L-Aħbarijiet

Il-Papa: ‘L-uniku mod biex noħorġu minn din il-kriżi huwa li ningħaqdu flimkien’

23/09/2020

Għeżież ħuti, donnu t-temp ma tantx hu tajjeb, imma xorta nagħtikom l-għodwa t-tajba!

Biex noħorġu aħjar minn kriżi bħal din ta’ żmienna, li hi kriżi tas-saħħa u fl-istess ħin kriżi soċjali, politika u ekonomika, kull wieħed u waħda minna hu msejjaħ jagħmel il-parti tiegħu ta’ responsabbiltà, jiġifieri jaqsam fir-responsabbiltajiet. Jeħtieġ inwieġbu mhux biss bħala individwi, imma anki fil-grupp ta’ appartenenza tagħna, fir-rwol li għandna fis-soċjetà, bil-prinċipji tagħna u, jekk nemmnu, bil-fidi f’Alla… Kompli aqra »

“L-ewtanasja hija reat kontra l-ħajja tal-bniedem; inkurabbli ma jfissirx tmiem il-kura”

22/09/2020

On Tuesday, the Congregation for the Doctrine of the Faith announced the publication of a Letter approved by Pope Francis on 25 June and entitled Samaritanus bonus (“The Good Samaritan”): On the Care of Persons in the Critical and Terminal Phases of Life”. It bears 14 July as its publication date, in honor of St Camillus de Lellis, the patron saint of the sick, hospitals, nurses, and physicians… Kompli aqra »

Inawgurat ir-restawr tal-knisja parrokkjali ta’ Ħal Balzan

20/09/2020

Tlesta xogħol ta’ restawr tal‑Knisja Parrokkjali ta’ Marija Annunzjata f’Ħal Balzan, xogħol li sar b’investiment ta’ ftit aktar minn €122,000 b’kofinanzjament minn fondi tal‑Unjoni Ewropea. Dan il‑proġett ġie inawgurat dalgħodu mill‑Isqof Awżiljarju Joseph Galea‑Curmi u mis‑Segretarju Parlamentari għall‑Fondi Ewropej Stefan Zrinzo Azzopardi. Preżenti wkoll għall‑konferenza tal‑aħbarijiet kien hemm is‑Segretarju Amministrattiv tal‑Arċidjoċesi ta’ Malta Michael Pace Ross.

Permezz ta’ dan il‑proġett li għalih ikkontribwixxa wkoll il‑poplu ta’ Ħal Balzan, twettaq xogħol ta’ restawr fuq il‑kappelluntal‑Kurċifiss, il‑ħitan tas‑sagristija minn barra, u l‑kampnar… Kompli aqra »

Clean-up tal-ambjent u tal-kuxjenza biex tassew inħarsu l-ħolqien

Stqarrija mill-Kummissjoni Interdjoċesana Ambjent

19/09/2020

Waqt attività ta’ tindif li saret dalgħodu fuq il‑Bajja tal‑Għadira, il‑Kummissjoni Interdjoċesana Ambjent (KA) qalet li ħadd ma jieħu gost jiġbor skart li ħalla ħaddieħor, u għalhekk il‑Kummissjoni tħoss li attivitajiet bħal dawn għandhom iħeġġuna biex nagħmlu eżami tal‑kuxjenza fuq il‑ħarsien tal‑ħolqien.

Iċ‑Chairperson tal‑Kummissjoni Ambjent, Mario Camenzuli, wera x‑xewqa li bis‑sehem ta’ kulħadd naslu f’sitwazzjoni fejn dawn il‑clean‑ups ma jkunx hemm għalfejn isiru… Kompli aqra »

Is-saħħa u s-sigurtà fl-iskejjel jibqgħu prijorità ewlenija

Stqarrija mis-Segretarjat għall-Edukazzjoni Nisranija

18/09/2020

L‑iskejjel tal‑Knisja qed jaħdmu qatigħ sabiex jiftħu u jilqgħu lill‑istudenti u l-edukaturi f’ambjent kemm jista’ jkun sigur. Qed isir ħafna xogħol u saru ħafna spejjeż biex jinħoloq dan l‑ambjent. Barra minn hekk, l‑iskejjel tal‑Knisja għaddejjin b’diskussjonijiet kontinwi mal‑Ministeru tal‑Edukazzjoni u x‑Xogħol, u mal‑Malta Union of Teachers.

