Aħbarijiet mill-Knisja f'Malta
Nhar is-Sibt 28 ta’ April 2012, l-Arċisqof Pawlu Cremona O.P. iċċelebra Quddiesa u ta’ l-ministeru tal-Lettorat lil żewġ seminaristi, Luke Cutajar mir-Rabat u Brian Gialanze minn Birżebbuġa. Din iċ-ċelebrazzjoni saret fil-Knisja Parrokkjali ta’ Santa Luċija.
AGĦFAS HAWN biex taqra l-messaġġ tal-Arċisqof.
Agħfas fuq ir-ritratti biex tkabbar… Kompli aqra »
Nhar il-Ħadd 29 ta’ April 2012, l-Arċisqof Pawlu Cremona O.P. iċċelebra Quddiesa fil-Knisja tal-Lunzjata u ltaqa’ man-nies. Wara, huwa ltaqa’ mal-komunita’ tal-Patrijiet Dumnikani u kiel magħhom.
AGĦFAS HAWN biex tara aktar ritratti taż-żjara pastorali tal-Arċisqof il-Birgu.
Agħfas fuq ir-ritratti biex tkabbar… Kompli aqra »
The Good Spheperd
l-Jum tal-Ħadd kien jum speċjali għal disa’ djakni li kienu ordnati saċerdoti mill-Papa Benedittu XVI proprju fil-Jum Dinji ta’ talb għall-vokazzjonijiet reliġjużi. Tmienja minn dawn id-djakni kienu mid-djoċesi ta’ Ruma u d-disa’ wieħed mill-Vjetnamm. Interessanti li dan tal-aħħar kien avukat, u tnejn mill-bqija kienu pilota u gradwat fil-kemistrija, rispettivament.
Meta indirizza lill-kongregazzjoni miġbura quddiemu, li kienet naturalment tinkludi l-familji u l-ħbieb ta’ dawn id-disgħa saċerdoti ġodda, il-Papa qal li s-saċerdot, bħar-ragħaj, hu msejjaħ imexxi l-fidili afdati f’idejh lejn il-ħajja vera, “il-ħajja fil-milja tagħha”… Kompli aqra »
Pope John XXIII
“Hekk kif il-Knisja Kattolika qed iżżid l-isforzi tagħha fl-evanġelizzazzjoni l-ġdida, kif ukoll il-ħidma fil-qasam tal-ġustizzja u l-paċi fid-dinja, ikun għaqli li wieħed jimita l-approċ pożittiv u profetiku li ħa Beatu Ġwanni XXIII fl-enċiklika tiegħu ‘Pacem in Terris’ jew ‘Paċi fl-Art’.”
Din l-istqarrija għamilha l-Arċisqof Franċiż Roland Minnerath ta’ Dijon fi ftuħ il-laqgħa tal-Akkademja Pontifiċja tax-Xjenzi Soċjali, li fl-aħħar jiem żammet it-tieni minn tliet laqgħat bi tħejjija għall-50 anniversarju tal-enċiklika ‘Pacem in Terris’, li se jsir is-sena d-dieħla, enċiklika li tħares mill-qrib lejn it-kisba tal-paċi, il-ġustizzja, l-imħabba u l-liberta… Kompli aqra »
“Tassew tassew ngħidilkom, min ma jidħolx fil-maqjel tan-nagħaġ mill-bieb imma jaqbeż ġewwa minn naħa oħra, dak hu ħalliel u brigant. Imma min jidħol mill-bieb hu r-ragħaj tan-nagħaġ. Min ikun mal-bieb lilu jiftaħ, in-nagħaġ minn leħnu jisimgħu, u hu jsejjaħ in-nagħaġ tiegħu waħda waħda b’isimhom u joħroġhom barra… Kompli aqra »
Knisja Parrokkjali ta’ Santa Luċija
28 ta’ April 2012
Ħuti,
Kif għidna fil-bidu, dawn iż-żewġ seminaristi qegħdin issa qrib it-triq li, bl-għajnuna ta’ Alla l-Imbierek, twassalhom għas-saċerdozju ministerjali, jew kif sirna ngħidulu wkoll, għall-Presbiterat. Illum huma se jiġu istitwiti fil-ministeru tal-Lettorat jiġifieri s-servizz tal-kelma, imbagħad jiġu istitwiti fil-ministeru tal-akkolitat jiġifieri s-serviżż tal-altar, u wara jidħlu f’dak li hu s-sagrament shih ta’ min ikun se jiġi ordnat presbiteru, billi jircievu d-djakonat, imbagħad jiġu ordnati presbiteri fil-Knisja… Kompli aqra »
It-Tnejn
9.15 a.m. L-Arċisqof jippresiedi laqgħa tal-uffiċċjali prinċipali tal-Kurja.
