L-attivitajiet kollha li saru għat-tħejjijja għaż-żjara tal-Papa gew fi tmiemhom b’quddiesa ta’ ringrazzjament li giet iċċelebrata fil-Kripta ta’ San Bastjan, f’Ħal Qormi. Bosta voluntiera kienu preżenti għal għeluq ta’ din l-esperjenza memorabbli. Fr Savio, fi ftit kliem, ħareġ il-qofol fl-omelija tiegħu meta qal li allavolja iż-żjara tal-Papa kienet waħda importanti, l’unita li nħasset bejn iż-żgħażagħ fuq il-Waterfront kienet suċċess ħafna akbar… Kompli aqra »

Id-diskors ta’ E.T. Isqof Mario Grech matul il-konferenza organizzata minn ProgettImpenn, nhar is-Sibt 15 ta’ Mejju, 2010, bit-tema ‘Rolling Back the Tide of Marriage Breakdown’:

Djanjosi ta’ pazjent tiehu f’kunsiderazzjoni kemm is-sintomi tal-marda, kif ukoll il-kawza ta dawk l-effetti! Tkun mizura dghajfa jekk wiehed jikkura l-gerhat ta persuna diabetika, minghajr ma jindirizza l-marda tad-diabete!

Inhoss li dan qed jigri ukoll fostna meta nitkellmu dwar it-tishih taz-zwieg u lfamilja… Kompli aqra »

Catholic.net logo

Tnediet online search engine ġdida tal-Bibbja Kattolika li tippermetti lill-individwu jfittex u jsib testi u passaġġi Skritturali. Il-programm kien uffiċjalment imniedi fil-pubbliku fl-aħħar jiem minn http://catholic.net/

L-istqarrija għall-istampa qalet li din hi l-ewwel Bibbja Kattolika kompleta li tista’ tintuża għal tiftix b’sempliċiment kelma jew aħjar b’’keyword search’. Żiedet li offruti f’dan il-programm huma verżjonijiet tal-Bibbja f’żewġ traduzzjonijiet approvati mill-Vatikan – bl-Ingliż u bl-Ispanjol… Kompli aqra »

Il-Knisja f’Malta tixtieq tistieden lill-Insara Maltin jinġabru flimkien għaċ-ċelebrazzjoni Djoċesana tal-Vġili ta’ Għid il-Ħamsin, nhar is-Sibt, 22 ta’ Mejju, 2010, quddiem il-Knisja Parrokkjali tal-Għargħur. Din is-sena ċ-ċelebrazzjoni se tkun marbuta mas-Sena tas-Saċerdoti li nieda l-Papa Benedittu XVI. Fil-fatt, it-tema li ntagħżlet hi: “L-Ispirtu tal-Mulej fuqi, għax hu kkonsagrani biex inwassal il-bxara t-tajba lill-fqajrin” (Lq. 4:18).

Iċ-ċelebrazzjoni, ppreseduta mill-Arċisqof Pawlu Cremona O.P., li jkun għadu kemm wasal lura Malta minn Żjara Pastorali lill-emigranti Maltin fil-Kanada u fl-Istati Uniti, tibda fis-7:30 p.m… Kompli aqra »

Vatican City

Il-Kunsill Pontifiċju għal-Lajċi se jibda l-24 Asemblea Plenarja ddedikata għall-konsiderazzjoni tas-suġġett “Xhieda ta’ Kristu fil-komunita politika”. Komunikat maħruġ mill-Kunsill innota wkoll kif il-Papa ripetutament affarma fuq il-ħtieġa kbira ta’ impenn imġedded mill-kattoliċi fil-ħajja politika.

L-attivita li tiskatta l-Ħamis, se tkun inawgurata mill-President tad-Dekasteru in kwistjoni, il-Kardinal Stanislaw Rylko.

It-tliet taħdidiet pjanati huma dawn: ‘Il-politika u d-demokrazija llum’ li se tkun indirizzata mir-Rettur tal-Universita Kattolika tal-Qalb Imqaddsa f’Milan l-Italja – Lorenzo Ornaghi; ‘Il-Knisja u l-komunita politika- punti vitali’ li se tkun in dirizzata mill-President tal-imsejjaħ Proġett Kulturali tal-Isqfijiet Taljani – Il-Kardinal Camillo Ruini; u finalment ‘Ir-responsabbilta tal-lajċi fil-ħajja politika’, taħdita li se tkun indirizzata mill-President tal-Akkademja Pontifiċja għall-Ħajja, l-Arċisqof Salvatore Fisichella… Kompli aqra »