Il-Kelma tal-Isqof Awżiljarju

Għarrafthom lil min hu ċkejken – L‑Isqof Galea‑Curmi

Quddiesa fil-festa ta' Santa Katarina ta' Siena

29/04/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Dawn il-ħwejjeġ…għarrafthom lil min hu ċkejken”. Dan hu l-kliem li jgħid Ġesù llum fl-Evanġelju skont San Mattew, meta jfaħħar lill-Missier għax “dawn il-ħwejjeġ ħbejthom lil min hu għaref u lil min jifhem, u għarrafthom lil min hu ċkejken”. Fl-Evanġelju skont San Luqa nsibu din l-istess silta; hemm miktub li Ġesù kien mimli bil-ferħ li ġej mill-Ispirtu s-Santu meta qal dan il-kliem… Kompli aqra »

Xandar tal-Evanġelju – L-Isqof Galea-Curmi

Quddiesa fil-festa ta’ San Mark

25/04/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

San Mark hu wieħed mill-erba’ evanġelisti. Kien il-kuġin ta’ San Barnaba, u fil-fatt narawh flimkien ma’ Barnaba u Pawlu f’wieħed mill-vjaġġi missjunarji tagħhom. Imbagħad kien hemm xi żmien li kien hemm nuqqas ta’ ftehim, kif naqraw fl-Atti tal-Appostli Kapitlu 15, u spiċċa hu jmur ma’ Barnaba, u Pawl band’oħra. Imma iktar ’l quddiem naraw li jerġgħu flimkien. San Pawl fit-Tieni Ittra lil Timotju jgħidlu: “Ħu ’l Marku u ġibu miegħek għax hu jiswieli ħafna għall-ministeru” (2 Tim 4:11)… Kompli aqra »

Ikollok ħniena minna – L-Isqof Galea-Curmi

Quddiesa fil-festa tal-Ħniena Divina

24/04/2022   Is-Santwarju tal-Ħniena Divina, in-Naxxar

L-omelija tal-Isqof Joseph Galea-Curmi

“Is-sliem għalikom”. Din kienet it-tislima li ta Ġesù lid-dixxipli tiegħu meta dehrilhom wara li qam mill-mewt, għal darba darbtejn, u din hi t-tislima li aħna nixtiequ li jkollna, u dak li qed infittxu aħna li miġburin flimkien niċċelebraw il-Festa tal-Ħniena Divina. Aħna nixtiequ li jkollna s-sliem l-ewwel nett f’qalbna – il-paċi f’qalbna – imbagħad il-paċi man-nies li ngħixu magħhom, paċi fis-soċjetà tagħna u paċi fid-dinja… Kompli aqra »

Mulej tiegħi u Alla tiegħi

Quddiesa fit-Tieni Ħadd il-Għid

24/04/2022   Il-Knisja tal-Bon Pastur, Ħal Balzan

L-omelija tal-Isqof Joseph Galea-Curmi

Tolqotna ħafna fl-Evanġelju kif id-difetti, in-nuqqasijiet, u d-dnubiet ta’ dawk qrib ta’ Ġesù, tat-tnax, narawhom, u narawhom mhux darba jew tnejn, imma diversi drabi. Tolqotna għax dawn il-persuni kienu l-bidu tal-Knisja, u min kiteb l-Evanġelju, flok għatta, iċċensura, in-nuqqasijiet u d-difetti tagħhom, semmiehom – u kull darba aħna niftakru fihom.

Bla ħabi

Niftakru speċjalment, meta ċċelebrajna l-Passjoni ta’ Ġesù, fiċ-ċaħdiet ta’ Pietru – Pietru, il-kap tal-Knisja… Kompli aqra »

Ħsibijiet mill-Għid sa Pentekoste – It-Tieni Ħadd tal-Għid

24/04/2022

Riflessjoni mill-Isqof Joseph Galea-Curmi għat-Tieni Ħadd tal-Għid 2022

Evanġelju: Ġw 20:19-31

Dakinhar filgħaxija, fl-ewwel jum tal-ġimgħa, meta d-dixxipli kienu flimkien imbeżżgħa mil-Lhud, bil-bibien magħluqa, ġie Ġesù u qagħad f’nofshom; u qalilhom: “Is-sliem għalikom!”. Kif qal hekk, uriehom idejh u ġenbu. Id-dixxipli ferħu meta raw lill-Mulej. Imbagħad Ġesù tenna jgħidilhom: “Is-sliem għalikom! Kif il-Missier bagħat lili, hekk jien nibgħat lilkom”. Kif qal hekk, nefaħ fuqhom u qalilhom: “Ħudu l-Ispirtu s-Santu… Kompli aqra »

