Il-Kelma tal-Isqof Awżiljarju

Nagħmlu mill-isfidi opportunitajiet ta’ tiġdid – L-Isqof Galea-Curmi

Laqgħa ta’ talb u riflessjoni mal-Provinċja Agostinjana

24/09/2020   Il-Knisja Parrokkjali Santu Wistin, il-Belt Valletta

Messaġġ mill-Isqof Awżiljarju Joseph Galea-Curmi

Test għar-riflessjoni: “Jien naf il-pjanijiet li ħsibt għalikom, oraklu tal-Mulej, pjanijiet ta’ ġid u mhux ta’ ħsara, li nagħtikom ġejjieni mimli tama. Intom issejħuli u tiġu titolbuni u jien nismagħkom. Tfittxuni u ssibuni meta tfittxuni b’qalbkom kollha.” (Ġeremija 29:11-13)

Il-kuntest

X’inhu l-kuntest ta’ dan il-kliem? Hu importanti l-kuntest għax jagħti tifsira ħafna aktar profonda lil dan il-kliem u dak li jfisser għalina llum… Kompli aqra »

Il-folla tan-nies mhux bilfors għandha raġun – L-Isqof Galea-Curmi

25/09/2020   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

L-istħarriġ li għamel Ġesù mad-dixxipli tiegħu, biex jara n-nies x’jaħsbu fuq min kien, jidher li ma tax wisq riżultati tajbin. Id-dixxipli rrapportawlu li kien hemm min qed jgħid li hu Ġwanni l-Battista, oħrajn Elija, u oħrajn wieħed mill-profeti. Il-maġġoranza kbira ma kinux jafu sew min kien – u kienu żbaljati.

U meta staqsa mbagħad lilhom, lid-dixxipli, u Pietru qallu: “Inti l-Messija ta’ Alla” – risposta tajba – Ġesù mal-ewwel spjega kif għandu jifhem il-kelma ‘Messija’: li hu kien se jbati ħafna, jiċħduh, joqtluh u fit-tielet jum iqum… Kompli aqra »

Ma’ Alla ma nistgħux nippretenduha – L‑Isqof Galea‑Curmi

Quddiesa fil-25 Ħadd matul is-sena

20/09/2020   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

Meta naqraw l-Evanġelju tal-lum, żgur li jiġi f’moħħna: dan kif Ġesù qed iqabbel is-Saltna ta’ Alla ma’ sid li jħallas l-istess lil min ħadem siegħa u ’l min għamel il-ġurnata kollha jaħdem?  Din ġustizzja? Din fair? Ħaġa sewwa? 

Għalhekk importanti li aħna nifhmu x’irid jgħid Ġesù b’din il-parabbola u x’ma jridx jgħid.  Din mhix parabbola li  titkellem fuq il-ġustizzja soċjali, kif għandha tkun il-ġustizzja bejn in-nies… Kompli aqra »

L-ugwaljanza quddiem Alla qatt ma telimina d-diversità –L-Isqof Galea-Curmi

Quddiesa b'tifkira ta’ San Ġużepp ta’ Copertino, reliġjuż u patrun tal-istudenti li qed iħejju għall-eżamijiet

18/09/2020   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Fl-Evanġelju llum għandna stampa tal-missjoni ordinarja ta’ Ġesù, dak li hu l-aktar essenzjali fil-missjoni ta’ Ġesù, u allura anke fil-missjoni tal-Knisja, tagħna bħala dixxipli tiegħu.

Innutaw ftit. Ġesù jxandar l-Evanġelju tas-saltna ta’ Alla. Dak hu l-iktar importanti. Kif kien spjega Ġesù: “Alla hekk ħabb lid-dinja li ta lil Ibnu l-waħdieni biex kull min jemmen fih… ikollu l-ħajja ta’ dejjem” (Ġw 3:16)… Kompli aqra »

M’hemm xejn aktar progressiv u liberali mill-ħarsien tal-ħajja umana – L-Isqof Galea-Curmi

Quddiesa organizzata mill-Fondazzjoni LifeNetwork b'tifkira tal-vittmi tal-abort fid-dinja

13/09/2020   Il-Kappella tal-Lunzjata, limiti tar-Rabat

L-omelija tal-Isqof Joseph Galea-Curmi

Qegħdin illum inġeddu l-memorja ta’ bnedmin prezzjużi li l-ħajja tagħhom twaqqfitilhom  ħesrem waqt li kienu qed jiżviluppaw biex bħalna jkunu jistgħu jitwieldu. Dawn qatt ma kellhom l-opportunità biex juru lid-dinja min huma. Aħna nibku t-telfa ta’ dawn l-ulied, għax il-ħajja umana hi dejjem għażiża. It-telfa ta’ dawn hi telfa kbira għalina lkoll. Mhijiex telfa għal min jemmen fi Kristu biss, imma telfa għal kull min b’xi mod jew ieħor kapaċi japprezza l-ħajja umana mill-ewwel mument tat-tnissil tagħha… Kompli aqra »

