L-omelija tal-Isqof Joseph Galea-Curmi

Faċli fil-ħajja nirraġunaw, kif semma Ġesù hawnhekk fl-Evanġelju, “għajn b’għajn u sinna b’sinna”. Kważi tiġi naturali li meta nirċievu azzjoni ħażina, irridu npattu b’azzjoni ħażina. Ġesù kien jaf li n-nies kienu midħla ta’ dan, għalhekk jgħidilhom: “Smajtu xi ntqal…”

Imma li kultant ninsew, anke meta nitkellmu fuq dan, hu li fit-Testment il-Qadim “għajn b’għajn u sinna b’sinna” ma kinitx tfisser: jekk xi ħadd għamillek azzjoni ħażina, qis li tpattihielu b’azzjoni ħażina… Kompli aqra »

L-omelija tal-Isqof Joseph Galea-Curmi

Ma nafx jekk qatt rajtux żerriegħa tal-mustarda. Hi żerriegħa tassew żgħira. Ġesù jgħid fl-Evanġelju llum, li hi: “l-iċken fost iż-żrieragħ kollha tal-art”. Għalhekk jolqotna l-fatt li Ġesù jxebbah is-Saltna ta’ Alla ma’ żerriegħa, u b’mod partikulari ma’ żerriegħa tal-mustarda.  Meta nisimgħu l-kelma ‘saltna’, l-ewwel ma jiġi f’moħħna hi xi ħaġa kbira, imma Ġesù jgħid li s-Saltna ta’ Alla tixbah lill-iktar ħaġa żgħira, li bil-mod il-mod tikber u tiżviluppa… Kompli aqra »

L-omelija tal-Isqof Joseph Galea-Curmi

Il-qalb hi dik li minnha naraw il-persuna x’tip hi jew fiex tinsab. Meta ġieli tisma’ fuq xi ħadd ‘qalbu sewda’, mhux għall-kulur iswed tal-qalb ikunu qed jgħidu, imma li bniedem dispjaċut; u meta ngħidu ‘qalbu tajba’, mhux għax il-qalb taħdem tajjeb ikunu qed jgħidu, imma għax hu bniedem kollu kemm hu ġeneruż.

Għalhekk, il-festa tal-lum tal-qalb ta’ Ġesù tistedinna nagħrfu min hu Ġesù għalina… Kompli aqra »

L-omelija tal-Isqof Joseph Galea-Curmi

Għalkemm ġieli nħawduhom, hemm differenza bejn premju u rigal. Premju jagħtuhulek għal xi ħaġa li tkun ħdimt għaliha u li ksibt, pereżempju għax tmur tajjeb ħafna f’eżami. Premju jagħtuhulek għax ikun ħaqqek, għax tkun stinkajt, għax ikun mertu tiegħek.

Rigal mhux hekk. Rigal – fis-sens proprju tal-kelma, għax kultant qlibna s-sens proprju tal-kliem – jagħtihulek xi ħadd bil-qalb, bi mħabba… Kompli aqra »

L-omelija tal-Isqof Joseph Galea-Curmi

Lil Ġesù nafuh jgħallem, u f’diversi drabi kien hemm min għamillu mistoqsija, jew aktar minn waħda. Xi wħud staqsewh biex ikunu jafu iktar jew ikollhom l-affarijiet aktar ċari, kif għamlu d-dixxipli tiegħu; oħrajn, bħal xi Fariżej, biex jonsbuh jew biex jaqilgħu xi polemika. Imma mbagħad hemm drabi oħra fejn hu Ġesù li jagħmel mistoqsija jew aktar minn waħda; u jagħmilha mhux għax ma kienx jaf ir-risposta, imma aktar biex jgħin lin-nies jaħsbu u jwassal għall-punt li jixtieq jagħmel… Kompli aqra »

L-omelija tal-Isqof Joseph Galea-Curmi

F’diversi ġrajjiet fl-Evanġelju tolqotna kif Marija hi dejjem fis-skiet u fil-kwiet. Meta dehrilha l-anġlu Gabrijel, u hi aċċettat li ssir omm Alla, hemm ċerta serenità li toħroġ mir-rakkont; anke meta naraw lil Marija taħt is-salib. L-Evanġelju jgħid li hi kienet “tgħożż f’qalbha” dak li qed tgħix. Hemm ċertu kwiet, skiet.

Lil Marija nsibuha differenti fir-rakkont tal-lum fejn narawha mgħaġġla… Kompli aqra »

Meta aħna niċċelebraw is-solennità tat-Trinita Qaddisa, qed nagħrfu lil Alla li hu wieħed fi tliet persuni – il-Missier, l-Iben u l-Ispirtu s-Santu. Aħna nispjegaw dan bħala “misteru tal-fidi”. Issa kultant li jiġri  hu dan: li meta ħafna minna nisimgħu l-kelma “misteru”, għalina jfisser li hi ħaġa li ma tistax tifhimha. U għalhekk kultant diversi nies, ir-reazzjoni tagħhom hi: inutli, jekk ma nistax nifhem, ma nista nifhem, hu misteru… Kompli aqra »

L-omelija tal-Isqof Joseph Galea-Curmi

Hemm minjiera ta’ tagħlim f’din is-silta mill-Evanġelju skont San Mark. Għall-bidu taħseb li Ġesù qam b’burdata ħażina, waħda wara l-oħra! Imma meta tara fil-fond din is-silta, li qiegħda wara d-daħla messjanika ta’ Ġesù f’Ġerusalemm, u issa li qed joqrob dejjem aktar lejn il-passjoni u l-mewt tiegħu, tara din it-tifsira kbira.

Speċjalment kif hemm ġo xulxin il-ġrajja ta’ Ġesù u s-siġra tat-tin – din il-ġrajja qiegħda maqsuma fi tnejn – u f’nofsha hemm il-ġrajja ta’ Ġesù fit-tempju… Kompli aqra »