Flimkien ma’ eluf ta’ pellegrini, il-Ġimgħa filgħaxija, ftit sigħat biss wara li wasal ġo Fatima biex ifakkar il-100 sena mid-dehriet tal-Madonna lit-tliet itfal ragħajja, il-Papa Franġisku rreċita r-rużarju b’lingwi differenti.

L-ewwel beda bl-Għarbi, imbagħad kompla bl-Ispanjol u l-Ukren, bit-Taljan u ċ-Ċiniż, bl-Ingliż u l-Franċiż u bil-Ġermaniż u l-Pollakk.

Matul ir-rużarju, il-Papa kien bilqiegħda quddiem l-istatwa tal-Madonna ta’ Fatima, taħt baldakkin li jgħatti l-Kappella tad-Dehriet, fejn il-Ġimgħa stess, il-Papa ħalla warda tad-deheb bħala rigal lill-Madonna…

• L‑Arċisqof Charles J. Scicluna ħatar lil Dun Brian Gianlanzè bħala kappillan tal‑Parroċċa ta’ San Ġużepp, il‑Kalkara.

  Dun Brian Gianlanzè twieled fit‑30 ta’ Jannar 1974. Huwa rċieva l‑edukazzjoni tiegħu fl‑iskola primarja ta’ Birżebbuġa, l‑edukazzjoni sekondarja fil‑Liceo Vassalli, Tal‑Ħandaq, u kompla jistudja fil‑Pre‑Vocational School Health Care u fl‑Istitut għall‑Kura tas‑Saħħa. Kompla bl‑edukazzjoni terzjarja fil‑Fakultà tat‑Teoloġija (Filosofija u Teoloġija) fl‑Università ta’ Malta, fejn studja wkoll it‑Teoloġija Pastorali…

Live streaming tal-Polza tal-Għażla tal-applikanti għall-Kindergarten 1 Subien nhar is-Sibt, 13 ta’ Mejju 2017, fis-Seminarju tal-Arċisqof ir-Rabat. Il-Polza tal-Għażla Subien tibda fid-9.00 a.m.

“

Live streaming tal-Polza tal-Għażla tal-applikanti għall-Kindergarten 1 Bniet nhar is-Sibt, 13 ta’ Mejju 2017, fis-Seminarju tal-Arċisqof ir-Rabat. Il-Polza tal-Għażla Bniet tibda fil-11.15 a.m.

“

 Idħol fil-YouTube Channel tal-Knisja f’Malta u agħfas il-buttuna Subscribe biex iżżomm ruħek aġġornat…

Il-Papa Franġisku bagħat messaġġ lill-poplu tal-Portugall hekk kif qed jipprepara ruħu għall-vjaġġ appostoliku ġo Fatima, fl-okkażjoni tal-100 sena minn meta l-Madonna dehret għall-ewwel darba lit-tliet itfal ragħajja fit-13 ta’ Mejju 1917.

Fil-filmat, il-Papa qal li jinsab ftit sigħat ‘il bogħod mill-pellegrinaġġ ta’ Fatima u jinsab ħerqan li se jmur fid-dar tal-Omm.

“Naf li xtaqtu tilqgħuni fid-djar tagħkom, fil-komunitajiet tagħkom u fl-irħula fejn tgħixu: Irċevejt l-istedina tagħkom”…

L-Isqfijiet tal-Istati Uniti kienu minn tal-ewwel li ffirmaw u wegħdu li se jagħmlu l-għalmu tagħhom sabiex tintemm il-piena kapitali. 

Kull persuna li ffirmat, wegħdet li teduka, tgħin u titlob sabiex jitneħħa darba għall-dejjem dan il-kastig.

Il-karta tal-wegħda li ffirmaw, tibda bi frażi tal-Papa Franġisku: “Kull Nisrani u kull persuna ta’ rieda tajba huma msejħa biex jiġġieldu mhux biss l-abolizzjoni tal-piena tal-mewt fil-forom kollha tagħha, kemm jekk legali jew illegali, iżda wkoll biex jitjiebu l-kundizzjonijiet tal-ħabsijiet u jkun hemm rispett għad-dinjità tal-bniedem, li hu mċaħħad mil-libertà.”

Din il-kampanja ta’ għarfien qed tiġi organizzata mill-Catholic Mobilizing Network…

Waqt l-Udjenza Ġenerali tal-Erbgħa, il-Papa Franġisku kompla bil-katekeżi fuq it-tama tan-Nisrani u l-importanza li fil-Madonna naraw it-tama.

Lejlet il-vjaġġ appostoliku ġo Fatima, il-Papa ddeskriva lil Marija bħala l-Omm tat-Tama, u żied jgħid li hi mara ta’ kuraġġ, perseveranza u ubbidjenza.

Lill-eluf ta’ pellegrini u turisti miġbura fi Pjazza San Pietru, il-Papa qal, “L-esperjenza materna tal-Madonna hi bħal dik ta’ ħafna ommijiet oħra madwar id-dinja … ommijiet li kellhom iħabbtu wiċċhom mat-tbatija tat-tfal tagħhom.”

Kompla jgħid li b’kuraġġ kbir aċċettat il-vokazzjoni u l-ħajja ġdida li ġiet afdata…