Il-Papa Franġisku

Il-Papa fl-Udjenza jħeġġiġna nitgħallmu naqraw id-dwejjaq

26/10/2022   Pjazza San Pietru fil-Vatikan

Katekeżi fuq id-Dixxerniment. 7. Il-materja tad-dixxerniment. Id-deżolazzjoni

Għeżież ħuti, merħba u l-għodwa t-tajba!

Id-dixxerniment, dan rajnieh fil-katekeżijiet ta’ qabel, mhuwiex prinċipalment proċess loġiku; hu għandu x’jaqsam mal-azzjonijiet, u l-azzjonijiet għandhom konnotazzjoni affettiva li għandha tiġi rikonoxxuta wkoll, għax Alla jkellem lill-qalb. Nidħlu mela fl-ewwel mod affettiv, oġġett tad-dixxerniment, jiġifieri d-deżolazzjoni. Xi tkun din? … Kompli aqra »

Il-Papa fl-Udjenza: It-tgergir ma jħallix ix-xewqa tikber

12/10/2022   Pjazza San Pietru fil-Vatikan

Katekeżi fuq id-dixxerniment. 5. L-elementi tad-dixxerniment. Ix-xewqa

Għeżież ħuti, l-għodwa t-tajba!

F’dawn il-katekeżijiet qed ngħaddu l-elementi tad-dixxerniment. Wara t-talb u l-għarfien tagħna nfusna, jiġifieri li nitolbu u nsiru nafu lilna nfusna, illum nixtieq nitkellem fuq “ingredjent” ieħor biex ngħidu hekk indispensabbli: illum nixtieq nitkellem fuq ix-xewqa. Fil-fatt, id-dixxerniment hu għamla ta’ tiftix, u t-tiftix jitwieled dejjem minn xi ħaġa li jkollna nieqsa imma li b’xi mod nafuha, għandna x-xamma tagħha… Kompli aqra »

Il-Papa fl-Angelus jitlob għal tmiem it-theddid ta’ gwerra nukleari

Quddiesa u kanonizzazzjoni tal-Beati Giovanni Battista Scalabrini u Artemide Zatti

09/10/2022   Pjazza San Pietru fil-Vatikan

Waqt li Ġesù kien miexi, għaxar imġiddmin ġrew lejh jgħajtu: “Ikollok ħniena minna” (Lq 17:13). L-għaxra li huma ġew imfejqa, imma wieħed biss minnhom reġa’ lura biex jirringrazzja lil Ġesù: kien Samaritan, speċi ta’ eretiku f’għajnejn il-Lhud. Għall-bidu jimxu flimkien, imma mbagħad id-differenza jagħmilha dak is-Samaritan, li jerġa’ lura “jgħajjat u jfaħħar lil Alla” (v. 15). Ejjew nieqfu fuq dawn iż-żewġ aspetti li nistgħu nsibu fil-Vanġelu tal-lum: nimxu flimkien u rroddu ħajr… Kompli aqra »

Il-Papa fl-Udjenza: L-eżami tal-kuxjenza jgħinna biex naraw qalbna

05/10/2022   Pjazza San Pietru fil-Vatikan

Katekeżi fuq id-Dixxerniment: 4. L-elementi tad-dixxerniment. Inkunu nafu lilna nfusna

Għeżież ħuti, l-għodwa t-tajba!

Inkomplu nħarsu lejn it-tema tad-dixxerniment. L-aħħar darba rajna kif element indispensabbli tiegħu huwa t-talb, mifhum bħala familjarità u kunfidenza ma’ Alla. It-talb, mhux bħall-pappagalli, imma bħala familjarità u kunfidenza ma’ Alla; talb tal-ulied lill-Missier; talb b’qalb miftuħa. Dan rajnieh fl-aħħar Katekeżi. Illum nixtieq, b’mod kważi kumplimentari, nagħfas fuq kif dixxerniment tajjeb jitlob ukoll l-għarfien tagħna nfusna… Kompli aqra »

Il-Papa fl-Angelus: Kemm demm irid jixxerred qabel nifhmu li l-gwerra qatt mhi soluzzjoni, imma biss distruzzjoni?

02/10/2022   Pjazza San Pietru fil-Vatikan

Għeżież ħuti, il-jum it-tajjeb!

L-andament tal-gwerra fl-Ukrajna sar tant gravi, qerriedi u ta’ theddid, li jqanqal tħassib kbir.  Għalhekk illum irrid niddedika r-riflessjoni kollha ta’ qabel l-Angelus għal dan il-fatt. Infatti, dil-gwerra terribbli u ferita inkonċepibbli għall-umanità, minflok tfiq, għadha tnixxi aktar demm, bir-riskju li tinfirex aktar.

Għandi għali għax-xmajjar ta’ demm u ta’ dmugħ li xxerdu dawn l-aħħar xhur… Kompli aqra »

Il-Papa fl-Udjenza: it-talb hu għajnuna indispensabbli għad-dixxerniment spiritwali

28/09/2022

Katekeżi fuq id-Dixxerniment: 3. L-elementi tad-dixxerniment. Il-familjarità mal-Mulej

Għeżież ħuti, l-għodwa t-tajba!