Bejn tibna u travu – L-Isqof Galea-Curmi

11/09/2020   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Hemm differenza enormi bejn tibna u travu. U Ġesù juża din id-differenza, bi ftit esaġerazzjoni, biex jagħmel il-punt li kultant aħna nħarsu lejn l-oħrajn u naraw il-ħażin fihom u l-ħażin tagħhom, u ma nħarsux lejn il-ħazin tagħna li jkun agħar. Għalhekk: it-tibna f’għajn l-oħrajn filwaqt li f’għajnejna għandna travu.

Dan il-kliem ta’ Ġesù jiġi wara dak li qal lid-dixxipli: “Tiġġudikawx u ma tkunux iġġudikati, tikkundannawx u ma tkunux ikkundannati” (Lq 6:37)… Kompli aqra »

Jum speċjali ta’ ċelebrazzjoni tal-ħajja – L-Isqof Galea-Curmi

Quddiesa fil-festa tat-Twelid tal-Verġni Marija

08/09/2020   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

Il-festa tat-twelid ta’ Marija hija festa li tiċċelebra l-ħajja. Kull twelid hu ċelebrazzjoni tal-ħajja, imma meta naħsbu f’Marija dejjem naraw din l-enfasi speċjali fuq il-ħajja. Nixtieqkom tinnutaw kif aħna niċċelebraw bil-kbir żewġ festi ta’ Marija li huma hekk konnessi: it-8 ta’ Diċembru, it-tnissil tagħha; u disa’ xhur wara, illum, it-8 ta’ Settembru, it-twelid tagħha. Dan ifisser li aħna niċċelebraw il-bidu tal-ħajja ta’ Marija fit-tnissil tagħha – għax hemm hu l-bidu – u llum niċċelebraw il-fatt li ommha u missierha laqgħu din it-tifla, u setgħet titwieled wara dawk ix-xhur kollha tiżviluppa bħala bniedma… Kompli aqra »

Prijoritajiet f’posthom – L-Isqof Galea-Curmi

Quddiesa konċelebrata minn Dun Jake Mamo, Salesjan li ġie ordnat saċerdot f'Ġunju li għadda

07/09/2020   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Żgur li tolqotna d-differenza fil-ħarsa ta’ Ġesù min-naħa l-waħda, u l-ħarsa tal-kittieba u l-Fariżej min-naħa l-oħra. Il-ħarsa ta’ Ġesù fis-sinagoga waqfet fuq dan il-bniedem fil-bżonn: ir-raġel li kellu idu l-leminija niexfa. Il-ħarsa tiegħu waqfet fuqu u kien diġà qed jaħseb biex ifejqu. Kienet ħarsa ta’ mħabba u kompassjoni.

Il-kittieba u l-Fariżej ħarsithom waqfet fuq Ġesù, mhux b’ammirazzjoni, imma biex jaraw x’se jagħmel ħa jkollhom fuqiex jixluh… Kompli aqra »

Korrezzjoni bl-imħabba – L-Isqof Galea-Curmi

Quddiesa tat-23 Ħadd matul is-sena

06/09/2020   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

Nixtieq li taħsbu ftit fuq dan: xi tħoss jekk tisma’ li xi ħadd qrib tiegħek qagħad jgħid kontra tiegħek, bi kritika, minn wara dahrek? Naħseb li tħossok irrabjat jew irrabjata, u tgħid: ma setax dan, li qiegħed il-ħin kollu miegħi, jgħidli bil-kwiet minflok, jekk ra xi ħaġa ħażina, imur jgħidha minn wara dahri?   

Dak li nħossu aħna hu dak li qal Ġesù llum fl-Evanġelju… Kompli aqra »

Nilqgħu l-‘ħajja ġdida’ li Ġesù jġib ġewwa fina – L‑Isqof Galea‑Curmi

05/09/2020   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Inbid ġdid jitqiegħed f’damiġġjani ġodda.” Meta Ġesù qal dan il-kliem, kien fil-kuntest ta’ konflitt mal-awtoritajiet reliġjużi ta’ żmienu. Fil-fatt ir-rakkont li smajna llum jiġi bejn żewġ episodji fejn qiegħed f’polemika mal-awtoritajiet reliġjużi ta’ żmienu. Għalhekk, nistgħu nifhmu dan il-kliem ta’ Ġesù proprju fid-dawl ta’ dan.

X’kienu d-damiġġjani l-qodma? Kienet il-mentalità ta’ diversi nies fi żmien li Ġesù li tagħlqilhom qalbhom u moħhom biex ma jkunux jistgħu jilqgħu l-Aħbar it-Tajba… Kompli aqra »