Arkivji mensili: Marzu 2023

Tħallux li l-Ġimgħa l-Kbira tfixkilkom milli tkunu qrib Ġesù – L-Arċisqof

03/03/2023   Il-Knisja Parrokkjali ta’ Kristu Re, Raħal Ġdid

L-omelija tal-Arċisqof Charles Jude Scicluna

L-ewwel nett xtaqt nirringrazzjakom ħafna tal-preżenza tagħkom illejla. Nixtieq ukoll li twasslu t-tislijiet tiegħi lil dawk li ma setgħux ikunu magħna llum. Hija ħaġa sabiħa li aħna u nippreparaw għall-jiem qaddisa tal-Ġimgħa Mqaddsa, il-Ġimgħa l-Kbira u l-Irxoxt, aħna ninġabru f’mument ta’ talb. 

Għadna kemm tlabna t-talba tal-Via Sagra, u permezz tagħha akkumpanjajna lil Ġesù mill-kundanna tiegħu għall-mewt, sat-tislib tiegħu fuq is-Salib u d-difna tiegħu fil-qabar ġdid… Kompli aqra »

Il-ħajja nżul u tlajja’; daqqa għan-niżla u daqqa għat-telgħa – L-Arċisqof

08/03/2023   Is-Santwarju ta’ San Ġużepp, Ir-Rabat

L-omelija tal-Arċisqof Charles Jude Scicluna

Kienu għaddew 40 jum mit-twelid ta’ Ġesù, u Ġużeppi ħa lill-omm u lit-tarbija Ġesù Ġerusalemm, kif titlob il-liġi. Mar biex jippreżenta lil dak li quddiem il-liġi kien ibnu, tant li San Luqa stess jirreferi għal Ġużeppi, fl-Evanġelju li għadna kemm smajna, bħala missieru: “missieru u ommu” (Lq 2:33). Mar Ġerusalemm biex jippreżenta lil Ġesù, kif trid il-liġi.  

L-ewwel dettall li nixtieq noffri għal din ir-riflessjoni, li taħbat ukoll iċ-ċelebrazzjoni li qegħdin nagħmlu tas-60 anniversarju mill-inkurnazzjoni tax-xbieha għażiża ta’ San Ġużepp li seħħet fl-1 ta’ Mejju, imma qed nikkomemorawha llum, hija li l-offerta ta’ dan il-missier kienet offerta tal-fqar… Kompli aqra »

Quddiesa u Rużarju – 13 ta’ Marzu 2023, 9:30am

13/03/2023   Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 13 ta’ Marzu

13/03/2023

Qari tal-jum

L-Ewwel Qari: Dan 9:4b-10
Salm: 78 (79):8,9,11 u 13

L-Evanġelju: Lq 6:36-38

F’dak iż-żmien, Ġesù qal lid-dixxipli tiegħu: “Ħennu, bħalma hu ħanin Missierkom. Tiġġudikawx, u ma tkunux iġġudikati; tikkundannawx, u ma tkunux ikkundannati; aħfru, u ssibu l-maħfra. Agħtu, u jingħatalkom.

Kejl tajjeb, marsus, mheżżeż sewwa u mburġat iqegħdulkom f’ħoġorkom; għax bl-istess kejl li tkejlu intom jitkejjel lilkom”… Kompli aqra »

Fir-Randan ejja nagħtu ċans biex nisimgħu lil Ġesù u nsiru nafuh – L-Arċisqof

Quddiesa fit-tielet Ħadd tar-Randan

12/03/2023   Il-Knisja Parrokkjali ta’ San Ġorġ, Ħal Qormi

L-omelija tal-Arċisqof Charles Jude Scicluna

“Ġesù għajjien kif kien mill-mixi” (Ġw 4:6). L-Evanġelju li għadna kemm smajna jibda b’din is-sitwazzjoni ta’ Ġesù li flimkien mad-dixxipli qed iterraq, jiġi f’belt tas-Samarija u jaqbdu l-għatx. Id-dixxipli jmoru l-belt jixtru x’jieklu. Hi sitwazzjoni tagħna l-bnedmin tal-għatx u l-ġuħ.

