Il-Papa Franġisku

Ġabra speċjali għall-karità tal-Papa Franġisku

22/06/2023

F’kull parroċċa f’Malta, nhar is-Sibt 24 u l-Ħadd 25 ta’ Ġunju li ġej, se ssir ġabra speċjali sabiex tgħin lill-Papa Franġisku jkompli jgħin lill-persuni fil-bżonn f’kull rokna tad-dinja u jkompli jmexxi l-Knisja.

B’din il-ġabra nkunu qed nuru l-imħabba tagħna lejn il-Papa Franġisku u ngħinuh biex ikun jista’ jifrex dejjem aktar il-ħidmiet tiegħu ta’ Ragħaj tal-Knisja Universali permezz ta’ għotjiet ta’ karità mad-dinja kollha, ma’ ħutna l-aktar fil-bżonn, speċjalment ma’ dawk milqutin minn xi emerġenza, diżastru naturali jew gwerra. 

L-appell hu biex fil-ġabra nkunu ġenerużi u nuru l-għaqda tagħna mal-Papa Franġisku u l-gratitudni tagħna lejh għaż-żjara tiegħu fostna l-Maltin f’April li għadda… Kompli aqra »

Il-Papa fl-Anġelus: Aħna li nemmnu f’Alla qrib, nafdaw fih?

18/06/2023   Pjazza San Pietru, il-Vatikan

Għeżież ħuti, il-jum it-tajjeb!

Nixtieq nesprimi l-gratitudni tiegħi lejn kull min, fil-ġranet li fihom kont rikoverat fil-Policlinico Gemelli, urieni għożża, interess u ħbiberija, u żgurani li kien qed jgħinni bit-talb.  Din il-qrubija umana u spiritwali, kienet għalija għajnuna kbira u faraġ. Grazzi lil kulħadd, grazzi lilkom, grazzi minn qalbi!

Illum, fl-Evanġelju, Ġesù jsejjaħ bl-isem – isejjaħ bl-isem – u jibgħat lit-tnax l-Appostlu. Meta jibgħathom jistedinhom iħabbru ħaġa waħda: “Intom u sejrin ħabbru u għidu li s-Saltna tas-Smewwiet waslet (Mt 10,7).  Hi l-istess aħbar li biha Ġesù beda l-predikazzjoni tiegħu: is-Saltna t’Alla, jiġifieri s-sinjorija ta’ mħabbtu, qorbot lejna, ġiet fostna… Kompli aqra »

Il-Papa fl-Angelus: Alla tagħna hu komunjoni ta’ mħabba

Is-Solennità tat-Trinità Qaddisa

04/06/2023   Pjazza San Pietru, il-Vatikan

Għeżież ħuti, il-jum it-tajjeb!

Illum, Solennità tat-Trinità Qaddisa, l-Evanġelju meħud mid-djalogu bejn Ġesù u Nikodemu (ara Ġw 3:16-18). Nikodemu kien membru tas-Sinedriju, ħerqan bi ħrara kbira għall-misteru ta’ Alla: f’Ġesù jara mgħallem divin u, bil-moħbi, billejl, imur ikellmu. Ġesù jisimgħu, jifhem li dan bniedem qed ifittex u għalhekk l-ewwel iħallih mistgħaġeb meta jwieġbu li biex wieħed jidħol fis-Saltna t’Alla hemm bżonn jitwieled mill-ġdid; imbagħad jikxiflu l-misteru u jgħidlu li Alla tant ħabb lill-umanità li bagħat lil Ibnu fid-dinja.  Għalhekk, Ġesù, l-Iben, ikellimna dwar il-Missier u dwar l-imħabba bla qies tiegħu… Kompli aqra »

Il-Papa fl-Udejnza: Ejjew nistaqsu lilna nfusna – Jiena koerenti?

31/05/2023

Għeżież ħuti, l-għodwa t-tajba!

F’dawn il-katekeżijiet aħna qed inkomplu nitkellmu fuq iż-żelu appostoliku, jiġifieri dak li jħoss in-Nisrani biex imexxi ’l quddiem it-tħabbira ta’ Ġesù Kristu. U llum nixtieq nippreżenta eżempju ieħor kbir ta’ żelu appostoliku: tkellimna dwar San Franġisk Saverju, dwar San Pawl, iż-żelu appostoliku ta’ nies kbar żelanti; illum se nitkellmu fuq wieħed – Taljan – imma li mar ukoll iċ-Ċina: Matteo Ricci… Kompli aqra »

Il-Papa waqt ir-Regina Caeli: L-Ispirtu jeħles mill-biża’

28/05/2023

Għeżież ħuti, il-jum it-tajjeb!