4.30 p.m. L-Arċisqof jiltaqa’ mas-subien li jattendu l-katekiżmu fiċ-ċentru tal-katekeżi tal-parroċċa tal-Birgu, bħala parti miż-Żjara Pastorali tiegħu fil-parroċċa.
7.00 p.m. L-Arċisqof jippresiedi laqgħa tal-assemblea parrokkjali tal-istess parroċċa.
8.30 p.m. L-Arċisqof jattendi festin fl-okkażjoni ta’ Jum l-Ewropa, il-Barrakka ta’ Fuq, il-Belt Valletta.
It-Tlieta
3.30 p.m… Kompli aqra »
Ir-Raba’ Hadd ta’ Wara l-Għid
Gwann 10,11-18
Jiena r-ragħaj it-tajjeb. Ir-ragħaj it-tajjeb jagħti ħajtu għan-nagħaġ tiegħu. Il-mikri, li m’huwiex ir-ragħaj, u li n-nagħaġ m’humiex tiegħu, jara l-lupu ġej, u jħalli n-nagħaġ u jaħrab; u l-lupu jaħtafhom u jxerridhom. Mikri hu, u ma jħabbilx rasu min-nagħaġ. Jiena r-ragħaj it-tajjeb; jiena nagħraf in-nagħaġ tiegħi, u n-nagħaġ tiegħi jagħrfu lili, bħalma l-Missier jagħraf lili u jiena nagħraf lill-Missier; u għan-nagħaġ tiegħi nagħti ħajti… Kompli aqra »
Il-Ħadd 29 ta’ April, il-Knisja tiċċelebra Jum il-Vokazzjonijiet. Fil-messaġġ tiegħu fl-okkażjoni tad-49 Jum Dinji ta’ Talb għall-Vokazzjonijiet, il-Papa Benedittu XVI ħeġġeġ mill-qalb lil dawk kollha responsabbli fil-Knisja u fil‑qasam tal‑edukazzjoni taż‑żgħażagħ sabiex jagħtu attenzjoni speċjali lil dawk il‑membri tal‑komunitajiet parrokkjali, assoċjazzjonijiet u movimenti ekkleżjali li jħossu fihom sejħa għas‑saċerdozju jew għal konsagrazzjoni speċjali. Il-Papa qal li “huwa importanti għall‑Knisja li toħloq dawk il‑kundizzjonijiet li jippermettu liż‑żgħażagħ jgħidu ‘iva’ bi tweġiba ġeneruża għas‑sejħa t’Alla kollha mħabba”… Kompli aqra »
Minn mindu daħlet fis-seħħ il-liġi tad-divorzju f’pajjiżna fl-1 ta’ Ottubru li għadda sa l-aħħar ta’ Marzu ta’ din is-sena, jiġifieri f’perjodu ta’ sitt xhur, quddiem il-Qrati ta’ Malta u Għawdex saru b’kollox 436 applikazzjoni għad-divorzju. Dan skont tagħrif mogħti mill-Ministeru tal-Ġustizzja, Konsultazzjoni Pubblika u l-Familja lil IL-ĠENSillum online.
Fl-ewwel tlett xhur li l-liġi kienet fis-seħħ, jiġifieri bejn l-1 ta’ Ottubru u l-31 ta’ Diċembru 2011, quddiem il-Qrati ta’ Malta kienu daħlu b’kollox 242 applikazzjoni għad-divorzju, waqt li ġimgħa wara daħlet il-liġi, kienu diġà daħlu 20 applikazzjoni għad-divorzju… Kompli aqra »