Ma felħux jiġbdu x-xibka – L-Isqof Galea-Curmi

22/04/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Ix-xibka… ma felħux jiġbduha daqskemm qabdu ħut”. Hekk naqraw fl-Evanġelju skont San Ġwann, dan ir-rakkont sabiħ ta’ waħda mid-dehriet ta’ Kristu Rxoxt lid-dixxipli tiegħu. U kienet għalihom tassew sorpriża, għax dawn is-seba’ dixxipli, u Pietru diġà hu l-kap tagħhom hawnhekk, joħorġu jistadu u jagħmlu l-lejl sħiħ u ma jaqbdu xejn. Issa dawn kienu esperti fis-sajd. Imbagħad jaraw lil dan ir-raġel, għall-bidu ma għarfuhx li kien Ġesù, li jgħidilhom, wara li staqsiehom fuq l-ikel: “Waddbu x-xibka fuq in-naħa tal-lemin tad-dgħajsa, u ssibu”… Kompli aqra »

Impenn qawwi bħar-riħ li jnaddaf – L-Isqof Galea-Curmi

Quddiesa b'suffraġju għal Daphne Caruana Galizia

20/04/2022   Il-Knisja ta’ San Franġisk, il-Belt Valletta

L-omelija tal-Isqof Joseph Galea-Curmi

Għadna kif għexna t-tifkira tal-passjoni, il-mewt u l-qawmien ta’ Ġesù. Hemm osservazzjoni interessanti li jagħmel il-Papa Benedittu XVI fil-ktieb tiegħu fuq Ġesù ta’ Nażaret, meta jitkellem fuq ir-rakkont tal-passjoni ta’ Ġesù. Hu jitkellem fuq meta Ġesù daħal Ġerusalemm u kien milqugħ b’mod trijonfali min-nies, li bdew jgħajtu: “Osanna, imbierek min ġej f’isem il-Mulej”. Imbagħad, ftit wara, naraw lil Ġesù quddiem Pilatu, u l-folla tgħajjat “Sallbu”, u tagħżel li teħles lill-brigant u ssallab lil Sid il-ħajja… Kompli aqra »

Ħolqien ġdid fi Kristu – L-Isqof Galea-Curmi

Il-Vġili Solenni tal-Qawmien tal-Mulej mill-Imwiet

16/04/2022   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

Bħal-lum 95 sena ilu twieled il-Papa Emeritu Benedittu XVI. Dakinhar kien ukoll Sibt il-Għid. Imwieled f’Sibt il-Għid, il-Papa Benedittu XVI hu wieħed minn dawk li jfisser b’mod hekk sabiħ il-ġrajja tal-Qawmien ta’ Kristu, l-ikbar ġrajja għalina. Nixtieq li nieħu żewġ espressjonijiet li hu jgħid, li fihom tifsira kbira ħafna u li lilna jistgħu jkunu wkoll ta’ għajnuna għall-ħajja tagħna. Isejjaħ il-ġrajja tal-qawmien ta’ Ġesù Kristu “splużjoni ta’ dawl” u “splużjoni ta’ mħabba”… Kompli aqra »

Jalla l-messaġġ tal-Papa Franġisku jinżel fil-fond ta’ qalbna – L-Isqof Galea-Curmi

Ħames affarijiet importanti mill-indirizz tiegħu fil-Palazz Presidenzjali

17/04/2022

Article by Bishop Joseph Galea-Curmi

We have welcomed Pope Francis with a warm heart. His loving presence in Malta was surely the first important message to us all. He radiated compassion, kindness and joy wherever he went, even though at times he had to struggle to walk because of leg pain.

He also had some important words to share with us… Kompli aqra »

Għaxar punti mill-messaġġ tal-Papa Franġisku lis-soċjetà Maltija – L-Isqof Galea-Curmi

17/04/2022

Iż-żjara tal-Papa Franġisku f’pajjiżna tat messaġġ qawwi lilna lkoll – lis-soċjetà Maltija u lill-Knisja f’Malta. Hi, qabelxejn, il-preżenza tiegħu kollha mħabba, il-ġesti tiegħu li juru kompassjoni, viċinanza u tenerezza, li fihom infushom jgħidulna ħafna u jagħtuna l-isbaħ messaġġ. L-entużjażmu li bih tant nies laqgħu lill-Papa juri apprezzament kbir għal din il-preżenza tiegħu fostna.

Hemm ħafna wkoll fil-kliem li qalilna, u nixtieq li nirriflettu fuq punti partikulari mid-diskors li hu għamel lill-awtoritajiet ċivili – diskors li wera kemm jaf sewwa s-soċjetà Maltija… Kompli aqra »