Illum, Solennità ta’ Pentekoste, l-Evanġelju jeħodna fiċ-Ċenaklu, fejn l-appostli marru jfittxu kenn wara l-mewt ta’ Ġesù (Ġw 20,19-23). Nhar l-Għid filgħaxija, l-Irxoxt jippreżenta ruħu propju f’dik is-sitwazzjoni ta’ biża’ u qtigħ il-qalb u, waqt li nefaħ fuqhom qalilhom: “Ħudu l-Ispirtu s-Santu” (v. 22). Hekk, bid-don tal-Ispirtu s-Santu, Ġesù jixtieq ineħħi l-biża’ mid-dixxipli, il-biża’ li kienet qed iżżommhom magħluqin id-dar, u jeħlishom, sabiex isibu ħila joħorġu u jsiru xhieda u ħabbara tal-Evanġelju.  … Kompli aqra »

Il-Papa fl-Udjenza: Int dixxiplu ta’ Ġesù?

24/05/2023

Għeżież ħuti, l-għodwa t-tajba!

F’din is-serje ta’ katekeżi noqogħdu fl-iskola ta’ xi qaddisin irġiel u nisa li, bħala xhieda eżemplari, jgħallmuna ż-żelu appostoliku. Niftakru li qed nitkellmu fuq iż-żelu appostoliku, dak li għandu jkollna aħna biex inxandru l-Vanġelu.

Eżempju kbir ta’ qaddis b’passjoni għall-evanġelizzazzjoni llum immorru nsibuh f’art imbiegħda ħafna, jew aħjar, fil-Knisja Koreana. Ejjew inħarsu lejn il-martri u l-ewwel saċerdot Korean Sant’Andrija Kim Tae-gon… Kompli aqra »

Il-Papa waqt ir-Regina Caeli: X’qed jagħmel Ġesù fis-sema?

21/05/2023

Għeżież ħuti, il-jum it-tajjeb!

Illum, fl-Italja u f’ħafna pajjiżi oħra qed issir iċ-ċelebrazzjoni tal-tlugh fis-sema tal-Mulej.  Festa li nafuha sewwa iżda li tista’ tqanqal xi ftit mistoqsijiet, tnejn tal-anqas. L-ewwel waħda: għaliex qed nagħmlu festa lit-tluq ta’ Ġesù mid-dinja? Donnu jidher li t-tluq tiegħu hu mument ta’ niket, mhux eżattament xi ħaġa li tferraħ! Għaliex qed niffesteġġjaw tluq? L-ewwel mistoqsija. It-tieni mistoqsija: x’qed jagħmel issa Ġesù fis-sema?  … Kompli aqra »

Il-Papa fl-Udjenza: X’kuraġġ kellhom dawn il-qaddisin missjunarji

17/05/2023

Għeżież ħuti, l-għodwa t-tajba!

Inkomplu bil-mixja tagħna ta’ katekeżi fuq xi mudelli eżemplari ta’ żelu appostoliku… niftakru li qed nitkellmu fuq l-evanġelizzazzjoni, fuq iż-żelu appostoliku, fuq kif inxerrdu aktar l-isem ta’ Ġesù, u fl-istorja għandna tant nisa u rġiel li għamlu dan b’mod eżemplari. Illum, ngħidu aħna, nagħżlu lil San Franġisk Saverju: hu meqjus, skont xi wħud, l-ikbar missjunarju taż-żminijiet moderni… Kompli aqra »

Il-Papa waqt ir-Regina Caeli: Aħna wlied maħbubin ta’ Alla

14/05/2023   Pjazza San Pietru, il-Vatikan

Għeżież ħuti, il-jum it-tajjeb!

L-Evanġelju tal-lum, is-sitt Ħadd tal-Għid, ikellimna dwar l-Ispirtu s-Santu li Ġesù jsejjaħlu Paraklitu (cfr Ġw 14,15-17). Il-kelma Paraklitu ġejja mill-Grieg u tfisser fl-istess ħin dak li jagħti l-faraġ u avukat. Ifisser li l-Ispirtu s-Santu qatt ma jħallina waħedna, dejjem qribna bħalma avukat jibqa’ dejjem qrib l-imputat biex jassistih. U jissuġġerielna kif għandna niddefendu ruħna quddiem min jakkużana.  … Kompli aqra »

Il-Papa fl-Udejnza: Nibqgħu aħwa tajba, qatt ma llatikajna

10/05/2023

Għeżież ħuti!

Huwa b’ferħ kbir li llum insellem lill-Qdusija Tiegħu Tawadros II, Papa ta’ Lixandra u Patrijarka tas-Sede ta’ San Mark, u lid-delegazzjoni illustri li għandu miegħu.

Il-Qdusija Tiegħu Tawadros aċċetta l-istedina tiegħi li jiġi Ruma biex jiċċelebra miegħi l-ħamsin anniversarju tal-laqgħa storika bejn il-Papa San Pawlu VI u l-Papa Shenouda III, fl-1973. Kienet l-ewwel laqgħa bejn Isqof ta’ Ruma u Patrijarka tal-Knisja Kopta Ortodossa, li laħqet il-quċċata tagħha bil-firma ta’ dikjarazzjoni Kristoloġika komuni memorabbli, eżattament fl-10 ta’ Mejju… Kompli aqra »