April 2020 Archives

Arkivji mensili: April 2020

L-Evanġelju tal-jum: 25 ta’ April

25/04/2020

San Mark, Evanġelista – Festa
Qari tal-jum

L-Ewwel Qari: 1 Piet 5: 5b-14
Salm: 88 , 2-3.6-7.16-17

L-Evanġelju: Mk 16:15-20

F’dak iż-żmien: Ġesù wera ruħu lill-Ħdax, u qalilhom: “Morru fid-dinja kollha, xandru l-Bxara t-tajba lill-ħolqien kollu. Min jemmen u jitgħammed, isalva; iżda min ma jemminx, ikun ikkundannat.

U dawn huma l-mirakli li jissieħbu ma’ dawk li jemmnu: f’Ismi jkeċċu x-xjaten, jitkellmu b’ilsna ġodda, jaqbdu s-sriep b’idejhom, u jekk jixorbu xi xorb li jġib il-mewt, ma jagħmlilhomx ħsara; iqiegħdu idejhom fuq il-morda, u dawn ifiqu”… Kompli aqra »

Alla jibdel il-ftit tagħna f’xi ħaġa ta’ ġid kbir – L-Isqof Galea-Curmi

Quddiesa b'talb speċjali biex il-Mulej ikompli jagħti lil pajjiżna d-don tas-saħħa u tal-għerf lil dawk kollha li jmexxuna

24/04/2020 Il-Kappella tal-Madonna ta' Manresa, il-Kurja tal-Arċisqof, il-Furjana

L-Omelija tal-Isqof Awżiljarju Joseph Galea-Curmi

“Dawn x’inhuma għal daqshekk nies?” Dan kien il-kliem li wieħed mid-dixxipli ta’ Ġesù, Indrì, qallu meta semmielu l-ħames ħobżiet u żewġ ħutiet li kellu t-tfajjel hemmhekk, biex jitma’ lil dawk l-eluf.

Ġesù ried li jagħtihom l-ikel, u ikel ma kienx hemm. Kien hemm biss dan it-tfajjel b’ħames ħobżiet u żewġ ħutiet. Nista’ nimmaġina l-ħarsa fuq wiċċ dan id-dixxiplu meta qallu b’dawn il-ħames ħobżiet u żewġ ħutiet biex jitma’ lil dawk l-eluf… Kompli aqra »

Quddiesa u Rużarju mill-Kurja tal-Arċisqof – 24 t’April, 9:30am

24/04/2020 Il-Kurja tal-Arċisqof, il-Furjana

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija.
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek.
Ħeġġiġni bl-imħabba għalik biex f’ħajti u f’mewti jiena nemmen fik,
nitma’ fik
u nibqa’ nħobbok għal dejjem… Kompli aqra »

L-Evanġelju tal-jum: 24 ta’April

24/04/2020

Il-Ġimgħa tat-Tieni Ġimgħa tal-Għid
Qari tal-jum

L-Ewwel Qari: Atti 5, 34-42
Salm: 26 (27), 1.4.13-14

L-Evanġelju: Ġw 6, 1-15

F’dak iż-żmien, Ġesù telaq lejn in-naħa l-oħra tal-baħar tal-Galilija, jew ta’ Tiberija. Ħafna nies marru warajh, għax raw is-sinjali li kien jagħmel bil-fejqan tal-morda. Ġesù tela’ lejn l-għoljiet u qagħad hemm bilqiegħda mad-dixxipli tiegħu. Kien qrib l-Għid, il-festa tal-Lhud.

Ġesù rafa’ għajnejh, lemaħ kotra ta’ nies ġejja lejh, u qal lil Filippu: “Mnejn nixtru l-ħobż biex dawn ikollhom x’jieklu?”… Kompli aqra »

Il-ħlasijiet tal-funerali u l-għajnuna mill-kappillani

Stqarrija mill-Kulleġġ tal-Kappillani

23/04/2020

Is-70 kappillan tal-Arċidjocesi ta’ Malta ssospendew l-kontribut finanzjarju mogħti lis-saċerdot għas-servizz tal-funerali. Din il-miżura temporanja hija intenzjonata li ttaffi d-diffikultajiet finanzjarji li ħafna familji qed jesperjenzaw konsegwenza tas-sitwazzjoni li żviluppat mill-imxija tal-coronavirus.