Is‑saħħa u s-sigurtà tal‑istudenti, tal‑istaff kollu u tal‑familji tagħhom, u tal‑komunità inġenerali, jibqgħu prijorità ewlenija għall‑iskejjel tal‑Knisja… Kompli aqra »

Il-Papa jirringrazzja lis-saċerdoti anzjani u morda tax-xhieda fidila tagħhom

18/09/2020

In the message addressed to “brother priests,” the Pope thanks the Episcopal Conference of Lombardy, which for six years has organized the Day of Prayer and Fraternity with elderly and sick clergy.

“It is beautiful,” Pope Francis says, the attention that is shown to those priests who are physically more fragile.

The Pope expresses his delight that elderly and sick priests were able to travel with their Bishops to the Sanctuary of Our Lady of Caravaggio, despite restrictions due to the coronavirus… Kompli aqra »

L-Isqof Mario Grech jinħatar Segretarju Ġenerali tas-Sinodu tal-Isqfijiet

16/09/2020

Il-Q.T. il-Papa Franġisku ħatar uffiċjalment lill-E.T. Mons. Mario Grech, Isqof emeritu ta’ Għawdex, bħala Segretarju Ġenerali tas-Sinodu tal-Isqfijiet. L-aħbar ġiet imxandra fil-Bullettin tas-Sala Stampa tal-Vatikan illum f’12.00pm.

Huwa qed jissuċċiedi lil-Em.T. il-Kardinal Lorenzo Baldisseri, li serva f’din il-kariga sa mill-21 ta’ Settembru 2013 u fi żmienu nżammu erba’ Sinodi, li tlieta minnhom ħa sehem fihom l-Isqof Grech bħala Isqof ta’ Għawdex u President tal-Konferenza Episkopali Maltija… Kompli aqra »

“Monument tal-ħniena” – L-Arċisqof fil-55 sena mit-twaqqif tad-Dar tal-Providenza

13/09/2020   Id-Dar tal-Providenza, is-Siġġiewi

Waqt quddiesa ta’ radd il-ħajr lil Alla f’għeluq il-55 Anniversarju mit-twaqqif tad-Dar tal-Providenza, l-Arċisqof Charles Scicluna ddeskriva d-Dar bħala “monument tal-ħniena”. Żied jgħid li meta Dun Mikiel Azzopardi, il-fundatur tagħha, laqa’ l-ewwel residenti fid-Dar tas-Siġġiewi laqagħhom b’ħarsa ta’ ħniena, mhux għax imsieken, imma għax ried li l-għożża li d-Dar dejjem ikollha lejn ir-residenti tagħha tkun mera tal-għożża li Alla għandu lejn il-bniedem.

Fit-12 ta’ Settembru 1965 Dun Mikiel qasam mas-semmiegħa tiegħu fuq programm li kellu fuq ir-Rediffusion ix-xewqa li jiftaħ l-ewwel dar residenzjali f’Malta għall-persuni b’diżabbiltà.  Wara l-programm waħda mara marret issibu u tagħtu l-ewwel donazzjoni biex jibda jirrealizza b’mod konkret din il-ħolma kif fil-fatt għamel… Kompli aqra »

Kemm tbatija u gwerer jiġu evitati kieku l-maħfra u l-ħniena kienu l-istil ta’ ħajjitna – Il-Papa Franġisku fl-Angelus

13/09/2020   Pjazza San Pietru, il-Vatikan

Għeżież ħuti, il-jum it-tajjeb!

Fil-parabbola li naqraw fl-Evanġelju tal-lum, dik tas-sultan ħanin (cfr Mt 18,21-35), għal darbtejn insibu din it-talba ħerqana: “Stabar ftit bija, kollox irroddlok” (vv.26.29).  L-ewwel darba jgħidha l-qaddej li lil sidu kellu jtih għaxartelef talent, somma enormi, illum jissarfu f’miljuni fuq miljuni ta’ Ewro.  It-tieni darba tittenna minn qaddej ieħor tal-istess sid.  Huwa wkoll midjun, mhux lejn sidu imma lejn l-istess qaddej li għandu dak id-dejn enormi.  Id-dejn tiegħu hu żgħir ħafna, forsi daqs il-paga ta’ ġimgħa… Kompli aqra »