Hawnhekk b’dan id-dettall l-evanġelista jurina min hu Bin il-bniedem, min hu Ġesù. Hu bniedem imma dak li għandu joffri jmur ’l hemm minn dak li jidher… Kompli aqra »

Riflessjonijiet tar-Randan: L-Ilma

12/03/2023

“Min jixrob mill-ilma li nagħtih jien qatt iżjed ma jkun bil-għatx.” Ġwanni 4:14

Fit-tielet Ħadd tar-Randan nisimgħu dwar il-laqgħa ta’ Ġesù u s-Samaritana fejn il-bir ta’ Ġakobb.

L-ilma fir-reliġjon Nisranija hu simbolu b’diversi sinifikati. Hemm l-aspett distruttiv tal-ilma li fl-istess waqt ikun qed inaddaf ukoll. Pereżempju fl-istorja ta’ Noè, naraw li l-art għerqet biex jinqered il-ħażen fid-dinja. Fl-istess waqt l-ilma huwa wkoll simbolu tal-ħajja, ta’ tiġdid u ta’ fejqan.  Bħalma kien ġara lir-raġel għama mit-twelid li beda jara wara li nħasel fl-għadira kif kien qallu Ġesù… Kompli aqra »

Quddiesa tal-Ħadd – 12 ta’ Marzu 2023, 9:30am

12/03/2023   Il-Parroċċa ta' San Ġorġ, Ħal Qormi

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-Ħadd: 12 ta’ Marzu

12/03/2023

It-Tielet Ħadd tar-Randan
Qari tal-jum

L-Ewwel Qari: Eż 17:3-7
Salm: 94 (95):1-2,6-7,8-9
It-Tieni Qari: Rum 5:1-2,5-8

L-Evanġelju: Ġw 4:5-42

F’dak iż-żmien, Ġesù ġie f’belt tas-Samarija, jisimha Sikar, qrib il-biċċa art li Ġakobb kien ta lil ibnu Ġużeppi, fejn kien hemm ukoll il-bir ta’ Ġakobb. Kien għall-ħabta tas-sitt siegħa, u Ġesù, għajjien kif kien mill-mixi, qagħad bilqiegħda ħdejn il-bir… Kompli aqra »

Fdalna ħafna f’idejna – L-Isqof Galea-Curmi

10/03/2023   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Fehmu li hu kien qiegħed jgħid għalihom” (Mt 21:45). Dan hu li  naqraw illum fl-Evanġelju fuq il-qassisin il-kbar u l-Fariżej li kienu għadhom kif semgħu l-parabbola li kien qal Ġesù ta’ sid il-għalqa li ħa ħsieb sew biex jagħmilha għalqa tajba, ħawwel id-dwieli, bnielha torri u qabbilha lil xi bdiewa.

L-Evanġelju jgħid li “fehmu li hu kien qiegħed jgħid għalihom” – u fehmu sew! … Kompli aqra »

Illum ‘Ningħaqdu għal Missio’: il-maratona annwali għall-ġbir ta’ fondi

11/03/2023

 Nhar is-Sibt 11 ta’ Marzu, Missio Malta qed torganizza l-Maratona annwali tagħha biex tiġbor fondi għall-proġetti li twettaq fil-pajjiżi tal-Missjoni. Din il-maratona li għandha t-tema ‘Ningħaqdu għal Missio’, ser tkun imxandra live bejn il-11 ta’ filgħodu u l-11 ta’ bil-lejl, fuq is-sit ta’ TVM kif ukoll fuq l-istazzjonijiet ONE, NET, F Living TV, Smash TV u Xejk TV. 

“Dan l-avveniment, huwa kruċjali għall-operat ta’ Missio Malta, hekk kif jipprovdi parti kbira mill-fondi neċessarji, li bihom Missio Malta tkompli tiffinanzja proġetti ta’ fejda f’pajjiżi tal-Afrika, l-Asja u l-Amerika t’Isfel,” stqarr Robert Farrugia, il-Kap tal-Komunikazzjoni u l-Ġbir ta’ Fondi ta’ Missio Malta. 

“Permezz ta’ din il-Maratona, nieħdu l-opportunità li nlaqqgħu lill-membri tal-pubbliku u lill-benefatturi tagħna, ma’ stejjer ta’ suċċess li rajna fl-aħħar xhur, u li seħħew bis-saħħa tal-ġenerożità tal-Maltin u l-Għawdxin… Kompli aqra »