Nerġgħu naqbdu l-katekeżijiet fuq it-tema tad-dixxerniment, – għax importanti ħafna t-tema tad-dixxerniment biex inkunu nafu x’inhu jiġri ġo fina; is-sentimenti u l-ideat, irridu ngħarblu mnejn ġejjin, fejn se jeħduni, lejn liema deċiżjoni – u llum nieqfu ftit fuq l-ewwel miż-żewġ elementi kostituttivi, jiġifieri t-talb… Kompli aqra »

Il-Papa talab fl-Angelus biex is-Saltna t’Alla tinkiseb flimkien mal-migranti bla ma ħadd jitwarrab

Quddiesa waqt iż-żjara pastorali f’Matera għall-għeluq tas-27 Kungress Ewkaristiku Nazzjonali

25/09/2022   Stadju komunali XXI Settembre (Matera)

Il-Mulej qed jiġborna madwar il-mejda tiegħu u jsir għalina ħobż: “Huwa l-ħobż tal-festa fuq il-mejda tal-ulied, […] joħloq il-qsim ma’ xulxin, isaħħaħ ir-rabtiet, għandu togħma ta’ komunjoni” (Innu għas-XXVII Kungress Ewkaristiku Nazzjonali, Matera 2022). Imma l-Vanġelu li għadna kemm smajna jgħidilna li mhux dejjem fuq il-mejda l-ħobż hu maqsum: dan hu minnu; mhux dejjem iħalli l-fwieħa tal-komunjoni; mhux dejjem hu miksur fil-ġustizzja.

Nagħmlu sew jekk nieqfu quddiem ix-xena drammatika mfissra minn Ġesù f’din il-parabbola li għadna kemm smajna: minn naħa raġel għani liebes il-porpra u l-għażel, li jiddandan bil-ġid tiegħu u jiekol bix-xaba’; min-naħa l-oħra, raġel fqajjar, mimli ġrieħi, mixħut fuq l-għatba bit-tama li minn dik il-mejda taqa’ mqar fraka biex jista’ jtaffi l-ġuħ… Kompli aqra »

Nibnu l-ġejjieni mal-migranti u r-rifuġjati – Il-Papa Franġisku

Messaġġ tal-Papa Franġisku fl-okkażjoni tal-108 Jum Dinji tal-Migranti u r-Rifuġjati 2022

24/09/2022

Aħna hawnhekk ma għandniex belt li tibqa’ għal dejjem, iżda qegħdin infittxu dik li għad trid tiġi.

Lhud 13:14

L-aħwa għeżież!

Is-sens aħħari tal-“vjaġġ” tagħna f’din id-dinja hu li nfittxu l-pajjiż vera tagħna, is-Saltna t’Alla imnedija minn Ġesu Kristu, li se ssib il-milja kollha tagħha meta jerġa’ jiġi fil-glorja. Is-Saltna tiegħu għadha mhix mitmuma, imma hi ġa preżenti f’dawk li laqgħu s-salvazzjoni… Kompli aqra »

Il-Papa fl-Angelus: Kunu kreattivi biex tfittxu dejjem soluzzjonijiet tajbin

18/09/2022

Pope Francis calls on the faithful to use creativity, prudence, and even cleverness, in living out the Gospel in our daily lives, and to be generous in using the goods of this world for those who need them most, showing fraternal love and social fellowship.

Għeżież ħuti, il-jum it-tajjeb!

Il-parabbola li jippreżentalna l-Evanġelju tal-Liturġija tal-lum (cfr Lq 16, 1.13) tidher li hi ftit diffiċli biex tinftiehem.  Ġesù jirrakkonta storja ta’ korruzzjoni: amministratur diżonest, li jisraq, imbagħad meta sidu jsir jaf, jaħdem b’moħħu biex joħroġ mis-sitwazzjoni.  Nistaqsu lilna nfusna: fiex jikkonsisti dal-ħażen tal-moħħ – min qed jużaħ hu korrott -, u xi jrid jgħidilna Ġesù? … Kompli aqra »

Il-Papa fil-Każakistan: Nimpenjaw ruħna biex in-nisa jkunu aktar rispettati, rikonoxxuti u involuti

Qari tad-Dikjarazzjoni Finali u l-Konklużjoni tal-Kungress fil-vjaġġ appostoliku fil-Każakistan

15/09/2022   Il-Palazz tal-Indipendenza, Nur-Sultan, il-Każakistan

Dear brothers and sisters!

We have travelled this road together, and I thank you for coming from so many different parts of the world and for bringing with you the richness of your beliefs and cultures. Thank you for having taken part so intensely in these days of work, commitment and sharing in the service of dialogue. This is more valuable than ever in challenging times like our own, when the problems of the pandemic have been compounded by the utter folly of war… Kompli aqra »