L-omelija tal-Isqof Joseph Galea-Curmi

“Ħarsu rwieħkom minn kull regħba” (Lq 12:15). Dan hu li jgħid Ġesù llum fl-Evanġelju skont San Luqa. Id-diskors beda meta xi ħadd mill-folla talab lil Ġesù biex jgħid lil ħuh jaqsam il-wirt miegħu. U Ġesù qallu li ma jidħolx fin-nofs f’affarijiet familjari, ma jkunx l-imħallef tagħhom Ġesù. Imma mbagħad idur lejn in-nies u jgħidilhom: “Iftħu għajnejkom u ħarsu rwiekom minn kull regħba”… Kompli aqra »

L-omelija tal-Isqof Joseph Galea-Curmi

125 sena ilu, b’digriet tal-Isqof Pietru Pace, M’Xlokk saret parroċċa ddedikata lill-Madonna ta’ Pompei. Għalhekk illum qed niċċelebraw storja twila ta’ din il-komunità parrokkjali. Hija storja ta’ tant saċerdoti u reliġjużi li taw ħajjithom għan-nies ta’ M’Xlokk u tant persuni li tul is-snin taw il-kontribut fil-ħajja tal-parroċċa, u nies li gawdew mill-ħidma f’din il-parroċċa.

Grazzi mill-qalb

Tul is-snin, kien hemm tant nies li stinkaw biex f’M’Xlokk tixxandar il-Kelma ta’ Alla, kif smajna lil San Pawl jinsisti llum fit-tieni Ittra lil Timotju – il-kelma li l-qofol tagħha hi l-Aħbar it-Tajba li Ġesù hu ħaj… Kompli aqra »

L-omelija tal-Isqof Joseph Galea-Curmi

L-istorja li jgħid Ġesù llum fl-Evanġelju skont San Luqa turina żewġ persuni: waħda armla u mħallef.  L-armla qed tagħmel talba insistenti quddiem Imħallef. Nixtieq li nħarsu lejn dawn it-tnejn biex nifhmu l-messaġġ li Ġesù qed jagħtina.

Inħarsu l-ewwel lejn l-armla, persuna li għaddejja minn tbatija. Fi żmien Ġesù, l-armla kienet  fost in-nies l-aktar maħqura u li jbatu fis-soċjetà ta’ dak iż-żmien.  Ma kellha lil ħadd jaqbeż għaliha, jew jippreżenta l-każ tagħha; kien rari f’dak iż-żmien li mara tidher quddiem Imħallef.  Imma din kienet mara ta’ determinazzjoni qawwija, u ta’ rieda soda, u kienet temmen li, anke jekk trid tieħu ħafna paċenzja, fl-aħħar il-ġustizzja ssir… Kompli aqra »

L-omelija tal-Isqof Joseph Galea-Curmi

“Nisel ħażin huwa dan in-nisel! Irid sinjal!” (Lq 11: 29) Dan hu l-ilment li għamel Ġesù fuq diversi nies, u li naqraw illum fl-Evanġelju skont San Luqa. U Ġesù jgħid: “Ebda sinjal ma jingħatalu ħlief is-sinjal ta’ Ġona” (Lq 11:29).

Għaliex Ġesù ħadha daqshekk bi kbira li kien hemm diversi nies li riedu sinjal? Għax, fil-fatt, dawn in-nies kienu raw diversi sinjali… Kompli aqra »

L-omelija tal-Isqof Joseph Galea-Curmi

Hemm poeżija/talba antika bl-Ingliż tal-Poeta George Herbert li kitibha fis-seklu 17 (1633) u li tibda hekk: “O Lord, you have given me so much. Please give me one thing more: a grateful heart”.

Ftakart f’din it-talba fil-ġrajja fl-Evanġelju tal-lum li tistedinna nagħrfu bi gratitudni kbira d-doni ta’ Alla. Fit-triq li twasslu għall-mewt u l-qawmien, Ġesù ltaqa’ ma’ għaxar persuni morda bil-lebbra, li ma setgħux jersqu viċin tiegħu minħabba l-marda; mill-bogħod bdew jgħajtu għall-għajnuna: “Ġesù, mgħallem, ikollok ħniena minna!” (Lq17:13)… Kompli aqra »

L-omelija tal-Isqof Joseph Galea-Curmi

Fit-tifkira llum tal-Madonna tar-Rużarju, tajjeb li aħna nġeddu l-fiduċja tagħna f’din l-omm li takkumpanjana fil-ħajja tagħna. Ġesù minn fuq is-salib tahielna bħala omm, biex hi tieħu ħsiebna, tħarisna, biex tipproteġina u takkumpanjana bl-imħabba.

Filwaqt li aħna nħarsu lejn Marija dejjem bħala dik l-omm li miexja magħna f’ħajjitna, hi wkoll omm li tgħallimna, u tgħallimna ħafna affarijiet importanti għall-ħajja tagħna… Kompli aqra »

L-omelija tal-Isqof Joseph Galea-Curmi

L-istorja tas-Samaritan it-Tajjeb, li jgħid Ġesù fl-Evanġelju llum, hija storja qawwija u li tmur għall-qalba tal-ħajja tagħna Nisranija. Hija storja li Ġesù biha wieġeb il-mistoqsija li għamillu wieħed għaref tal-liġi wara li kien semma li l-qofol tal-liġi hu li tħobb lil Alla u li tħobb il-proxxmu tiegħek bħalek innifsek. Il-mistoqsija kienet: “Il-proxxmu tiegħi min hu?” (Lq 10:29)

Bidel il-mistoqsija

X’għamel Ġesù? … Kompli aqra »

L-omelija tal-Isqof Joseph Galea-Curmi

Korożajn, Betsajda u Kafarnahum huma tlett ibliet li Ġesù jsemmi fl-Evanġelju llum skont San Luqa. Kienu bliet in-naħa ta’ fuq tal-baħar tal-Galilija – Betsajda u Kafarnahum mal-baħar, u Korożajn ftit ’il fuq. Huma bliet marbuta mal-ministeru ta’ Ġesù. Għalkemm Korożajn ma tissemmiex ħlief hawn, imma Betsajda – il-kelma tfisser id-dar tas-sajd – kien il-post minn fejn ġew tlieta mill-appostli ta’ Ġesù: Filippu, Indri u Pietru… Kompli aqra »

L-omelija tal-Isqof Joseph Galea-Curmi

Naħseb ilkoll narawha stramba kif Ġesù jgħid lid-dixxipli tiegħu biex “ma jgħidu lil ħadd b’dan” (Lq 9:21). Pietru kien għadu kif qallu “Inti l-Messija ta’ Alla” (Lq 9:20), u Ġesù jgħid lilu u lid-dixxipli, anzi “ikkmandahom u qalilhom ħafna biex ma jgħidu lil ħadd b’dan”. Għaliex?

Iktar u iktar narawha stramba meta Pietru qal ir-risposta t-tajba: “Inti l-Messija ta’ Alla”… Kompli aqra »