Fil-preżent, il-kappillani u l-kummissjoni djakonija ta’ kull parroċċa qed jagħmlu dak kollu possibbli biex jgħinu b’mod konkret lill-familji, b’mod partikolari dawk l-aktar vulnerabbli. Dan minbarra għajnuna oħra spiritwali permezz ta’ inizjattivi ta’ talb online jew talb privat fil-knejjes parrokkjali… Kompli aqra »

Quddiesa u Rużarju mill-Kurja tal-Arċisqof – 23 t’April, 9:30am

23/04/2020 Il-Kurja tal-Arċisqof, il-Furjana

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

L-Evanġelju tal-jum: 23 ta’ April

23/04/2020

Il-Ħamis tat-Tieni Ġimgħa tal-Għid
Qari tal-jum

L-Ewwel Qari: Atti 5, 27-33
Salm: 33 (34), 2 u 9.17-18.19-20

L-Evanġelju: Ġw 3, 31-36

F’dak iż-żmien, Ġesù qal lil Nikodemu: “Dak li hu ġej minn fuq hu fuq kulħadd; min hu mill-art hu tal-art u jgħid ħwejjeġ tal-art; dak li hu ġej mis-sema hu fuq kulħadd u jixhed dak li ra u sama’; imma x-xhieda tiegħu ħadd ma jilqagħha… Kompli aqra »

Il-Papa fl-Udjenza Ġenerali jitlob biex inħarsu lid-dinja

Ċelebrat il-50 Jum id-Dinja

22/04/2020 Il-Vatikan

Messaġġ mill-Papa Franġisku

Għeżież ħuti, l-għodwa t-tajba!

Illum qed niċċelebraw il-50 Jum Dinji tal-Art. Hija opportunità biex inġeddu l-impenn tagħna biex inħobbu d-dar komuni tagħna u nieħdu ħsieb tagħha u tal-membri l-aktar dgħajfa tal-familja tagħna. Kif qed turina l-pandemija traġika tal-Coronavirus, flimkien biss u jekk nieħdu ħsieb tal-iktar dgħajfa nistgħu negħlbu l-isfidi globali. L-Ittra enċiklika Laudato sì għandha proprju dan is-sottotitlu: “dwar l-għożża tad-dar komuni”… Kompli aqra »

Alla hekk ħabb lid-dinja – L-Isqof Galea-Curmi

Quddiesa bi stedina għat-talb għal dawk li ma jemmnux jew abbandunaw il-fidi tagħhom, biex jagħrfu 'l Mulej fil-ħniena infinita tiegħu

22/04/2020 Il-Kappella tal-Madonna ta' Manresa, il-Kurja tal-Arċisqof, il-Furjana

L-Omelija tal-Isqof Awżiljarju Joseph Galea-Curmi

X’inhi l-Aħbar it-Tajba? Aħna nisimgħu ta’ spiss li bħala dixxipli ta’ Ġesù għandna nxandru l-Aħbar it-Tajba. Imma x’inhi?

Fil-kliem ta’ Ġesù lil Nikodemu, għandna l-qalba tal-Aħbar it-Tajba, meta hu jgħid: “Alla hekk ħabb lid-dinja li ta lil Ibnu l-waħdieni biex kull min jemmen fih ma jintilifx imma jkollu l-ħajja ta’ dejjem”. Kieku kellek tiġbor l-Aħbar it-Tajba fl-essenzjal, hu proprju f’dan il-kliem ta’ Ġesù… Kompli aqra »

Il-Bibbja bil-Malti issa fuq il-Bible app ‘YouVersion’

22/04/2020

L‑Għaqda Biblika Maltija, li għadha kif lestiet il‑ħames edizzjoni tat‑traduzzjoni tal‑Bibbja mil‑lingwi oriġinali għall‑Malti, tħabbar li t‑test se jkun parti mill‑app tal‑Bibbja popolari YouVersion għall‑iOS u Android.

Bħala parti mis‑servizzi tagħha, YouVersion toffri mhux biss it‑traduzzjoni l‑iktar riċenti tal‑Għaqda Biblika Maltija, imma wkoll l‑opportunità ta’ talb kuljum mill‑Iskrittura, u riżorsi oħra għat‑tfal, żgħażagħ u kbar.

Il‑Bible App tal‑YouVersion, li tintuża fuq iktar minn 415 miljun smartphone, tablet u laptop, tista’ titniżżel b’xejn… Kompli aqra »