Il-Kelma tal-Isqof Awżiljarju

Li nkunu Knisja li tisma’ hu mod kif ngħixu diġà l-Evanġelju – L-Isqof Galea-Curmi

Messaġġ fi tmiem il-webinar Knisja li Tisma'

14/10/2021

Il-messaġġ tal-Isqof Galea-Curmi

Nirringrazzja lil min qed jieħu sehem u anki lil min ħa ħsieb l-organizzazzjoni ta’ din il-laqgħa. Naħseb li hi grazzja li qed nagħmlu dan l-eżerċizzju fil-ħajja tal-Knisja f’Malta, li bdejnieh is-sena li għaddiet u li qed nagħmluh iktar b’mod qawwi flimkien mal-ħidma li qed issir fil-mixja sinodali mill-Knisja Universali u li l-Papa Franġisku nieda ftit tal-jiem ilu.

Nixtieq insemmi punt li semma Fr Mario Mangion, li xi ħadd qallu, “Mur u imxi”… Kompli aqra »

L-aqwa sinjal – L-Isqof Galea-Curmi

11/10/2021   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Il-profeta Ġona hu dak li Ġesù jsemmi fil-bidu u fl-aħħar tal-Evanġelju tal-lum, u speċjalment jenfasizza s-“sinjal ta’ Ġona”. Dan għaliex kien qed jitkellem ma’ nies li riedu sinjal mingħandu. Issa hu kien diġà għamel ħafna sinjali, bil-mirakli li għamel. Imma dawn riedu sinjal spettakolari, xi ħaġa li tgħaġġeb lil kulħadd. U Ġesù jgħidilhom: ebda sinjal ma jingħata lil dan in-nisel ħlief is-sinjal ta’ Ġona… Kompli aqra »

Kemm hi għażiża din id-dar! – L-Isqof Galea-Curmi

08/10/2021   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Kien fit-8 ta’ Ottubru 1702 meta l-Isqof ta’ dak iż-żmien, Davide Cocco Palmieri, ikkonsagra l-Katidral. Il-Katidral kien diġà hemmhekk qabel, imma l-knisja kienet ġarrbet ħsarat kbar minħabba t-terremot li kien sar fl-1693. Għalhekk, fuq disinn ta’ Lorenzo Gafà, inbniet din il-knisja ddedikata lil San Pawl, knisja li hi issa l-Katidral ta’ Malta. Aħna ngħidu “il-Katidral tal-Imdina”, imma festa bħal din fl-anniversarju tal-konsagrazzjoni mhix biss il-festa tal-parroċċa tal-Imdina, jew tan-nies li joqogħdu hemm, imma hi l-festa tal-Knisja kollha f’Malta… Kompli aqra »

Is-samaritana t-tajba ta’ żmienna – L-Isqof Galea-Curmi

04/10/2021   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Ftit ta’ ġranet ilu, Malta kollha kienet ixxukkjata b’dak li ġara fi Triq is-Selmun, il-Mellieħa, meta kien hemm raġel mill-Ghana li spiċċa fuq bankina, ferut. Jidher li ġara kien li kien qed jaħdem, waqa’ żewġ sulari, u flok ħaduh l-isptar, ħaduh jew qiegħduh hemmhekk fuq bankina, u abbandunawh hemm. Bir-raġun kien hemm dan l-għagħa fost in-nies, għax bniedem ma tabbandunahx f’nofs ta’ triq, speċjalment meta mweġġa’ u għandu bżonn l-għajnuna… Kompli aqra »

Vokazzjoni importanti – L-Isqof Galea-Curmi

Quddiesa fis-27 Ħadd ta’ Matul is-Sena

03/10/2021   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

Meta ngħidu “nitolbu għal vokazzjonijiet”, moħħna jmur mill-ewwel fis-sejħa li jagħmel Alla għall-ħajja saċerdotali jew reliġjuża. Bir-raġun, imma hemm diversi sejħiet oħra, u waħda mill-vokazzjonijiet importanti hi dik għall-ħajja miżżewġa.

