Robert Sarah, President tad-dekasteru… Kompli aqra »

‘Fil-viżjoni nisranija nemmnu li fiċ-ċentru ta’ Alla hemm il-bniedem’. Dan qalu l-Arċisqof Pawlu Cremona O.P. fid-diskors li għamel fil-festa ta’ Kristu Re’ nhar il-Ħadd, 21 ta’ Novembru, 2010, Raħal Ġdid.

L-Arċisqof għamel enfasi fuq il-punt li l-bniedem huwa l-bidu w it-tmiem ta’ kollox u dan qal, huwa evidenti fil-Bibbja, b’mod speċjali fil-Ġenesi. Dan hu minnhu għax Alla ħalaq id-dinja għall-bniedem biex ikun koperatur miegħu… Kompli aqra »

Il-Qdusija tiegħu Papa Benedettu XVI innomina lil Fr. Joe Bonello O.F.M., (Provinċja Franġiskana San Pawl Appostlu – Malta) bħala Isqof Koadjutur tad-djoċesi ta’ Juticalpa fil-Honduras.

Fr. Joseph Bonello O.F.M., twieled ix-Xagħra, Għawdex, nhar l-4 t’April 1961. It-tielet minn erbat itfal tal-mibkija Victor u Nazzarena Sultana. Beda n-Novizzjat tiegħu mal-Patrijiet Franġiskani (O.F.M.) nhar it-2 t’Ottubru 1977. Għamel il-Professjoni Temporanja nhar l-1 t’Ottubru 1978 u dik Solenni nhar it-28 t’Awissu 1983 fil-Knisja dedikata lil Marija Bambina, ix-Xaghra… Kompli aqra »

Fl-okkażjoni tal-Festa ta’ Kristu Re, nhar il-Ġimgħa u s-Sibt, 19 u 20 ta’ Novembru, 2010, ġew mħejjija attivatijiet għall-adolexxenti u tfal. Fl-ewwel jum, infetħu ċ-ċelebrazzjonijiet permezz ta’ laqgħa msejħa ‘Meeteen’ fiċ-ċentru parrokkjali tal-Qawra/Buġibba. L-Arċisqof Pawlu Cremona O.P. mexxa din iċ-ċelebrazzjoni bis-sehem tas-saċerdot Fr. Robert Galea u l-Pre-Youths tal-Qawra/Buġibba.  Għal din il-laqgħa attendew mijiet ta’ adolexxenti ta’ bejn it-12 u 16-il sena… Kompli aqra »

Is-sena d-dieħla, il-Papa se jkun qed iżur il-Ġermanja. Mill-bidu tal-pontifikat tiegħu fl-2005, din tkun it-tielet żjara lejn art twelidu. Il-President tal-Konferenza Episkopali Ġermaniża, l-Arċisqof Robert Zollitsch ta’ Freiburg fi Breisgau, irraporta li l-Papa possibbilment jagħmel din iż-żjara f’Settembru, b’waqfiet f’Berlin, Freiburg u Erfurt.

L-Arċisqof, f’kummenti lil Radju Vatikan, qal li l-Papa se jkun qed ifakkar mument importanti fil-ħajja tal-pajjiż u fil-ħajja tal-Knisja… Kompli aqra »