Id-dettalji tal-funeral tal-Arċisqof Emeritu Pawlu Cremona O.P., li hu kkordinat bejn il-Knisja u l-Istat.

Il-quddiesa tal-funeral ta’ Mons. Cremona se ssir nhar is-Sibt, 22 ta’ Marzu 2025, fid-9:30am fil-Konkatidral ta’ San Ġwann, il-Belt Valletta. Il-quddiesa praesente cadavere se tkun immexxija mill-Arċisqof ta’ Malta Charles J. Scicluna.

Il-programm tal-Funeral ta’ Mons. Pawlu Cremona O.P.Download Kompli aqra » Il-Ħamis, 20 ta’ Marzu 2025 12:00pm – 12:15pm Jindaqqu l-qniepen fi transitu mill-knejjes kollha ta’ Malta b’tislima lill-Arċisqof Emeritu Pawlu Cremona O.P…

L‑Arċisqof Cremona ħalla din id‑dinja f’11:55pm tal‑bieraħ, it‑Tlieta, 18 ta’ Marzu 2025, fl‑Isptar Mater Dei.

Ritratti: Ian Noel Pace

L‑entità tal‑Knisja Fondazzjoni Sebħ iffirmat ftehim mal‑Ministeru għall‑Politika Soċjali, sabiex tkompli tmexxi d‑djar tat‑tfal f’Malta u toffri sigurtà, dinjità, imħabba u għożża lit‑42 tifel u tifla li jinsabu fil‑kura tal‑Knisja.

Dan il‑ftehim jassigura għajnuna finanzjarja ta’ €7 miljun mill‑Gvern sabiex Fondazzjoni Sebħ tkompli tmexxi s‑seba’ appartamenti residenzjali. Hu stmat li Fondazzjoni Sebħ għandha bżonn madwar €70,000 fis-sena għal kull tifel u tifla… Kompli aqra »

L‑Arċidjoċesi ta’ Malta u Heritage Malta ffirmaw Memorandum ta’ Ftehim (MoU) importanti biex tiġi restawrata l‑Knisja ta’ Santa Katerina tal‑Italja fil‑Belt Valletta u jinfetaħ l‑aċċess pubbliku għaliha mill‑MUŻA – il‑Mużew Nazzjonali tal‑Arti tal‑Komunità.

Il‑ftehim jirrifletti r‑rieda komuni taż‑żewġ entitajiet li jestendu l‑opportunitajiet għall‑pubbliku biex japprezza din il‑binja ikonika ta’ żmien il‑Kavallieri fil‑kapitali, li bħalissa sservi bħala l‑knisja parrokkjali tal‑komunità Taljana f’Malta. Lil hinn mill‑funzjonijiet reliġjużi, Santa Katerina tal‑Italja hija wkoll l‑uniku eżempju li għadu jeżisti ta’ knisja ta’ żmien il‑Kavallieri mqabbda mal‑berġa tagħha, f’dan il‑każ il‑Berġa tal‑Italja, fejn illum hemm il‑MUŻA… Kompli aqra »

Il-kumitat il-ġdid tas-CSA mix-xellug għal-lemin: Stephen Cachia, Johann Tabone, Melanie Ungaro, Roberta Mifsud Bonnici, Daniela Demicoli, Patri Clinton Farrugia MSSP, Elton Vella, Sr Marica Briffa, Patri David Cortis OSA.

Waqt il‑laqgħa ġenerali annwali tal‑Assoċjazzjoni tal‑Iskejjel tal‑Knisja (CSA), li tirrappreżenta 55 skola tal‑Knisja f’Malta u Għawdex, intagħżlu l‑membri l‑ġodda tal‑kumitat għas‑snin 2025-2028.

Stephen Cachia ġie magħżul bħala l-Koordinatur tal‑Assoċjazzjoni. Patri Clinton Farrugia MSSP intgħażel bħala Deputat Koordinatur, Patri David Cortis OSA bħala Teżorier, Roberta Mifsud Bonnici bħala Segretarju u Melanie Ungaro bħala Viċi Segretarju… Kompli aqra »

L‑Iskejjel tal‑Knisja u l‑Unjin tal‑Għalliema (MUT) iffirmaw il‑ftehim kollettiv tal‑edukaturi li jaħdmu fl‑Iskejjel tal‑Knisja wara xhur ta’ negozjati. Il‑ftehim hu validu għal ħames snin, bejn l‑2023 u l‑2027. L iffirmar, li sar illum fil-Kurja tal-Arċisqof fil-Furjana, kien ippresedut mill Arċisqof Charles Scicluna.

Minn dan il‑ftehim kollettiv qed jibbenefikaw madwar 3,200 edukatur li jaħdmu fis‑Segretarjat għall‑Edukazzjoni Kattolika u fil‑55 skola tal‑Knisja f’Malta u Għawdex… Kompli aqra »

Tħabbret il‑mewt ta’ Mons. Victor Grech, li permezz ta’ ħidmietu biddel il‑mod li bih is‑soċjetà Maltija bdiet tħares u taffaċċja kwistjonijiet bħad‑droga, l‑alkoħoliżmu, il‑faqar u l‑inġustizzja soċjali.

Mons. Grech miet illum, l‑Erbgħa, 5 ta’ Frar 2025, fl‑9:58am fl‑Isptar Mater Dei, fl‑età ta’ 95 sena.

F’isem il-Knisja f’Malta, l-Arċisqof Charles Scicluna sellem il-memorja ta’ Mons. Grech bħala “saċerdot u benefattur tan-nazzjon li ddedika ħajtu għal Caritas Malta u sawwar il-missjoni u l-viżjoni tagħha għal għexieren ta’ snin”… Kompli aqra »