Ħajja li ġejja minn Alla

Il-kelma ta’ Alla, mill-ktieb tal-Ġenesi – ktieb li nkiteb tant snin ilu imma jibqa’ attwali, anzi forsi qatt ma kien daqshekk attwali f’ċerti punti li jagħmel – tgħidilna li ż-żwieġ hu vokazzjoni… Kompli aqra »

Nieħdu ħsieb id-dar komuni tagħna

03/10/2021

“…when we take care of the environment we are taking care of ourselves.” Article by Auxiliary Bishop Joseph Galea-Curmi

A year ago today, Pope Francis published his third encyclical, entitled Fratelli Tutti (We are all brothers and sisters). It speaks about fraternity and social friendship, which the Pope indicates as the ways to build a more just and peaceful world, with the contribution of all… Kompli aqra »

Messaġġiera speċjali – L-Isqof Galea-Curmi

29/09/2021   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Il-kelma ‘anġlu’ ġejja mill-kelma Griega ‘angelos’ li tfisser messaġġier. Fl-Iskrittura, l-anġli huma l-messaġġiera ta’ Alla, u t-tlieta li jissemmew b’isimhom – li aħna nsejħu arkanġli – huma proprju dawk li qed nagħmlu l-festa tagħhom illum: Mikiel, Gabrijel u Rafel. F’isimhom stess – fit-tifsira ta’ isimhom – hemm miġbura l-missjoni li Alla tahom.

Mikiel, ismu jfisser: min hu bħal Alla? … Kompli aqra »

Qalb li tilqa’ – L-Isqof Galea-Curmi

27/09/2021   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Hemm ċirkustanzi fil-missjoni ta’ Ġesù li ġabulu swied ta’ qalb. Din tal-lum hi waħda minnhom, meta ntebaħ li d-dixxipli kienu qed jitkellmu, fi kliem l-Evanġelju skont San Luqa, dwar min kien l-akbar fosthom: “inqalgħet kwestjoni …dwar min kien l-akbar fosthom”.

Kienet ta’ swied il-qalb għax kienet tmur kontra dak li għallem Ġesù lilhom u dak li wriehom bil-ħajja tiegħu… Kompli aqra »

Magħna jew kontrina – L-Isqof Galea-Curmi

Quddiesa fil-Jum Dinji tal-Migranti u r-Refuġjati

26/09/2021   Il-Knisja ż-Żgħira ta’ San Sebastjan, f’Ħal Qormi

L-omelija tal-Isqof Joseph Galea-Curmi

Aħna l-Maltin – imma naħseb li mhux biss il-Maltin – għandna kultant it-tendenza li nagħmlu bħalma smajna llum fl-Evanġelju: nifirdu n-nies ‘magħna’ u ‘mhux magħna’.  Smajna fl-Evanġelju llum lil Ġwanni jgħid lil Ġesù: kien hemm raġel li ridna nżommuh għax mhux magħna u mhux wieħed minn tagħna.

Kultant jiġrilna hekk: li nifirdu n-nies ‘magħna’ u ‘mhux magħna’. Kultant, aktar minn hekk: ‘magħna’ u ‘kontrina’… Kompli aqra »

Tweġiba li ġejja mill-qalb – L-Isqof Galea-Curmi

24/09/2021   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Aħna mdorrijin li nisimgħu l-kelma ta’ Ġesù u fiha naraw dak li jgħallimna għall-ħajja tagħna u li jurina kif għandna ngħixu l-ħajja tagħna. Imma hemm mumenti fl-Evanġelju fejn Ġesù jistaqsi, jagħmel hu l-mistoqsijiet. Kien hemm min ġabar dawn il-mistoqsijiet li għamel Ġesù – hemm iktar minn mija. U donnu mindu kien żgħir kien jagħmel dan, għax fl-Evanġelju skont San Luqa, fit-tieni kapitlu, hemm dak ir-rakkont meta Ġesù baqa’ fit-tempju, u marru Marija u Ġużeppi jfittxuh, u l-Evanġelju jgħid li sabuh fost l-għalliema, “jismagħhom u jistaqsihom” (Lq 2:46)… Kompli aqra »