Aħbarijiet mill-Knisja f'Malta
“Smajtu x’intqal, ‘Ħobb lil għajrek, u obgħod lill-għadu tiegħek. ‘Imma jiena ngħidilkom: Ħobbu lill-għedewwa tagħkom, u itolbu għal dawk li jippersegwitawkom, biex tkunu wlied Missierkom li hu fis-smewwiet; għax hu jtalla’ x-xemx tiegħu sew fuq il-ħżiena u sew fuq it-tajbin, u jniżżel ix-xita sew fuq min hu tajjeb u sew fuq min m’huwiex… Kompli aqra »
L-Erbgħa 27 ta’ Ġunju – il-voluntiera żgħażagħ se jagħtu bidu uffiċjali għall-esperjenzi tagħhom tas-sajf b’ċelebrazzjoni ġewwa l-kappella Medjevali ta’ San Girgor fiż-Żejtun. L-Arċisqof Pawlu Cremona O.P., b’mod simboliku, se jagħtihom il-mandat f’isem il-Knisja f’Malta.
Madwar 300 voluntier se jqattgħu bejn ġimgħatejn u xahrejn mill-vaganzi tagħhom f’servizz ma’ persuni fil-bżonn. L-esperjenzi tagħhom se jeħduhom f’diversi postijiet, mill-Indja sal-Afrika, l-Amerika Latina u anke l-Ewropa, inklużi proġetti f’Malta stess… Kompli aqra »
Id-Djoċesi ta’ Għawdex għaddiet ċekk ta’ €20,000 lid-Dar tal-Providenza li nġabru mid-Djoċesi fil-kampanja li saret minn RTK4Charity fl-Open Day li saret fid-Dar fl-ewwel ta’ Jannar li għadda. Dan sar is-Sibt waqt żjara li Mons Isqof Mario Grech għamel fid-Dar fis-Siġġiewi. Hu ltaqa’ mar-residenti tad-Dar kif ukoll mal-care workers li jaħdmu hemm. Tkellem ukoll mad-Direttur, Fr Martin Micallef u mal-kollaboraturi tiegħu.
F’kelmtejn li għamel liż-zgħażagħ li bħalissa qegħdin jitħejjew għall-Maratona tal-Volleyball li se tiġi organiżżata b’risq l-istess Dar, Mons Isqof Grech qal li f’soċjeta’ li aktar ma tmur aktar qed issir individwalista huwa ta min ifaħħar u jinkoraġġixxi dan il-ġest sabih ta’ volontarjat b’risq għan tassew nobbli… Kompli aqra »
“Smajtu x’intqal, ‘Għajn b’għajn u sinna b’sinna’. Imma jiena ngħidilkom biex bniedem ħażin ma tiqfulux; anzi jekk xi ħadd jagħtik daqqa ta’ ħarta fuq ħaddek tal-lemin, dawwarlu l-ieħor ukoll; u lil min ikun irid itellgħek il-qorti u jeħodlok il-libsa, ħallilu wkoll il-mantar. U jekk xi ħadd iġagħlek timxi miegħu mil wieħed, mur miegħu tnejn. … Kompli aqra »
8.30am L-Arċisqof jattendi konferenza organizzata mill-Bank APS dwar Ethical Banking.
5.30pm L-Arċisqof iżur il-MUSEUM tas-subien fil-parroċċa ta’ Marija Reġina, il-Marsa, bħala parti miż-żjara pastorali tiegħu fil-parroċċa.
7.00pm L-Arċisqof jippresiedi l-Assemblea Parrokkjali tal-parroċċa ta’ Marija Reġina, il-Marsa.
9.00am L-Arċisqof jiltaqa’ mal-Bord Konsultattiv dwar it-tfal u ż-Żgħażagħ, fil-Kurja.
11.00am L-Arċisqof jattendi ċ-Ċerimonja tal-Għoti tal-Midalja Premju Ġwanni XXIII fil-Palazz, il-Belt Valletta… Kompli aqra »
Mark 4,26-34
U Ġesù qal: “Is-Saltna ta’ Alla hi bħal meta raġel ikun xeħet iż-żerriegħa fl-art. Rieqed jew imqajjem, billejl jew binhar, iż-żerriegħa tinbet u tikber, bla ma jaf kif. L-art trodd minnha nfisha l-ewwel il-barma, mbagħad is-sbula, mbagħad il-qamħ mimli fis-sbula. U meta l-frott isir, malajr il-bidwi jmidd idu għall-minġel, għax ikun wasal żmien il-ħsad.” U qal: “Ma’ xiex sejrin inqabbluha s-Saltna ta’ Alla, jew b’liema parabbola nfissruha? … Kompli aqra »
Festa tal-Qalb Imqaddsa ta’ Marija
Luqa 2, 41-51
Ta’ kull sena l-ġenituri ta’ Ġesù kienu jmorru Ġerusalemm għall-festa ta’ l-Għid. Meta kellu tnax-il sena telgħu wkoll, skond id-drawwa ta’ dik il-festa. Wara li għaddew dawk il-ġranet qabdu t-triq lura, imma t-tfajjel Ġesù baqa’ Ġerusalemm bla ma kienu jafu l-ġenituri tiegħu. Huma ħasbuh qiegħed ma’ xi wħud li kienu fit-triq magħhom; iżda meta wara jum mixi fittxewh fost qrabathom u n-nies li kienu jafuhom, ma sabuhx, u għalhekk reġgħu lura Ġerusalemm ifittxuh… Kompli aqra »
Nhar is-Sibt 9 ta’ Ġunju 2012, l-Arċisqof Pawlu Cremona O.P. iċċelebra Quddiesa fil-knisja parrokkjali ta’ Maria Reġina, il-Marsa, fil-ftuħ uffiċċjali taż-żjara pastorali tiegħu fil-parroċċa.
AGĦFAS HAWN għal aktar informazzjoni dwar iż-Żjara Pastorali tal-Arċisqof fil-parroċċa tiegħek.
Agħfas fuq ir-ritratti biex tkabbar… Kompli aqra »
Vatican media
Il-Vatikan ħabbar li minn tmiem ix-xahar ta’ Lulju li ġej, is-servizz tal-Vatican Information Service, VIS, mhux se jibqa’ jiffunzjoni bħala uffiċċju li jipprovdi informazzjoni li pero jkun separat mill-Uffiċċju Stampa tas-Santa Sede.
Naturlament se jibqa’ jkun hemm Bulettin mill-Uffiċċju Stampa. Xi membri tal-istaff mill-VIS se jkunu trasferiti mal-portal multilingwi www.news.va li kien twaqqaf sena ilu. Oħrajn se jkunu qed jaħdmu fl-iżvilupp multilingwi tal-bulettin li joħroġ mill-Uffiċċju Stampa… Kompli aqra »
Festa tal-Qalb Imqaddsa ta’ Ġesù
Ġwanni 19, 31-37
Billi kien Jum it-Tħejjija ta’ l-Għid, il-Lhud ma ridux li f’jum is-Sibt l-iġsma jibqgħu fuq is-salib, għax dak is-Sibt kien jum solenni għalihom. Talbu mela lil Pilatu biex jiksrulhom riġlejhom u jneħħu l-iġsma. Għalhekk ġew is-suldati u kisru r-riġlejn ta’ l-ewwel u tat-tieni wieħed li kienu msallbin miegħu… Kompli aqra »
