IIlum, il‑Qdusija Tiegħu l‑Papa Franġisku ħatar lill‑Eċċellenza Tiegħu Mons. Alessandro D’Errico, Arċisqof Titulari ta’ Carini u fil‑preżent Nunzju Appostoliku fil‑Kroazja, bħala Nunzju Appostoliku għal Malta.

Mons. Alessandro D’Errico twieled f’Frattamaggiore f’Napli l‑Italja, fit‑18 ta’ Novembru 1950. Ġie ordnat saċerdot fl‑24 ta’ Marzu 1974 u ħadem fid‑Djoċesi ta’ Aversa. Għandu Dottorat fil‑Filosofija.

Huwa studja fl‑Akkademja Pontifiċja Ekklesjastika f’Ruma u ngħaqad mas‑Servizz Diplomatiku tas‑Santa Sede fil‑5 ta’ Marzu fl‑1977…

Il-Papa Franġisku mar lil hinn mill-modi tradizzjoni ta’ kif Papa jwassal il-messaġġ tiegħu.  Din id-darba, il-Papa għażel li jitkellem waqt attività ta’ TED.

Din hi l-ewwel darba li Papa qatt tkellem waqt TED.

TED, hi għaqda mhux governattiva, iddedikata li twassal l-ideat tan-nies f’diskorsi qosra. Dik li fl-1984 bdiet bħala konfernza dwar it-teknoloġija, divertiment u d-disinn, illum jipprovdi diskorsi dwar suġġetti differenti u mingħand nies li ġejjin minn setturi diversi…

Inħeles Patri Samuel Okwuidegbe, il-patri Ġiżwita Niġerjan ta’ 50 sena li l-ġimgħa l-oħra nħataf minn grupp ta’ nies mhux magħrufa waqt li kien sejjer jagħmel irtir.

Patri Samuel inħeles nhar is-Sibt 22 ta’ April u mhux magħruf ir-raġuni għaliex inħataf u nħeles.

Il-ħtif sar fi triq li tgħaqqad Benin City ma’ Onitsha.

Fl-aħħar snin għadd ta’ qassisin u reliġjużi nħatfu fin-Niġerja, l-aktar fin-nofsinhar tal-pajjiż, bil-għan li jieħdu somma flus minn fuqhom…

L-għaxar pajjiżi bl-iktar Kattoliċi, flimkien jammontaw għal aktar min-nofs il-Kattoliċi mifruxa mad-dinja kollha.

Skont statistika maħruġa mill-Vatikan, dawn il-pajjiżi huma: il-Brażil (172.2 miljun), il-Messiku (110.9), il-Filippini (83.6), l-Istati Uniti (72.3), l-Italja (58.0), Franza (48.3), il-Kolombja (45.3), Spanja (43.3), ir-Repubblika Demokratika tal-Kongo (43.2) u l-Arġentina(40.8).

Sal-aħħar tas-sena 2015, kien hawn madwar 1,285 biljun Kattoliku. 

Mid-dettalji miġbura, ħareġ li żdied in-numru ta’ Kattoliċi madwar id-dinja, minn 1,272 miljun fl-2014 għal 1,285 miljun fl-2015…

Fi ftit jiem oħra, il-Papa Franġisku se jibda t-18-il vjaġġ appostoliku tiegħu, din id-darba fl-Eġittu.

Skont il-kelliem tal-Vatikan, Greg Burke, bħall-vjaġġi l-oħra tiegħu, il-Papa se juża karozza normali, jiġifieri mingħajr protezzjoni. Dan minkejja l-attakki terroristiċi li ġraw jiem ilu fuq il-komunitajiet Insara.

Waqt konferenza tal-aħbarijiet li saret dalgħodu mal-ġurnalisti, Burke stqarr li l-Papa jrid jgħaddi messaġġ pożittiv…